Kotou Fakaʼaogaʼi Te ʼu Meʼa ʼAe Neʼe Hoko Ki Te Faifakamafola

ʼI tana faifakamafola, neʼe palalau ia Sesu ki ni aluʼaga neʼe hoko. (Luk 13:1-5) ʼE toe feia pe mo tatou, ʼe feala pe ke tou fakamatala ni aluʼaga neʼe tou logo ʼi te tala logo, ke tupu ai te fia logo ʼa te hahaʼi ki te logo lelei ʼo te Puleʼaga. Ohage la, ʼe feala ke tou palalau ki te kua totogi kovi ʼosi te maʼuli, peʼe ki he tuʼutamaki fakanatula, peʼe ko he tau, peʼe ko te kua mafola ʼo te toloke, peʼe ko he tahi age aluʼaga, pea mo lagaʼi he fehuʼi ke ina fakakaukauʼi. ʼE feala ke tou fehuʼi age: “Ki tau manatu la ʼe gata anai koa ʼi he ʼaho ia te koga ʼaia?” peʼe “Kotea la ia he puleʼaki ki te faʼahi ʼaia?” ʼOsi ʼaia pea tou lau age he vaega Tohi-Tapu. Kapau ʼe fia hoko atu, ʼe feala ke tou fakaha age he ʼata viteo peʼe tou tuku age he tohi. Tou faiga ke malave te logo ki te loto ʼo te hahaʼi pea mo “fai ia meʼa fuli ʼuhi ko te logo lelei.”​—1Ko 9:22, 23.

Kotea he ʼu manatu ʼe fia logo ki ai te hahaʼi ʼo tou telituale?