IXUWAA WAATA XOONANA DANDDAYAY?

1 | Asa Asappe SHaakkoppa

Geeshsha Maxaafay Tamaarissiyoobaa:

“Xoossai asa som77o xeellenna; shin dere ubban baassi yayyiyaagaanne xillo ooso oottiyaagaa [galatees].”— OOSUWAA 10:34, 35.

Hegee Woygiyoogee?

Xoossaa Yihoowaya nu biittaa, zariyaa, meraa woy wogaa xeellidi pirddenna. SHin, I nu wozanaa xeellees. Geeshsha Maxaafay, “asi som77uwaa xeellees; shin GODAI wozanaa xeellees” yaagees.—1 Sameela 16:7.

Ay Oottana Danddayay?

Nuuni asa wozanan deꞌiyaaba erana danddayennaba gidikkokka, asa asappe shaakkennan aggiyoogan Xoossaa milatanawu baaxetana danddayoos. Issi citan deꞌiyo gishshawu coo ixxiyoogaappe, izaawu oonatettaa akeekanawu baaxeta. Hara sheeshsha woy hara biittaa asa gididaageeta xeelliyaagan neeni balabaa qoppiyoogaa akeekikko, hegaa mala qofaa agganaadan maaddana mala Xoossaa woossa. (Mazamure 139:23, 24) Neeni asa asappe shaakkennaadan Yihooway maaddana mala wozanappe oychchikko, I ne woosaa siyidi maaddanaagaa ammanettana danddayaasa.—1 PHeexiroosa 3:12.

a Yihoowa giyoogee Xoossawu buzo sunttaa.—Mazamure 83:18.

“Issi paranjjaara issippe . . . mule saruwan utta erikke. Haꞌꞌi taani wozanappe siiqettiya ubba sohuwan deꞌiya ishanttuppe issuwaa.”—TAYTESA

Deꞌuwan Hanidabaa—TAYTESA

Asaa Ixxiyoogaa Aggiis

Taytesi zaggiyoogaa keehi ixxiyo gishshawu makkalanchchatu citaa yame gidiis. I hagaadan giis: “Karettati gelanawu paqqadettibeenna hoteeletanne tukke keettata gelidi ooyettoos.” Taytesi harata keehippe ixxiyo gishshawu makkalabaa oottiyoogaa yootiis. I hagaadan giis: “Taani, attuma gidin macca gidin issi uraara ooyettikko, ubbatoo he uraara warettiyoogaa kasetada doommiyay tana.”

Taytesi Yihoowa Markkatuura Geeshsha Maxaafaa xannaꞌiyoogaa doommido wode, laamettiyoogaa doommiis. I Geeshsha Maxaafaa nabbabidoogee, ba qofaa laammanaadan A maaddiis. Qassi, “Hagaappe sinttanau haiqoinne kayyoi woi waasoinne sahoi de7enna” yaagiya hidootay A keehippe denttettiis.—Ajjuutaa 21:3, 4.

Taytesi koyro heeran harata ixxiyoogaa agganawu keehi metootiis. I, “taani qoppiyoobaanne oottiyoobaa agganawu keehi metootaas” yaagiis. SHin, Xoossay asaa asappe shaakkennaagaa yootiya, Oosuwaa 10:34, 35n deꞌiya qofaa eridoogee A maaddiis.

Hegee A waati maaddidee? Taytesi hagaadan giis: “Eta zaree woy meray ayba gidikkonne, Yihoowa Markkati issoy issuwaara siiqettiyoogaa taani beꞌido wode, eta haymaanootee tuma gidiyoogaa ammanaas. Ubba taani xammaqettanaappe kase, gubaaꞌiyan deꞌiya issi paranjja ishay issippe qumaa maanawu tana ba soo shoobbiis. Hegee tawu aymo mala. Hagaappe kase issi paranjjaara A son qumaa issippe miyoogee atto, he uraara issippe mule saruwan utta erikke. Haꞌꞌi taani wozanappe siiqettiya ubba sohuwan deꞌiya ishanttuppe issuwaa.”