Li ñu mën a wax bu ñuy wone yéenekaay yi
La Tour de Garde 15 févr.
“ Am na ñu foog ne nit dañu ko indi ci kow suuf ngir mu nekk ci coono. Ndax foog nga ne mën nañu yaakaar ne bu ëllëgee mbir mi dina soppeeku ? [Bàyyil nit ki mu tontu.] Seetal lu dalal xel li ñu dige fii. [Jàngal Sabuur 37:29.] Téere bii dafa ñuy won ne amul feneen fu mel ni suuf si ak it lan moo ñuy won ne dañu ko sàkk ngir ñu am dund bu neex ci kowam. Dafay wone itam li Biibël bi wax ci lu jëm ci ëllëgu suuf si. ”
Réveillez-vous ! Févr.
“ Ndax xalaat nga ne lii bokk na ci li tax àddina si jaxasoo ? [Jàngal 1 Yowaana 5:19. Bàyyil nit ki tontu.] Téere bii dafay wone li Biibël bi wax ci “ ibliis ” ak naka lañu mënee fexe ba mu bañ ñu ilif. ” Won ko waxtaan biy komaase ci xët 12.
La Tour de Garde 1er mars
“ Ci sa xalaat, ñiy jaamu Yàlla dëgg fu ñu war a teg mbëggeel ? [Bàyyil nit ki tontu.] Seetal ndigalu Yàlla bii. [Jàngal Macë 22:37-39.] Téere bii dafay wone lu tax ñiy jaamu Yàlla war a jiital mbëggeel ci seen dund. Mu ngi wax itam fan la diine yi jóge. ”
Réveillez-vous ! Mars
“ Ci sa xalaat yan jafe-jafe la ndaw yi di jànkoonte tey ? [Bàyyil nit ki tontu.] Aaya bii dafay wax ci benn jafe-jafe boo xam ne ndaw yi dañu koy jànkoonte, maanaam naka lañuy ame xarit bu baax. [Jàngal Léeb yi 13:20.] Téere bii dafay wone naka la wut xarit ci Internet mënee lor ndaw yi, te naka lañu leen ci mënee aar. ”