Ko Te ʼu Fakatahi Faka Tisitilike Pea Mo Faka Malamanei ʼe Nātou Uga Tatou Ke Tou Faka Kolōlia Ki Te ʼAtua!

ʼI te ʼu Fakatahi Faka Tisitilike pea mo Faka Malamanei ʼaē ko tona kupu tāfito “Koutou Faka Kolōlia Ki Te ʼAtua” neʼe hoko ai he toe fakamoʼoni lahi. Ko te ʼu lakaga faka teokalatike maʼuhiga ʼaia, neʼe nātou tāpuhā te huafa ʼo Sehova pea mo mālohi ai tatatou fia “foaki kia Sehova te kolōlia ʼuhi ko tona huafa.” (Pes. 96:8) ʼE moʼoni, ʼe tau mo feʼauga ke faka kolōliaʼi ia Sehova ʼuhi ko te ʼu meʼa fakatalakitupua ʼaē neʼe ina fakatupu, ʼaē ʼe hā ai tona ʼu kalitate matalelei.​—Sopo 37:14; Apk. 4:​11.

ʼAki te ʼu fehuʼi ʼaē ʼe hoa mai pea mo te ʼu nota ʼaē neʼe koutou tohi, koutou teuteuʼi pea mo tali ki te fakamanatu ʼo te fakatahi ʼaē ka fai lolotoga te vāhaʼa ʼo te ʼaho 20 ʼo ʼOketopeli.

1. ʼE tala feafeaʼi e te ʼu meʼa ʼaē neʼe fakatupu te kolōlia ʼa te ʼAtua, pea koteā tona kehekehe mo te ʼu fakavikiviki ʼaē ʼe fai e te hahaʼi kia te ia? (Pes. 19:​1-3; “Ko Te ʼu Meʼa ʼAē Neʼe Fakatupu ʼe Nātou Kalagaʼi Te Kolōlia ʼo Te ʼAtua”)

2. Koteā ʼaē neʼe fakahā fakatomuʼa e te fetogi ʼa Sesu, pea ʼi te kua hoko ʼo te faʼahi ʼaia ia ʼaho nei, ʼe fakaloto mālohiʼi feafeaʼi te kau Kilisitiano? (“Ko Te ʼu Meʼa Fakakikite Pea Mo Faka Kolōlia ʼAē Neʼe Hā ʼe Nātou Fakaloto Mālohi Tatou!”)

3. ʼE tou lava maʼu feafeaʼi te agavaivai ʼaē neʼe fakahā e te polofeta ko Taniela, pea ʼe fua lelei feafeaʼi anai kia tatou mo kapau ʼe tou maʼu te kalitate ʼaia? (Tan. 9:​2, 5; 10:​11, 12; “ ʼE Fakahā e Sehova Tona Kolōlia Ki Te Kau Agavaivai”)

4. (a) Koteā te ʼu faʼahi e tolu ʼo ʼuhiga mo te fakamāu ʼa te ʼAtua ʼe feala ke tou ako mai te lea faka polofeta ʼo Amosi? (Amosi 1:​3, 11, 13; 9:​2-4, 8, 14) (b) Koteā te ako ʼe feala ke tāʼofi e te kau Fakamoʼoni ʼa Sehova ia ʼaho nei mai te fakatokaga ʼaē ʼe tou maʼu ia Amosi 2:​12? (“Ko Te Lea Faka Polofeta ʼo Amosi​—Ko He Logo Ki Totatou Temi”)

5. (a) Koteā te ʼu tuʼutāmaki ʼo te ʼinu kava fakavalevale, tatau aipe peʼe mole aʼu ki te konahia? (b) ʼE lava fakatokatoka feafeaʼi te fihifihia ʼaē ko te ʼinu fakavalevale? (Mko. 9:​43; Ef. 5:​18; “Tou Fakamamaʼo Mai Te Hele ʼAē Ko Te ʼInu Kava Tuʼumaʼu”)

6. Koteā te ʼu lelei ʼe koutou maʼu mai te tohi foʼou “ Voyez le bon pays ” (Koʼeni Te Fenua Lelei)? (“ ‘Te Fenua Lelei’​—Ko He Fakamelomelo ʼAia ʼo Te Palatiso”)

7. Koteā te ʼu ʼaluʼaga e tolu ke tou “fakaʼata ohage ko he ʼu sioʼata te kolōlia ʼa Sehova”? (2 Ko. 3:​18; “Tou Fakaʼata Ohage Ko He ʼu Sioʼata Te Kolōlia ʼa Sehova?”)

