Iintlanganiso Zenkonzo KaMatshi
Iveki Eqala NgoMatshi 1
15 imiz: Izaziso zasekuhlaleni neZaziso ezithatyathwe kuBulungiseleli Bethu BoBukumkani. Tsalela ingqalelo kwiimpapasho ezintsha ezifumanekayo. Yenza iimbalasane kwiiNdaba Ezingokobuthixo, ubethelela indlela uYehova aye wabasikelela ngayo abakhonzi bakhe kwiindawo ezahlukeneyo zomhlaba. Kwakhona kusenokuba kokufanelekileyo nokuquka amava ebandla lasekuhlaleni.
15 imiz: “Qhubeka Usithi: ‘Yiza.’” Mayigutyungelwe ngemibuzo neempendulo. Xa uxubusha isiqendu 4, yiba nomvakalisi olungiselele kakuhle ebalaselisa iingongoma ezimbalwa kwisahluko 42 sencwadi Incopho YeSityhilelo, isiqendu 6-10, esixubusha ngeSityhilelo 21:4-6.
15 imiz: “Yiba Bhetyebhetye Kubulungiseli Bakho.” Intetho, nokuba nenxaxheba kwabaphulaphuli. Quka imiboniso emibini emifutshane xa uxubusha isiqendu 3-5. Xa usenza umboniso ngengongoma ekwisiqendu 4 nese-5, bonisa indlela umvakalisi okhulileyo noselula abanokusebenza kunye ngayo kubulungiseleli bendlu ngendlu njengokuba kubonisiwe kweli nqaku. Bethelela imfuneko yokufumana uvuyo kubulungiseleli ingakhathaliseki imiphumo.
Ingoma 114 nomthandazo wokuqukumbela.
Iveki Eqala NgoMatshi 8
5 imiz: Izaziso zasekuhlaleni. Khankanya inani labo baza kuba ngoovulindlela abangabancedani ngoAprili abasele bemiselwe. Khuthaza abo baceba ukuba ngoovulindlela ukuba bafake izicelo kuselithuba. Ngaba ibandla lizimisele ukuba nencopho entsha yoovulindlela abangabancedani ebudeni buka-Aprili? Abadala nezicaka zolungiselelo bafanele bakhokele.
20 imiz: “Ukukhusela Abantwana Benu Ekusetyenzisweni Kakubi Kwegazi.” Intetho enikelwa ngumdala kwisiqendu 1-11. Yenza kucace ukuba isigqibo sabazali sokuvumela ugqirha anyange umntwana wabo phantsi kweemeko ezichazwe kwisiqendu 5-7 asimele sijongwe njengokulalanisa.
20 imiz: Ukunceda Izifundo Zethu ZeBhayibhile. Ingxubusho nabaphulaphuli ebethelela imfuneko yokunikela uncedo olongezelelekileyo kwizifundo zeBhayibhile emva nje kokuqhuba isifundo. (1 Tes. 2:8) Zinike ixesha elongezelelekileyo lokuzikhuthaza zibe nomnqweno osuka entliziyweni wokubakho zize zibe nenxaxheba kwiintlanganiso. Yakha uxabiso ngentlangano nangobuzalwana bazwenibanzi ngokuchaza iindibano zesiphaluka, iintsuku zeendibano ezikhethekileyo neendibano zesithili. Nisenokuyibukela kunye ivideo ethi Jehovah’s Witnesses—The Organization Behind the Name, Purple Triangles nethi The Bible—Accurate History, Reliable Prophecy, ubenza abafundi bathethe ngokukhululekileyo ngoko baye bakufunda kuzo. Ngokuqhubekayo zibonise indlela yokwabelana nabanye ngokungacwangciswanga ngoko zikufundileyo. Izifundo zeBhayibhile ezineemfaneleko ezandlalwe kwiphepha 98 nama-99 kwincwadi Ubulungiseleli Bethu nezinomnqweno wokuba nenxaxheba kubulungiseleli basesidlangalaleni zifanele zincedwe ukuba zibe ngabavakalisi abangabhaptizwanga. Kubalulekile ukuchitha ixesha ebudeni besifundo nasemva kwaso unceda izifundo zikhulise umnqweno wokuzahlulela nokubhaptizwa. Usenokuzibonisa izifundo imifanekiso okanye amanqaku amaphephandaba athetha ngobhaptizo kwiindibano zethu. Umboniso: Umvakalisi unceda isifundo seBhayibhile ngobungqina obungacwangciswanga. Ukhetha ingongoma enokusetyenziswa entsimini kwincwadi Unokuphila Ngonaphakade aze athi: “Bekuya kuba kuhle ukwabelana ngaloo ngongoma nabathile kwizalamane okanye kubamelwane bakho. Usenokubaxelela ukuba eBhayibhileni ufunde into obungayazi ngaphambili.” Bakhuthaze abavakalisi ukuba bancede izifundo zeBhayibhile, bebonisa inyameko enothando kwanasemva kokuba zibhaptiziwe.
Ingoma 123 nomthandazo wokuqukumbela.
Iveki Eqala NgoMatshi 15
10 imiz: Izaziso zasekuhlaleni, kuquka ingxelo yemali nesaziso sokufunyanwa kweminikelo. Bona umbandela othi “Isigidimi Esisexesheni” kwiphepha 8. Khuthaza bonke ukuba baphawule umxholo wentetho ekhethekileyo engoMatshi 28 baze bameme abanomdla ukuba babekho.
