Linga Elilongiso Limue Liopokolika li Pamisa

ESUNGA LIECI CI KUETELE ESILIVILO: Elilongiso Liembimbiliya liopokolika, li tu kuatisa oku “kũlĩha ciwa upati, lusõvi loku lepa kuenda oku longa” kuocili. (Va Efe. 3:18) Li tu kuatisavo oku pua etondelo loku lipua voluali lulo lua vĩha kuenda oku ‘likolisilako oku kuata ondaka yomuenyo.’ (Va Fil. 2:15, 16) Velilongiso liopokolika Liondaka ya Suku, tu pondola oku nõla ovipama vi tu kuatisa komuenyo wetu. Nye tu sukila oku linga oco tu kuatisiwe koku tanga kuenda koku lilongisa Embimbiliya?

NDOMO CI LINGIWA:

• Velilongiso liove lipokolika Liembimbiliya, nõla atosi a velapo kuenda a soneha, ci kale vopapelo ale votelefone

• Poku tanga Embimbiliya, li pula ndoco: ‘Helie? Nye? Otembo yipi? Pocitumãlo cipi? Momo lie? Ndamupi?’

• Linga akonomuiso. Talavaya lovimãleho vioku sandiliya o kuete, oco o kũlĩhise volosapi ale vovinimbu Viembimbiliya

• Sokolola lutate kovina o tanga oco o limbuke ndomo ulandu waco u tiamisiwila kokuove

• Kapako ovina o lilongisa komuenyo wove weteke leteke.—Luka 6:47, 48

TALA OVIDEO LOSAPI HATI, “KUATA OCIMÃHO” COKU LINGA ELILONGISO LIMUE LIOPOKOLIKA LIONDONGOSI, KUENDA TAMBULULA APULILO AKUÃIMO:

• Nye vamue va popia catiamẽla kelilongiso liopokolika?

• Momo lie tu sukila oku likutilila osimbu ka tua fetikile elilongiso liopokolika?

• Nye ci tu kuatisa oku kuata elomboloko liasuapo liulandu umue Wembimbiliya?

• Tu pondola oku taya ndati atosi avelapo tu sanga velilongiso lietu liopokolika?

• Momo lie ci kuetele esilivilo oku sokolola lutate eci tu lilongisa Ondaka ya Suku?

• Nye tu sukila oku linga lovina tua lilongisa?