“Eci Nda Endele Onjanja Yavali Konjo Yaye so Sangeleko!”

Anga hẽ wa siatavo oku popia olondaka viaco catiamẽla komunu umue wa lekisa onjongole? Ndaño okuti wa siata oku nyula omunu wa lekisa onjongole, pole ku pondola oku tapela ombuto yocili ove wa kũla. (1 Va Kor. 3:6) Akundi vamue va siata oku sonehela ukanda umue komunu una okuti ka sangiwa konjo yaye ale va sia ukanda waco pepito liomunu waco. Akundi vakuavo va linga apongoloko oco va sange konjo omunu va kundila kuenda va pinga etendelo liaye liotelefone, loku u pula ndoco: “Ove hẽ wa siata oku tanga asapulo?” Opondola oku nyula omunu waco poku u kundila lekuatiso liukanda umue, oku tuma esapulo, oku sia ukanda umue vepito liomunu waco ale oku u telefonalela. Ndaño okuti ka ci leluka oku sanga omunu waco konjo, pole, citava oku vetiya onjongole yaye.