Tu Amamiko Oku Kuata Uloño Kupange Woku Kunda—Poku Kapako Omanu tu Sanga
Esunga Lieci ci Kuetele Esilivilo: Yesu wa kapeleko omunu lomunu kuenda wa lekisa onjongole kokuavo. Onjanja yimue Yesu wa limbuka esakalalo liulume umue wa kala ocisitatuĩ, kuenje poku u sakula wa ci lingila vuyombeki oco ka ka muiwe lowiñi. (Mar. 7:31-35) Eye wa kapeleko olondonge viaye poku limbuka okuti ka va lipuile kuenda ka va longisile ovina vialua vepuluvi limuamue. (Yoa. 16:12) Ndaño okuti Yesu o kasi kilu, pole wa kapako omanu vosi. (2 Tim. 4:17) Omo okuti tulondonge via Kristu tu sukila oku kuama ongangu yaye. (1 Pet. 2:21; 1 Yoa. 3:16, 18) Omo liaco, tu loñoloha lika kupange woku kunda nda okuti tua kapako ekalo lonjongole kuenda ovituwa viomunu tu sanga. Eye o pondola lika oku tu yevelela nda wa limbuka okuti tua kapako ekalo liaye okuti oku eca lika esapulo Liusoma ale alivulu ci sule.
Seteka Ndoco Vokuenda Kuosãi:
Pitulula ovina viaco vokuenda kuefendelo liepata ale osimbu o kasi kupange woku kunda o sukila oku linga apongoloko kolondaka viove vioku fetika ombangulo, oco o kuatise omunu wa sanga oku kuata elomboloko liasuapo.
Vokuenda kuolohongele viupange woku kunda, manji o songola a lombolole ale a lekise ndomo tu pondola oku kapako omanu tu sanga kupange woku kunda.