Ko Te ʼu Fono Gāue ʼo Sanualio
Vāhaʼa ʼe Kamata ʼi Te 1 Sanualio
Katiko 151
10 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga.
17 min: “Tou Fai Faka Mafola ʼAki Te Fakasiosio Tonu.” Palalau ki te ʼu puani tāfito, pea mo fai he faʼifaʼitaki e tahi peʼe lua. Fakahā ki te kokelekasio pe ko te ʼu kaupepa fea ʼaē ʼe maʼu ʼi te Fale ʼo te Puleʼaga.
18 min: Ko te ʼu logo ʼe ʼaoga ki te kokelekasio. Peʼe ko he akonaki ʼe fakatafito ki te alatike “Ko He Ako ʼo ʼUhiga Mo Te Fakatokatoka ʼo Te ʼu Faigataʼaʼia,” ʼi Te Tule Leʼo, ʼo te ʼaho 15 ʼo Fepualio, pasina 23-26.
Katiko 28 pea mo te faikole fakaʼosi.
Vāhaʼa ʼe Kamata ʼi Te 8 Sanualio
Katiko 106
10 min: Ko te ʼu logo ʼo te kokelekasio. Lau te falā ʼo te kokelekasio. Fakamālo ki te kokelekasio ʼo ʼuhiga mo te paʼaga ʼaē ʼe ina foaki moʼo lagolago ki te gāue ʼi totatou fenua pea mo te gāue ʼaē ʼe fai ʼi te malamanei ʼo ʼuhiga mo te faka mafola ʼo te logo lelei.
15 min: ʼE maʼuhiga ʼaupito te kate Instructions médicales/Pas de sang, ko he meʼa faka hāofaki. ʼE felogoi te tagata ʼāfea mo te kokelekasio ki te maʼuhiga ʼaē ke tahi tohi fakalelei tana kate pea mo kita ʼave tuʼumaʼu mo kita, pea mo te ʼaoga ʼaē ke toe maʼu tuʼumaʼu e te fānau tanatou kate dʼidentité. Ohage ko te higoa ʼo te kate, ʼe ina fakahā fakatomuʼa te meʼa ʼaē ʼe tou loto kiai (peʼe ko te meʼa ʼaē ʼe mole tou loto kiai) ʼo ʼuhiga mo te ʼu faitoʼo. He koʼe ʼe tonu ke fai te faʼahi ʼaia ʼi te taʼu fuli? Ko he kate foʼou ʼe maʼuhiga age ia ʼi he kate kua fualoa tona tohi pea feala ke ʼui mole kei ʼaoga peʼe mole kei ina fakahā moʼoni tatatou tui. ʼE palalau te pepa ʼaia maʼa tatou mokā mole feala ke tou palalau. ʼE tufa te ʼu kate ʼi te afiafi nei. ʼE tonu ke tou ʼave ki totatou ʼapi ʼo tohi fakalelei ai, kae mole tonu ke sinie. Ohage pe ko tona kua fai ʼi te ʼu taʼu ʼaenī e lua kua hili, ʼe tonu ke sinie te pepa ʼi te Ako Tohi ʼo Te Kokelekasio, ke sio mata ki ai te kau takitaki ako tohi. ʼO feiā pe mo nātou ʼaē ʼe nātou sinie ohage ko he kau fakamoʼoni, ʼe tonu ke nātou sio mata kia ia ʼaē ʼe ina sinie tana kate. ʼE tonu ke fai te meʼa ʼaia lolotoga te ʼu ako tohi ʼo te vāhaʼa 15 ʼo Sanualio. (Vakaʼi te pasina 2 ʼo Te Minisitelio ʼo Te Puleʼaga, ʼo Sanualio 1994 kapau ʼe koutou fia ʼiloʼi he tahi ʼu meʼa ʼo ʼuhiga mo te faʼahi ʼaia. Toe vakaʼi mo te tohi ʼo te ʼaho 15 ʼo Tesepeli 1991.) Ko te ʼu kaugā fai faka mafola fuli ʼaē kua papitema ʼe feala ke nātou tohi tanatou ʼu kate Instructions médicales/Pas de sang. Ko nātou ʼaē ʼe fai faka mafola kae mole heʼeki papitema, ʼe feala ke nātou fai hanatou tohi ʼo mulimuli pe ki tanatou faʼahiga palalau ʼo faʼifaʼitaki ki te manatu ʼa te kate, ʼo fakahā ai tanatou tui. ʼE feala ke tokoni te ʼu mātuʼa ʼaē ʼe ʼi ai tanatou ʼu fānau mole heʼeki papitema ʼo tohi tanatou ʼu kate dʼidentité.
20 min: “Tou Liliu Ko He ʼu Hahaʼi ʼe Nātou Maʼuliʼi, Ka Mole Gata ʼAki Pe Tatatou Fagono.” Fai he ʼu fehuʼi mo he ʼu tali. Kapau ʼe maʼu he temi, koutou palalau ʼo ʼuhiga mo te maʼuhiga ʼo te fakalogo, ʼo fakatafito ki te tohi Auxiliaire, pasina 1099, palakalafe 1 mo 2.
Katiko 70 pea mo te faikole fakaʼosi.
