Apito hâiwa ꞌãma hã te za we ꞌãwisi dapawaptobzé hã tiꞌaiꞌu
41 Zeuwa ma ꞌmanhã Zezusi hã apito da hâiwa ꞌãma. — Izaiza 9:6; Danié 7:13, 14; Atusi 2:32-36.
42 Õ hã, roti ꞌwa za tiꞌai wahuré ꞌremhã. — Danié 7:14; Mateusi 28:18.
43 Aipo ꞌrepuꞌu za,za mari hã iwatóbró na hã iwasété nori zô. — Saumo 37:9, 10; Rucasi 13:5.
44 Aipo ꞌrepuꞌu za rowasuꞌu ꞌwa nhisi mori ꞌrata na iwasété na hã. Zezusi hã te za uprósi uburé ãzu iwasété nori zama. Dahâiba ꞌmanhari hã duré dahâibari nori hã te za apru. — Hebreusi 2:14; Apocaripse 20:2, 10.
45 Zezusi hã te za ꞌmanhari ahâ mari hã iwẽ hã iwapari pesê ꞌwa nori ma. — Hebreusi 5:9.
46 Ni ꞌwa hã hâzé zahu ꞌõ di za. — Izaiza 33:24; Apocaripse 22:1, 2.
Aipo ꞌrepuꞌu za Zezusi hã te te ipêsê za ꞌra na hã ihâizéré nori hã.
47 Uburé te za dama ꞌre hâimana za ꞌra mari iwẽ hã. — Izaiza 65:17, 21-23.
48 ꞌRe ihâimana u ꞌâsi mono hã po ꞌre si ꞌâri ꞌõ di idâꞌâ za ꞌra nori ãma hã. Õ hã, te pibu za ꞌra Zezusi hã te te tâma pisutu za ꞌra da dahâimnana zẽptẽ hã. Ãhã iwa mri hã dahâiwa ꞌutu zé. — Zuwã 5:28, 29; 11:25.
49 Apâ si ꞌutõri pari uburé iwasété nori hã. Ni ꞌwa hã dâꞌâ zahu ꞌõ di za. Tô abazê nori zama simi mnhãsi za ꞌra õ di za. Uburé aihini nori hã tóiꞌu ꞌâsi za ꞌra di za. — Apocaripse 21:4; Izaiza 65:25; Saumo 37:11, 29.