Забур

99 Яҳова Шоҳ бўлди+. Халқлар титрасин.

У карублар устида* тахтда ўтирибди+. Ер ларзага келсин.

2 Яҳова Сионда буюкдир,

Барча халқлар устидан юксалгандир+.

3 Улар улуғ исмингни мақтасин+,

Чунки исминг маҳобатли ва муқаддасдир.

4 У адолатни севадиган+ қудратли шоҳдир.

Сен тўғриликни барқарор қилдинг.

Ёқуб* учун адолат ва ҳаққониятни ўрнатдинг+.

5 Аллоҳимиз Яҳовани улуғланг+, оёқ қўядиган курсиси олдида сажда қилинг+,

У муқаддасдир+.

6 Мусо билан Ҳорун Унинг руҳонийлари қаторида+,

Шомуил Унинг исмини чақирганлар орасида эди+.

Улар Яҳовани чақирарди,

У эса уларга жавоб берарди+.

7 У булут устунидан уларга сўзлар эди+.

Улар бўлса Унинг эслатмаларию фармонларига амал қиларди+.

8 Эй Яҳова, Худойимиз, Сен уларга жавоб берардинг+.

Сен уларни кечирувчи Тангри эдинг+,

Аммо қилган гуноҳлари учун уларни жазолардинг+.

9 Худойимиз Яҳовани улуғланг+,

Муқаддас тоғи олдида сажда қилинг+,

Чунки Аллоҳимиз Яҳова муқаддасдир+.