E mari te za oto asima ipi su

50 E te asima iwẽ aihâimana u ꞌâsi zé hã õ hã iwẽ uptabi hã daropté hã. Tahawa waihuꞌu pêsê ꞌRe ihâimana u ꞌâsi mono te te inhari hã. Aba na waihuꞌu da ibaihã nhoré hã. — Zuwã 17:3; Apocaripse 1:3.

51 Waihuꞌu pêsê Zezusi wasuꞌu hã. — Deuteronomiu 18:18, 19; Zuwã 3:16; Atusi 3:19-23.

52 Aba na manhari da misi iwẽ hã wapari Zeuwa hã. — Romanu 6:17, 18, 22.

53 Aipo ꞌrepuꞌu Zeuwa te te inhari na wate ꞌre danhi mrõ tõ mono da. — Ezôdo 20:13; 1 Zuwã 3:11, 12.

54 Mare di ꞌre wanhisisi mono ꞌõ di za dama ꞌre iromhâimana na za ꞌra mono u hã. — Ezôdo 20:15; Epézio 4:28.

55 Aibâ hã ꞌre hâimana mono õ di za piꞌõ aimawi na hã, timrõ uptabi nasi te za ꞌre hâimana. — Ezôdo 20:14, 17; 1 Tesaroniseze 4:3.

56 Aipo ꞌrepuꞌu e niha damrõ da ma tô pisutu ꞌRe ihâimana u ꞌâsi mono hã damrõ sidaibâ ma ihâimana da hã. E niha te za ãma ꞌre romhâimana za ꞌra damrõ sidaibâ hã ꞌre hâimana mono ré hã timrõ sipi ꞌõ ra ta mhã. — Zenezis 2:22, 24; Mateusi 19:5, 6; 1 Coritio 7:2, 10, 11.

57 Aipo ꞌrepuꞌu e wai ꞌãma waza ꞌre wawata za ꞌra Zeuwa hã ãma si. — Mateusi 4:10; 1 Coritio 8:6.

58 Dahâiba ꞌmanhari hã duré dahâibari nori hã wate ꞌre pawaptob za ꞌra mono õ di za. E mariwa mare- di? — 1 Coritio 8:4.

E wẽ di ihâimana da hã dahâiba ꞌmanhari hã. — Deuteronomiu 27:15; 1 Zuwã 5:21.

59 E mariwa iwẽ ꞌõ mari nhopẽtẽ zé hã duré simi ꞌâ hã. — Deuteronomiu 18:10-13; Apocaripse 21:8.

60 Rowasuꞌu ꞌwa iwasété nori hã iwasété nhib ꞌa uwẽ nori hã te sada ti hâiba ꞌRe ihâimana u ꞌâsi mono za da. Te te ꞌre romnomri za ꞌra bâdâdi nhiti dasi ꞌaba ꞌre da. — Atusi 16:16.

61 Waza ꞌre wamrẽme zusi ꞌRe ihâimana u ꞌâsi mono ma. Rowaptẽrẽ hã te ãma simire ꞌẽ damrẽme hã ꞌRe ihâimana u ꞌâsi mono ma. Te wama nhari za ꞌra wate romhuri za ꞌra da tãma, wate duré tiwi ꞌre waptẽrẽ za ꞌra mono da isimi pawaptob zé hã. — Piripese 4:6, 7.

62 Waza wate ꞌre wapari pese za ꞌra Zezusi hã wama ꞌre hâimana za ꞌra mono da i ꞌu mnhãsi zé hã. — Hebreusi 5:9; Zuwã 3:16.

63 Aipo ꞌrepuꞌu e mari na mate dârâ te te wanho ꞌre ptu za ꞌra da hã. — Romanu 5:8.

64 Aipo ꞌrepuꞌu e mari na Zezusi hã wanhib ꞌapto za ꞌra isãmri õ hã. Waza wapari pese za ꞌra ni. — Piripese 2:9-11; Apocaripse 19:16.

65 Zezusi te tinha ahã dama rowasuꞌu da mari hã iwẽ na i ꞌawaihuꞌu hã duré te te sima iwẽ za ꞌra hã romhuri hã ꞌRe ihâimana u ꞌâsi mono ma ꞌâ dawabzuri te za ꞌmanhari za ꞌra. — Mateusi 28:19, 20; Zuwã 4:7-15.