8. Koteā te tupuʼaga ʼo te fehiʼaʼinaʼi ʼo tatou kae mole hona tupuʼaga, pea koteā ʼaē ʼe feala ke tokoni mai ke tou nonofo agatonu logola te fehiʼa ʼaia kia tatou? (Pes. 109:​1-3; “ ʼE Fehiʼaʼinaʼi Tatou Kae Mole Hona Tupuʼaga”)

9. Koteā te manatu faka Kilisitiano ʼo ʼuhiga mo te fia māʼoluga, pea ʼe lava ʼiloʼi feafeaʼi e he tahi te ʼu fetogi ʼaē ʼe tonu ke ina fai ke ʼalutahi mo te manatu ʼa Kilisito? (Mat. 20:20-​26; “Tou Maʼuliʼi Te Manatu ʼa Kilisito ʼo ʼUhiga Mo Te Fia Māʼoluga”)

10. Koteā ʼaē ka tokoni mai kia tatou ke tou mālohi ʼi te faʼahi fakalaumālie logola tatatou gaʼegaʼe fakasino? (“ ʼE Tou Gaʼegagaʼe Kae Mole Tou Tuku Ke Mālo Ia Tatou Te Vaivai”)

11. Koteā ʼihi faʼahi ʼaē ʼe fakaʼaogaʼi e Satana moʼo faka mafola te loi, pea koteā te vaega faka Tohi-Tapu ʼaē ʼe lelei moʼo tali ki te ʼu faiga ʼaē ke maumauʼi totatou tui? (Soa. 10:5; “Tou Tokakaga Ki ‘Te Leʼo ʼo Te Kau Matāpule’ ”)

12. (a) ʼE lava mulimuli feafeaʼi te ʼu mātuʼa ki te faʼifaʼitaki ʼa Sesu ʼaē ʼe tuʼu ia Maleko 10:14, 16? (b) Koteā ʼaē ʼe koutou leleiʼia ʼi te tohi foʼou Écoute le Grand Enseignant (Fakalogo Te Tagata Faiakonaki Lahi)? (“Tatatou ʼu Fānau​—Ko He Tofiʼa Maʼuhiga”)

13. ʼE fakavikiviki feafeaʼi e te kau tūpulaga ia Sehova? (1 Tim. 4:​12; “ ʼE Fakavikiviki Feafeaʼi e Te Kau Tūpulaga Ia Sehova?”)

14. Koteā te ʼu faʼahi ʼe koutou manatuʼi lelei ai ʼi te kiʼi gaoʼi ʼaē ko tona kupu tāfito “Tou Faka Mafola ʼAki He Lototoʼa Logola Te Fakafeagai”?

15. ʼE tou lava faʼifaʼitakiʼi feafeaʼi (a) ia Petelo pea mo Soane? (Gaue 4:​10) (b) mo Setefano? (Gaue 7:​2, 52, 53) (c) mo te kokelekasio ʼo te ʼuluaki sēkulō? (Gaue 9:​31; ko te kiʼi gaoʼi pea mo te akonaki “Tou ‘Haga’ Kalagaʼi Te Logo Lelei”)

16. (a) Koteā te ʼu faʼahi ʼaē ʼe tou fia faka kolōlia ai ki te ʼAtua? (b) Koteā ʼaē ʼe feala ke tou tui papau kiai mo kapau ʼe tou maʼuliʼi te ʼu meʼa ʼaē neʼe tou ako ʼi te Fakatahi “Koutou Faka Kolōlia Ki Te ʼAtua”? (Soa. 15:​9, 10, 16; “ ‘Ke Haga Fua Tuʼumaʼu Ia Koutou He ʼu Fua’ Ki Te Kolōlia ʼo Sehova”)

ʼAki tatatou metitasio ki te ako fakalaumālie lelei ʼaē neʼe fai mai ʼi te fakatahi, ʼe tou fia maʼuliʼi anai te ʼu meʼa ʼaē neʼe tou ako. (Filp. 4:​8, 9) ʼE mālohi ai anai tatatou fakatotonu ʼaē ke tou “fai ia meafuape ki te kololia o te Atua.”​—1 Ko. 10:31.