Ndomo o Pondola Oku Ivaluka Ovinimbu Viembimbiliya

Anga hẽ onjanja yimue ca tĩlile kokuove oku sanga ocinimbu cimue Cembimbiliya o sole, ale oku ivaluka eci ocinimbu caco ci popia? Pamue ca kala ocinimbu cimue ci lembeleka haico ci ku kuatisa oku yula ovisimĩlo ka via sungulukile, ale ocinimbu cimue wa yonguile oku tangela omunu umue. (Osa. 119:​11, 111) Kũlĩhĩsa olonumbi vimue vi pondola oku ku kuatisa oku ivaluka ovinimbu Viembimbiliya.

• Talavaya lonepa yoku soneha ovina wa lilongisa yi sangiwa vo JW Library®. Yikula onepa yimue yoku soneha kuenda sonehamo hati, “Ovinimbu ndi sole” kuenda sonehamo ovinimbu viosi o yongola oku patekela.

• Kapa ocinimbu caco pana okuti ca leluka oku ci sanga. Soneha ocinimbu o yongola oku ivaluka vopapelo yimue kuenda yi kapa pocitumãlo cimue o pondola oku yi mola. Vamue va siata oku pateka o papelo yaco kolumuĩlo kuenda vakuavo vepito lionjilela. Handi vali, vakuavo vopa elitalatu kocinimbu cimue Cembimbiliya kuenje va kapa elitalatu liaco vo kombutadore ale vo telefone oco li molẽhe vocikete.

• Sokiya kuenda talavaya lotuicapa tuoku patekela. Soneha elivulu Liembimbiliya, ocipama caco kuenda ocinimbu konele yimue yocicapa kuenje konele yikuavo sonehamo eci ocisonehua caco ci popia. Noke, poku luluvalela konele yimue sanda oku tukula olondaka vi kasi konele yikuavo.P