Ovindekaise vi Kuamiwa

Poku Laleka Omanu Oku Enda Kocipito Conjivaluko

Tu kasi oku eca otuikanda tuocipito cimue ci kuete esilivilo. Keteke 14 yosãi ya Kupupu, omanu valua va sangiwa voluali luosi va ka likongela oco va linge ocipito conjivaluko violofa via Yesu Kristu, kuenda ku ka lingiwa ohundo yimue yi lombolola ndomo olofa via Yesu vi pondola oku tu kuatisa. Vokokanda kalo, mu sangiwa onumbi yocitumãlo ku ka lingiwila ocipito caco, kuenda owola ci ka fetika posongo yetu.”

Utala Wondavululi 1 ya Kupuku

“Tu kasi oku nyula omanu vosi oco tu va lomboluile ondaka yimue va siata oku sima. Ndaño okuti vosi va kuete atavo avo, pole, va siata oku likutilila. Ove hẽ, o sima okuti Suku o tambulula olohutililo viaco, ale o sima okuti vi tu kuatisa oku tetulula ovitangi vietu? [Ecelela etambululo.] Kũlĩhĩsa eci Embimbiliya li popia catiamẽla kolohutililo. [Tanga 1 Yoano 5:14.] Orevista yilo, yi lombolola ndomo olohutililo vi tu kuatisa.”

Despertai! ya Abril

“Tueya kulo oco tu kuatise omanu oku kuata elomboloko liovitangi viosi tua siata oku liyaka lavio. Vamue va siata oku kuata ovisimĩlo vioku liponda omo liovitangi va liyaka lavio komuenyo. Nda omunu umue o kasi oku tala ohali, ove hẽ o sima okuti o sukila oku fa, ale osima okuti o sukila oku kuatisiwa omo liovitangi viaye? [Ecelela etambululo.] Ohuminyo eyi Yembimbiliya yi kuatisa omanu valua oku kuata ovisimĩlo via sunguluka. [Tanga Esituluilo 21:3, 4.] Orevista yilo yi lombolola atosi atatu a kuatisa omunu oku amamako oku kuata esanju ndaño lovitangi a siata oku liyaka lavio.”