Vāhaʼa ʼe Kamata ʼi Te 15 Sanualio
Katiko 85
12 min: Ko te ʼu logo ʼo te kokelekasio. Koutou palalau fakanounou ki te kua lahi ʼaupito ʼo te hahaʼi ʼaē ʼe mole tou maʼu atu kio nātou mokā tou fai faka mafola. Fakaloto mālohiʼi te kau fai faka mafola ke nātou toe vakaʼi tonatou temi pea mo lotomālohi ʼo fakaōvi ki te hahaʼi ʼaē ʼe feʼoloʼaki ʼi te ala, ʼaē ʼe tutuʼu ʼi te kau ala, peʼe ʼaē ʼe heheka ʼi tanatou ʼu motokā.
15 min: Ko te ʼu logo ʼo te kokelekasio. (Peʼe ko te alatike ʼaē “Koutou Taupau Te Manatu ʼAē Ke Fai Fakatavili Te ʼu Meʼa ʼa Te ʼAtua,” ʼe fakatafito ki Te Tule Leʼo, ʼo te ʼaho 1 ʼo ʼOketopeli 1995, pasina 25-28.
18 min: “Koutou Fai He ʼu ʼAʼahi Moʼo Hāofaki ʼo Te Hahaʼi.” Vakaʼi te ʼu faʼifaʼitaki ʼaē ʼe tuku atu. Fakatokagaʼi: ko tatatou fakatuʼutuʼu ko te kamata ʼo he ʼu ako ʼaki te tohi foʼou Te ʼAtamai Mālama ʼAē ʼe Ina Taki Ki Te Maʼuli Heʼegata.
Katiko 204 pea mo te faikole fakaʼosi.
Vāhaʼa ʼe Kamata ʼi Te 22 Sanualio
Katiko 200
5 min: Ko te ʼu logo ki te kokelekasio.
20 min: “Tou Maʼu He ʼu Lelei ʼi Te Ako ʼo Te Minisitelio Faka Teokalatike 1996—Faʼahi 1.” Akonaki ʼe fai e te tagata taupau ʼo te ako. Toe vakaʼi te ʼu tokoni ʼaē neʼe foaki fakatahi ʼaki Te Minisitelio ʼo Te Puleʼaga ʼo ʼOketopeli 1995, ʼo ʼuhiga mo te ʼu akonaki pea mo te ʼu fai palalau ʼa te kau ako ki te Ako ʼo Te Minisitelio Faka Teokalatike.
20 min: “Koutou Palalau ʼAki He Lotomālohi.” Akonaki ʼe fai e he tagata ʼāfea pea mo fai palalau mo te hahaʼi ʼi te fono. Toe vakaʼi te ʼu fakatuʼutuʼu ʼaē neʼe fai ʼo ʼuhiga mo te gāue fai faka mafola ki te ʼAhotapu. Fakamālo kia nātou ʼaē ʼe nātou lagolago lelei ki te faʼahi ʼaia, pea foaki he ʼu tokoni kapau ʼe ʼaoga.
Katiko 92 pea mo te faikole fakaʼosi.
Vāhaʼa ʼe Kamata ʼi 29 Sanualio
Katiko 70
10 min: Ko te ʼu logo ʼo te kokelekasio.
15 min: Fagonogono lolotoga ʼo te temi vevela. Ko te tokolahi ʼe nātou tau mo te temi vevela ʼaupito, te ʼu afā mo te ʼua mālohi lolotoga ʼo te ʼu māhina vevela. Ko he ʼu kaugā fai faka mafola e toko tolu peʼe toko fā ʼe nātou felogoi peʼe feafeaʼi hanatou faigaʼi ke fua lelei tonatou minisitelio logope la te temi vevela. Ke kamata vave ʼi te uhu pea mo fai he ʼu fono gāue ʼi te ʼu afiafi. Ke vaheʼi te gāue ʼaki te fai faka mafola ʼi te ʼu ʼapi mo he ʼu kiʼi ʼaʼahi. Koutou tui he ʼu mutuʼi meʼa ʼe lelei pea mo aga fakapoipoi. Ko te kau fai faka mafola ʼaē ka ʼolo anai ʼo mālōlō, ʼe tonu ke nātou tokakaga ke lelei tanatou minisitelio pea mo foaki tautonu tanatou ʼu pepa gāue. Toe palalau ki he tahi ʼu manatu ʼe ʼaoga ki te kokelekasio.
20 min: Tou fakahā te tohi Te Tagata ʼAē ʼe Lahi Tokotahi ʼi Te ʼu Temi Fuli lolotoga te māhina ʼo Fepualio. Fakamatala pe koʼe ko te tohi ʼaia ʼe feala ke malave ki te loto ʼo te hahaʼi ʼo totatou telituale. Vakaʼi te ʼu ʼuluaki palalau, mo fakahā pe koʼe ʼe ʼaoga te tohi ʼaia. Fakaloto mālohiʼi te kau fai faka mafola ke nātou taupau te ʼu manatu ʼaia mokā nātou palalau anai ki te ʼu puani ʼaia ʼi te ʼu matapā. Fakaʼaogaʼi te ʼu manatu ʼaē ʼe tuʼu ʼi te ʼu alatike ʼaē ʼo Te Minisitelio ʼo Te Puleʼaga ʼo Sepetepeli 1995, pasina 8, pea mo fai he faʼifaʼitaki e tahi peʼe lua. Fakatokagaʼi te ʼu paki matalelei pea mo fakahā peʼe feafeaʼi tona fakaʼaogaʼi moʼo kamata ʼo he fai palalau. Fakamanatuʼi kia tatou fuli ke toʼo hatatou ʼu tohi moʼo fakaʼaogaʼi ʼi te faka mafola ʼi te fakaʼosi vāhaʼa.
Katiko 143 pea mo te faikole fakaʼosi.