Koyro Gallassi Xinaatiyaa Doomissadii?

Nunaara Geeshsha Maxaafaa xannaꞌanaadan asaa shoobbiyo wode, issoti issoti hegaa koyennaagaa woykko bantta woosa keettan Geeshsha Maxaafaa xannaꞌiyoogaa yootana danddayoosona. Geeshsha Maxaafaa xinaatiyaa giyo qofaa, eti kase bantta eriyoogaara gatti qoppiyo gishshau, hegee ay keena akeeka demmiyoobanne ufayssiyaabakko erokkona. Yaatiyo gishshau, xannaꞌanaadan coo shoobbiyoogaappe, Geeshsha Maxaafaa xannaꞌissiyo giigissuwaa guutta daqiiqa giddon koyro gallassi ayssi bessikkii? Hara guussan: Neeni qumaa katuwau qara gidiyoogaa yootada, hara wode qumaa ekkada yaanaagaa odiyoogaappe, yiidosaara miza! Guutta daqiiqa giddon neeni hegaadan oottana danddayiyo ogee, Ichashe 2006 Nu Kawotetta Haggaazuwaa sinttaa 6n deꞌiya qofan baasettidi shiiqiis:

“Ha qaalay polettiyo wodee yaana giidi qoppeetii? [Isiyaasa 33:24 nabbaba; yaatada, zaaruwaa immanaashin takki ga.] Hegaa xeelliyaagan issi loꞌꞌobaa ane ta inttena bessays.” Geeshsha Maxaafay Tamaarissiyoy giya maxaafaa keettaawau immada, sinttaa 36, mentto 22 bessa. Tohossan deꞌiya oyshaa nabbaba; yaatada, neeni menttuwaa nabbabiyo wode oyshau zaaruwaa koyanaadan yoota. Yaatada, zaaretta oycha; hegaappe i zaariyo wode ezgga. Hara xiqisiyaa aara issippe nabbaba. Zaarettada yiyo wode zaarana oyshaa dentta; zaaretta oychanau wodiyaa keera. Yaatiyoogan, Geeshsha Maxaafaa xinaatiyaa doomissadassa giyoogaa!