66 Tahawa, teza irowasuꞌu asiwaihuꞌu nori ma ãhã iwẽ uptabi nori na. — Mateusi 10:32.

67 Ahã waihuꞌu wamhã isõrẽ wẽ hã. Te za i ꞌawaihuꞌu ahâ ꞌuptabina mari hã duré ãma da ꞌapawaptob da. — 2 Timotiu 2:15.

68 Zezusi hã te duré rowasuꞌu ai ꞌutẽ nori zama te te ꞌre wapari za ꞌra mono da ꞌRe ihâimana u ꞌâsi mono hã. Niwa siwa ꞌrutu na hã hâimana õ di te te tãmá rowasuꞌu tõ za ꞌra da hã. — Mateusi 19:13-15.

69 Damama nori hã teza te te ꞌre rowasuꞌu u ꞌâsi za ꞌra ti ꞌra nori ma te te ꞌre wapari za ꞌra mono da ꞌRe ihâiamana u ꞌâsi mono hã te te ꞌre sawi za ꞌra mono da. — Deuteronomiu 6:6, 7; Provérbio 6:20-22; Epézio 6:4.

70 Ahâ uptabi di rowasuꞌu siwam ꞌõ hã danhimi rowasuꞌu mono hã ibaihâ nahãi ꞌõ di. Zeuwa hã te ti ꞌru wate rẽme za ꞌra da rowasuꞌu ahâ hã. Tôse na te te dama irowasuꞌu za ꞌra õ nori hã. — Apocaripse 18:4; Zuwã 4:23, 24.

71 Zeuwa ha mahã iré hã te ta hâimana za ꞌra ni te te irowasuꞌu za ꞌra da hã iwasuꞌu na. E waihuꞌu pesê di e ꞌwamnori hã. — Atusi 15:14; Romanu 10:14, 15.

72 Iwamri za ꞌra zé hã Zeuwa ha wasuꞌu ꞌwa nori, iré hã rowẽ hã tãma za ꞌra hã. E mariwa. ꞌRe sisawi pesê za ꞌra mono wa. — Izaiza 43:10-12; Zuwã 13:34, 35.

73 E mariwa Zeuwa hã zawi ꞌwa nori hã ma tô ꞌâ dawabzuri hã ꞌmanhari za ꞌra. Ãne te za dama ꞌre hâimana za ꞌra te te irẽme za ꞌra nori ma duré ihâimana wasété nori hã te za te te ꞌre romhuri za ꞌra sisawi ꞌãna romhuri na ꞌRe ihâimana u ꞌâsi mono ma. — Atusi 2:41.

74 Zeuwa hã wasuꞌu ꞌwa nori hã te mapari za ꞌra ti hâimana zé, itébzô duré rowẽ uptabi zô. — Saumo 37:9-11, 29.

E mari teza i ꞌmanhã õ me ꞌre aihâimana mono da hã õ nori siré. — Tiadu 1:22, 25; 2:20-26.

75 Asina atób za ꞌra wa ꞌaba waihuꞌu za ꞌra wa ꞌaba da romhuri za ꞌra wa ꞌaba da Zeuwa ha ma. Te te sawi za ꞌra di, duré te te wapari pesê za ꞌra di Zeuwa hã duré Cristu Zezu hã. Te te asawi pesê di. E ama wẽdi dapawaptob da date waihuꞌu da ꞌRe ihâimana u ꞌâsi mono hã. — Zuwã 6:45-47.

76 Zeuwa hã duré Cristu Zezu hã te te asawi za ꞌra wa ꞌaba di te sima aiwẽ za ꞌra wa ꞌwa ꞌre aihâimana u ꞌâsi za ꞌra wa ꞌaba mono da rowẽ ꞌãma. — Zuwã 3:16.

Ãhã i ꞌawaihu hã i ꞌa ꞌmadâ hã ipoto za ꞌra nori hã duré rowasuꞌu hã ihâimana hã isõre zémna hã tôsena mate ama rowẽ wa zê ꞌre idahâimana u ꞌâsi za ꞌra mono zé hã tiꞌai ꞌãma. Ama wẽ wamhã awaihuꞌu zahu da hã, wa aipawaptomni dama rowasuꞌu da Zeuwa ha na ꞌre isãmrã mono zém ꞌãma. Niwamhã ãma rob ꞌui ꞌéré, niwamhã waptẽrẽ niꞌwaiwi te te ui ꞌéré da romhuri zéb ꞌre ꞌrâ wimhã ai ꞌrata mhã, iwasuꞌu hã isihâ tâ wasuꞌu na maparane pazê na hã isõré zé mna hã.