Iintlanganiso Zokusinceda Senze Abafundi
IVEKI EQALA NGOFEBRUWARI 4
15 imiz: Izaziso zasekuhlaleni neZaziso ezikhethiweyo kuBulungiseleli Bethu BoBukumkani. Khuthaza bonke ukuba baodole amaphephancwadi angakumbi ukwenzela usuku olukhethekileyo lwamaphephancwadi ngoAprili 6. Yazisa ibandla ngamalungiselelo asele enziwe okuba bonke babe nesabelo kumsebenzi wamaphephancwadi ngolu suku. Ngokuvuma kwexesha, cebisa iindlela zokunikela amaphephancwadi angoku kwintsimi yasekuhlaleni. bakhuthaze babe nenxaxheba kwinkonzo yasentsimini ngale mpela-veki.
15 imiz: “Sidlulisele Ngenkalipho Isimemo Esithi ‘Yiza.’” Ingxubusho yemibuzo neempendulo nemiboniso. Gubungela umbandela okwinqaku elikuBulungiseleli Bethu BoBukumkani, ubalaselisa ukusebenza komxholo wonyaka, ISityhilelo 22:17. Yenza imiboniso emibini emifutshane ukubonisa iindlela zokuhambisa umnikelo woncwadi wangoku kwintsimi yasekuhlaleni.
15 imiz: “Zazi Kakuhle Iimpapasho Ezintsha Ezikhutshwe Endibanweni.” Ingxubusho enentsingiselo nabaphulaphuli, ugxininisa ezinye zeengongoma eziziintloko kwimpapasho nganye eziya kuba luncedo ekuhlaleni. Abazalwana abafanele balibazise ekufundeni le nkcazelo.
Ingoma 20 nomthandazo wokuqukumbela.
IVEKI EQALA NGOFEBRUWARI 11
10 imiz: Izaziso zasekuhlaleni. Ingxelo yemali. Quka amazwi ombulelo ngobubele bebandla ekunyamekeleni iintswelo zasekuhlaleni, uze udlulise kubazalwana izaziso zoMbutho zokufunyanwa kweminikelo ebithunyelwe.
20 imiz: “Ukunikela Iindaba Ezilungileyo—Ngokunikela Ubungqina Esitratweni.” Imibuzo neempendulo. Yiba nemiboniso emibini okanye emithathu emifutshane ebonisa iingongoma abavakalisi abaya kuzisebenzisa ekunikeleni ubungqina kule veki.
15 imiz: Lungiselela Ukuba Nguvulindlela Ongumncedani Ngexesha LeSikhumbuzo. Intetho ekhuthazayo nenenkcazelo eya kusetyenziswa ngabo bebengathanda ukuba ngoovulindlela babancedani ngoMatshi okanye ngoAprili okanye ebudeni bezo nyanga zombini. Bhekisela kwinkcazelo ekwelithi IZaziso ngokuphathelele ubuvulindlela bobuncedani nokuodola amaphephancwadi angakumbi. Chaza amalungiselelo anokwenziwa libandla nabavakalisi ngabanye ukuze kukhuthazwe kuze kuncedwe abo baya kuba bengoovulindlela ebudeni bexesha leSikhumbuzo. Amabandla afuna intsimi eyongezelelekileyo anokusebenza umhlaba ongabelwanga bani abewusebenza kunyaka ophelileyo. Mazihlale zilungile iifomu zesicelo sobuvulindlela bobuncedani ukwenzela abo basenokuzicela emva kweentlanganiso. Kunokukhankanywa ukuba ngoMatshi kukho iimpela-veki ezintlanu ezipheleleyo nokuba kuya kwenziwa imigudu ekhethekileyo yokumemela abantu eSikhumbuzweni ngoMatshi 30 nakwintetho ekhethekileyo ecwangciselwe uAprili 7. Kwakhona gxininisa usuku olukhethekileyo lwamaphephancwadi ngoAprili 6.
Ingoma 130 nomthandazo wokuqukumbela.
IVEKI EQALA NGOFEBRUWARI 18
10 imiz: Izaziso zasekuhlaleni. Isingxobo Semibuzo. Phuhlisa imfuneko yokuba bonke abavakalisi balazi igama elichanileyo lebandla abakulo kwanamagama abanye babadala, ukuba ababazi bonke. Khuthaza ukuba nenxaxheba ngokupheleleyo kwinkonzo yasentsimini kule mpela-veki, mhlawumbi unikele amacebiso eengongoma ezifanelekileyo ekunokuthethwa ngazo kumaphephancwadi angoku.
15 imiz: “Ukufeza Ubulungiseleli Bethu BoBukumkani NjengamaNgqina KaYehova.” Umzalwana okufanelekelayo ukufundisa uxubusha inkcazelo enikelweyo aze abonise indlela yokusebenzisa iinkalo ezikhankanyiweyo ukwenzela ukuphucula ubulungiseleli bethu.
20 imiz: “Indima Yakho Ekwakheleni Ikamva.” Ukugutyungelwa kombandela okwisihlomelo ngemibuzo neempendulo. Bancome abazalwana ngokunikela kwabo ngobubele kwiNgxowa-mali yoMbutho yeeHolo zoBukumkani nayo nayiphi na inkxaso eye yanikelwa kumaphulo okwakha asekuhlaleni.
Ingoma 211 nomthandazo wokuqukumbela.
IVEKI EQALA NGOFEBRUWARI 25
10 imiz: Izaziso zasekuhlaleni neeNdaba Ezingokobuthixo. Cebisa uze ubonise iindlela ezifanelekileyo zokunikela amaphephancwadi. Khuthaza ukuba nenxaxheba kwinkonzo yasentsimini kule mpela-veki.
15 imiz: “Indlela UYehova Awusikelela Ngayo Umsebenzi Wakhe.” Intetho esekelwe kwinqaku elikwiMboniselo kaDisemba 1, 1990, iphepha 22-5.
20 imiz: Lungiselela Inkonzo NgoMatshi. Ebudeni bukaMatshi siya kube sinikela incwadi ethi ISityhilelo—Incopho Yaso Ezukileyo Isondele! Kwinkupho kaFebruwari 1989 yoBulungiseleli Bethu BoBukumkani kwanikelwa amacebiso amahle okutshayelela nokunikela le mpapasho. Xubusha ngamanye ala macebiso asenokungqineka eluncedo kubavakalisi ngale mpela-veki. Yenza umboniso wokunikelwa kwale ncwadi.
Ingoma 63 nomthandazo wokuqukumbela.