Ndomo tu Talavaya Lombrochura, Velie va Kasi Oku Linga Ocipango ca Yehova Koloneke Vilo?
Ombrochura Yokaliye ya Pongiyiwila Oku Kuatisa Vana va Lilongisa Embimbiliya Oku Iñila Vocisoko ca Yehova
1. Cipi ocimaho combrochura yokaliye?
1 Ove hẽ o kasi oku talavaya lombrochura yokaliye losapi hati: Velie va Kasi Oku Linga Ocipango ca Yehova Koloneke Vilo? Ocimãho cayo ceci: (1) Oku kuatisa vana va kasi oku longisiwa Embimbiliya oco va kũlĩhe Olombangi Via Yehova, (2) oku va kuatisa oku kũlĩha upange wetu, kuenda (3) oku lekisa kokuavo ndomo ocisoko ca Yehova ci talavaya. Vombrochura losapi hati: Velie va Kasi Oku Linga Ocipango ca Yehova Koloneke Vilo?, mu sangiwa ovipama okuti kesulilo lielilongiso lelilongiso, tu pondola oku vi konomuisa londonge vokuenda kuakukutu atãlo ale ekũi.
2. Lombolola ndomo ombrochura ya pangiwa kuenda ovina vikuavo vi sangiwamo.
2 Ndomo ya Pangiwa: Ombrochura yaco ya tepiwa volonepa vitatu, kuenda onepa lonepa yi lombolola etosi limue liatiamẽla kocisoko ca Yehova ndomo tua ci konomuisa kefetikilo. Olosapi viosi vi sangiwa kueci ci soka 28 kovipama, via sonehiwa ndepulilo. Pole, otulosapi tu kuãimo tua sonehiwa lotĩnda yi tekãva calua okuti, tu tambulula epulilo liaco. Alitalatu a tunda kueci ci soka 50 kolofeka, a lekisa ovitumãla ku kasi oku lingiwila upange wetu woku kunda. Ovipama vimue vi kuete okakasia losapi: “Kũlĩha Ovina Vikuavo” okuti, mu sangiwa atosi o pondola oku kuama oco o vetiye ondonge yove.
3. Tu talavaya ndati lombrochura yokaliye?
3 Ndomo o Talavaya Layo: O pondola oku fetika oku sapela lomunu poku u lekisa osapi yocipama. Osimbu vu tangela kumosi ocipama caco, lombolola atosi a velapo a sonehiwa lotinda yi tekãva calua. Poku malusula, pitulula apulilo a sangiwa kesulilo liocipama. O pondola oku tanga ocipama cosi, loku lombolola etosi letosi. Ndaño vocipama caco mu sangiwa ovinimbu vialua Viembimbiliya, pole, nõla lutate evi vi tangiwa. Ku ka ivaleko oku konomuisa alitalatu kuenda okakasia losapi: “Kũlĩha Ovina Vikuavo.” Citava okuti o konomuisa ovipama ndomo vi likuãi. Pole, o pondola oku tehẽla kovipama vina osima okuti, vi vetiya lonjanga onjongole yomunu. Nda o yongola oku vangula catiamẽla kohongele yimbo ale yofeka, citava okuti o konomuisa londonge ocipama 11.
4. Momo lie wa sanjukila omo lioku tambula ombrochura yokaliye?
4 Eci tu longisa Embimbiliya komunu umue, tu u kuatisa oku linga ukamba la Isietu wokilu. Pole, tu sukilavo oku u longisa catiamẽla kocisoko ca Yehova. (Olosa. 6:20) Tu kuete esanju lialua omo liombrochura yokaliye tua tambula, yi tu kuatisa kupange woku kunda!