Uddufune 10n Doommiya Saaminttaa
UDDUFUNE 10N DOOMMIYA SAAMINTTAA
□ Gubaaꞌiyaa Geeshsha Maxaafaa Xinaatiyaa:
lv shem. 13 ¶1-4, sinttaa 148-149, 158-159n deꞌiya saaxiniyaa
□ Tiꞌokiraase Haggaazo Timirtte Keettaa:
Geeshsha Maxaafaa nibaabee: 2 Sameela 4-8
Paydo 1: 2 Sameela 6:1-13
Paydo 2: Valanttayna Gallassaa, Aayotu Gallassaanne Yelettido Biittaa Siiqiyoogaara Gayttida Baalata Bonchiyoogaa Xeelliyaagan Nuuni Akeekiyoobay Aybee? (rs sinttaa 182 ¶3–sinttaa 183 ¶2)
Paydo 3: Yaaretiyoogee Eeqau Goynniyoogaara Issi Mala Gididoy Aybissee? (Efi. 5:5)
□ Haggaazo SHiiquwaa:
5 daq: Erissuwaa.
10 daq: Haggaazo Moottan Deꞌiyaageeta Maaddite. Haggaazo Timirtte Keettaa maxaafaa, sinttaa 188, mentto 4ppe biidi sinttaa 189 wurssettaa gakkanaashin baasettidi ezggiyaageetuura tobbiyoogaa. Koshshaa bessido gishshau, dichaa bessanaadan harati maaddido uraa amarida oyshaa oycha.
10 daq: Geeshsha Kawotettaa Addaraashay Yihoowa Bonchissees. Gubaaꞌiyaa cimay haasayan shiishshees. Yihooway geeshsha Xoossaa; yaatiyo gishshau, asatettaa geeshshatettay a asay ba deꞌuwan kaseyiyooba. (Kes. 30:17-21; 40:30-32) Nu goynniyo sohuwaa ubba wode geeshshiyoogaaninne loyttidi oyqqiyoogan Yihoowa bonchissoos. (1 PHe. 2:12) Gubaaꞌiyaa addaraashaa geeshshiyoonne loyttiyo hanotaa kaalliya ishaa issi issi oyshaa oycha. Loꞌꞌo hanotan deꞌiya Kawotettaa Addaraashay heeran deꞌiya asau markkattanau maaddidoogaa bessiya, heeraappe woykko xuufiyaappe demmido temokruwaa yoota. Kawotettaa Addaraashaa ubba wode loytti oyqqiyoogan ubbay shaahettanaadan minttetta.
10 daq: “Mishiraachoy Odettana.” Oysha-zaaruwan tobbiyoogaa.