Ovindekaise vi Kuamiwa

Poku Laleka Omanu Oku Enda Konjivaluko

“Tu kuete esanju lioku ku laleka ove kumue lepata liove, oku enda kocipito cimue ci kuete esilivilo ci ka lingiwa koluali luosi keteke 26 Yelombo. Keteke liaco tu ka ivaluka olofa via Yesu. Ku ka lingiwa ohundo yimue yi lombolola ndomo olofa via Yesu vi pondola oku tu kuatisa. Vokokanda kalo mu sangiwa onumbi yocitumãlo ku ka lingiwila ocipito caco, kuenda owola yi ka fetika posongo yetu.”

Utala Wondavululi 1 Yelombo

“Kepuluvi lilo liunyamo, omanu vamue va siata oku sokolola epinduko lia Yesu. Pole, valua ka va kũlĩhĩle okuti olofa via Yesu lepinduko liaye vi va kuatisa. Ove hẽ wa lipulile ale eci ca tiamẽla kondaka eyi? [Ecelela etambululo.] Tala onima ya velapo ya tukuiwa palo. [Tanga 1 Va Korindo 15:20-22.] Utala ulo Wondavululi, u lombolola eci epinduko lia Yesu li lomboloka kokuove kuenda kokuange.”

Despertai! Yelombo

“Ove o tava hẽ okuti koloneke vilo, ca leluka oku tata epata? [Ecelela etambululo] Olonjali vialua via siata oku kuatisiwa lolonumbi Viembimbiliya. Ocinimbu eci ca siata oku kuatisa olonjli oku sandiliya apuluvi oku pandiya omãla vavo kuenda oku lekisa kokuavo okuti va koleliwa. [Tanga Va Kolosai. 3:21, 22] Vocipama cilo mu sangiwa olonumbi vitãlo vi kuatisa olonjali oku ci linga.”