Polokalama ʼo Te Fono Gāue

Vāhaʼa ʼo te ʼaho 13 ʼo ʼOketopeli

Kātiko 174

10 min: Te ʼu logo. Fakahā lelei ia te ʼu fakatuʼutuʼu ʼo ʼuhiga mo te tufa makehe ʼo te pepa lotu ʼaē kā kamata anai ʼi te ʼaho 20 ʼo ʼOketopeli, pea mo fakalotomālohiʼi ia nātou fuli ke natou toʼo tonatou ʼu pepa lotu mo kapau ʼe mole natou fia fai kiai. Vakaʼi fakanounou ia te ʼu ʼuluaki palalau ʼo ʼuhiga mo Te Tule Leʼo ʼo te ʼaho 1 ʼo ʼOketopeli pea mo te Réveillez-vous ! ʼo ʼOketopeli ʼaē ʼe tuʼu ʼi te pāsina 8. Tokolahi ia te kau fai fakamafola kua natou tufa ia te ʼu nusipepa ʼaia ʼi he ʼu kiʼi vāhaʼa pē, fakaafe ia te nofoʼaki ke natou fakamatala he ʼu ʼaluʼaga neʼe kua hoko kiā nātou.

35 min: “Te Polokalama Foʼou ʼo Te Fono ʼo Te Kōkelekāsio.”a Kapau ʼe feʼauga ia te temi, fakaafe ia te nofoʼaki ke natou fakamahino ia te ʼu vaega Tohi-Tapu.

Kātiko 18

Vāhaʼa ʼo te ʼaho 20 ʼo ʼOketopeli

Kātiko 113

5 min: Te ʼu logo. Te ʼu Tonu.

20 min: Te Taupau ʼo Te Fiafia ʼi Te Minisitelio. Ko he akonaki fakalotomālohi ʼe fakatafito ki te ʼu palakalafe 11-17 ʼi te ʼu pāsina 24-25 ʼo Te Tule Leʼo ʼo te ʼaho 1 ʼo Sūlio 2005. Fakafehuʼi ia he tahi peʼe ko he toko lua kua fualoa hanā tauhi agatonu kiā Sehova. Koteā ʼaē neʼe ina fakafealagia kiā nātou ke natou taupau tonatou fiafia mokā mole fia logo ia te hahaʼi?

20 min: Tou Teuteu Ki Te Tufa ʼo Te Tule Leʼo ʼo te ʼAho 1 ʼo Novepeli pea mo te Réveillez-vous ! ʼo Novepeli peʼe ko te ʼu nusipepa fakamuli e lua ʼaē kua tau mai. ʼI te ʼosi vakaʼi fakanounou ia te ʼu nusipepa, fakafehuʼi ia te nofoʼaki peʼe ko te ʼu ʼalatike fea ʼe lagi fia lau anai e te hahaʼi ʼo te telituale. Fakahā kiā nātou peʼe koteā tona tupuʼaga. Fakaafe ia te nofoʼaki ke natou fakahā pe koteā lā he ʼu fehuʼi ʼe feala ke natou fakaʼaogaʼi moʼo kamata he fai palalau pea mo te vaega Tohi-Tapu ʼo te ʼalatike ʼaē ʼe fakaʼaogaʼi ʼi muʼa ʼo te tufa ia te ʼu nusipepa. ʼE fakaʼosi anai e te tehina faiakonaki ʼaki ia te faʼifaʼitaki ʼo ʼuhiga mo te ʼu nusipepa ʼaē ʼe tufa ʼi te vāhaʼa fuli, fakaʼaogaʼi ia te ʼu ʼuluaki palalau ʼaē ʼe tuʼu ʼi te pāsina 8 peʼe ko he tahi age ʼu ʼuluaki palalau ʼe lagi leleiʼia anai e te hahaʼi ʼo te telituale.

Kātiko 31

Vāhaʼa ʼo te ʼaho 27 ʼo ʼOketopeli

Kātiko 30

5 min: Te ʼu logo. Lau ʼo te falā pea mo te ʼu meʼa ʼofa.

10 min: Ko he akonaki ʼe ʼaoga ki te kōkelekāsio.

30 min: “ ʼE Maʼuhiga Ia Te Ako Takitokotahi Pea Mo Te Ako Fakafāmili ʼo Te Tohi-Tapu!”b Kapau ʼe feʼauga ia te temi, fakaafe ia te nofoʼaki ke natou fakamahino ia te ʼu vaega Tohi-Tapu.

Kātiko 7

Vāhaʼa ʼo te ʼaho 3 ʼo Novepeli

Kātiko 75

10 min: Te ʼu logo. Fakamanatuʼi ki te kau fai fakamafola fuli ke natou ʼaumai tanatou ʼu kiʼi pepa tānaki gāue ʼo ʼOketopeli.

20 min: Te Ako Fakateokalatike ʼo Te Taʼu 2009. Ko he fai palalau ʼa te taupau ʼo te ako mo te nofoʼaki ki te Ako Fakateokalatike foʼou ʼaē ʼe fakatafito ki te pepa ʼaē neʼe tufa tahi mo Te Minisitelio ʼo Te Puleʼaga ʼe maʼu ai te ʼu “fakatotonu” ʼo ʼuhiga mo te Polokalama ʼo te Ako Fakateokalatike. Fakahāhā ia te ʼu fetogi ʼaē kua fai ki te polokalama ʼo te ako. Fakalotomālohiʼi ia te nofoʼaki kātoa ke natou faʼafai fuli ki te fakahoko ʼo te ʼu akonaki, ke natou teuteuʼi ke natou fakamatalatala ia te ʼu puani ʼaoga ʼo te Tohi-Tapu, pea mo natou maʼuliʼi ia te ʼu tokoni ʼaē ʼe foaki e te taupau ʼo te ako ʼi te vāhaʼa fuli ʼo fakatafito ki te tohi Tirez profit de l’École du ministère théocratique.

15 min: Kotou Hikihiki Ia Takotou “Faiva Faiako.” ʼE fai anai e te taupau ʼo te gāue peʼe ko he tahi tagata ʼāfea faiva pea ʼe talanoa fakanounou anai ki te ʼu puani tāfito e nima ʼo he akonaki ʼe lelei ʼaē ʼe tuʼu ʼi te ʼu palakalafe 5-18, ʼi te ʼu pāsina 13-16 ʼo Te Tule Leʼo ʼo te aho 1 ʼo Sānualio 2008. Fakafehuʼi he kaugā fagona e tahi peʼe lua neʼe nā logoʼi neʼe tokoni age ia te ʼu fakamahino ʼaenī ke nā tuputupu ʼi te faiva ʼi te faiako.

Kātiko 91

[ʼU nota]