Забур

Сано.

98 Яҳовага янги қўшиқ куйланг+,

Чунки У ажойиб ишлар қилди+.

Унинг ўнг қўли, муқаддас билаги нажот келтирди+.

2 Яҳова Ўз нажотини намоён қилди+,

Миллатлар кўз ўнгида адолатини ошкор этди+.

3 У Исроил хонадонига нисбатан меҳр-садоқатию вафосини ёдга олди+.

Бутун ер юзи Тангримизнинг нажотини кўрди+.

4 Бутун ер шодлик нидолари ила Яҳовани мақтасин.

Хурсанд бўлсин, қувончдан ҳайқириб мадҳлар куйласин+.

5 Арфа чалиб Яҳовани тараннум этсин,

Арфа ва хушоҳанг қўшиқ билан Уни тараннум этсин.

6 Карнайлару бурғу билан+

Подшоҳ Яҳова олдида шодланиб хитоб қилсин.

7 Денгиз ва уни тўлдириб турган барча нарса,

Ер ва унда яшайдиганлар ҳайқирсин.

8 Дарёлар қарсак чалсин,

Тоғлар ҳам қўшилиб Яҳова олдида қувончдан хитоб қилсин+.

9 Чунки У ерни ҳукм қилиш учун келяпти.

У ер юзи аҳолисини адолат ила+,

Халқларни ҳаққоният ила ҳукм қилади+.