15 imiz: “Ukunceda Bonke Ababonakalise Umdla.” Intetho nokuba nenxaxheba kwabaphulaphuli. Ngokuvuma kwexesha qwalasela izibhalo ezicatshuliweyo. Yenza umboniso ngecebiso elikwisiqendu 3. Balaselisa imfuneko yokulandela umdla wabo baqalayo ukubakho kwiintlanganiso.
20 imiz: “Ukukhusela Abantwana Benu Ekusetyenzisweni Kakubi Kwegazi.” Ukuxutyushwa kwesiqendu 12-28 ngemibuzo neempendulo. Gxininisa kwiimpendulo zemibuzo ebonakala kwisiqendu 12 nesama-20. Bethelela ukuba ukulungiselela kwangaphambili kwabazali ukuze abantwana babo bafumane unyango ngokufuthi kungoyena ndoqo wokuphumelela ekuphepheni utofelo-gazi.
Ingoma 32 nomthandazo wokuqukumbela.
Iveki Eqala NgoMatshi 22
10 imiz: Izaziso zasekuhlaleni. Khuthaza bonke bacebe ukuba nenxaxheba eyandisiweyo kubulungiseleli ebudeni buka-Aprili.
20 imiz: Ukunyamekela Abalupheleyo. Ingxubusho nodliwano-ndlebe ngabazalwana ababini. KwiNdibano Yesithili “Yabathwali Bokukhanya,” ungcelele lweentetho lwakusasa ngeCawa lubalaselise umxholo othi “Ukunyamekelana Kwintsapho YamaKristu.” Inxalenye yokugqibela yalo ethi “Ngokunyamekela Abalupheleyo” igxininise igalelo elibalulekileyo abantu abakhulu abanalo entsatsheni nasebandleni. (IMize. 16:31) Sinokubanceda ngaziphi iindlela abalupheleyo? Intsapho inembopheleleko ephambili koku. (1 Tim. 5:3, 4, 8, 16) Kufuneka umonde nobubele. Abantwana nabazukulwana abasele bebadala banethuba lokubonakalisa uxabiso ngeminyaka yothando, umsebenzi nenyameko abazali noomawokhulu babo babanika zona ngaphambili. (wXO87 6/1 13-18) Ibandla likwanokunikela uncedo kubantu abalupheleyo. Bambi basenokufuna uncedo lokuba bafanelekele inkxaso evela kurhulumente. Bonisa ukubuka iindwendwe ngokubamemela izidlo neembutho. (Roma 12:13) Bancede kubulungiseleli basentsimini. Bancede ngento yokuhamba xa besiya kwiintlanganiso nakwiindibano. Bancede ekuthengeni izinto nasekunyamekeleni amakhaya abo. (wXO87 6/1 4-7) Ngamaxesha onke bonisa intlonelo kubantu abalupheleyo. (1 Tim. 5:1, 2) Dlan’ iindlebe nomntu okhulileyo omnye okanye ababini abayimizekelo emihle. Balaselisa indlela abaye bangenelwa ngayo kububele obubonakaliswe yintsapho nalibandla labo.
15 imiz: Umdala udlan’ iindlebe nabavakalisi abathathu okanye abane abaza kuba ngoovulindlela abangabancedani ngoAprili okanye abebengabo kwixesha elidluleyo. Yintoni ebashukumisele ukuba babe ngoovulindlela? Ngawaphi amalungiselelo abawenzele uAprili? Ubuvulindlela bobuncedani buye babanceda njani ngokubuqu? Khuthaza bonke abo baceba ukuba ngoovulindlela kwinyanga ezayo ukuba bafumane iifomu zobuvulindlela baze bazifake ngokukhawuleza.
Ingoma 172 nomthandazo wokuqukumbela.
Iveki Eqala NgoMatshi 29
10 imiz: Izaziso zasekuhlaleni. Khumbuza bonke ukuba bameme abantu abanomdla nezifundo zeBhayibhile ukuba zibekho eSikhumbuzweni. Mabazisebenzise kakuhle izimemo ezishicilelweyo. Khuthaza abavakalisi ukuba baprinte kakuhle kwizimemo ixesha leSikhumbuzo nendawo esiya kuqhutyelwa kuyo. Yenza impinda ngamalungiselelo osuku olukhethekileyo lwamaphephancwadi ngoMgqibelo, Aprili 3.
25 imiz: “Ukukhumbula Ukufa Okunika Ithemba Lobomi Obungunaphakade.” Ukugutyungelwa ngemibuzo neempendulo ngumveleli owongamelayo. Quka umbandela okwibhokisi ethi “Ukulungiselela ISikhumbuzo.” Emva kokuqwalasela isiqendu 5 seli nqaku, yiba nomboniso ekuthi kuwo umvakalisi amemele isifundo seBhayibhile kwiSikhumbuzo. Umvakalisi uchaza amalungiselelo okufunda iindinyana zeBhayibhile ezikhethiweyo ebudeni bexesha lika-Aprili 1-6 aze athembise ngokusinceda ngento yokuhamba.
10 imiz: Ukubalaselisa IMboniselo ebudeni buka-Aprili. Balaselisa iingongoma ezingqalileyo ekunokuthethwa ngazo nemibandela enokubalaseliswa ebudeni baloo nyanga. Kuphaphele ukwalathisela ingqalelo kwiingongoma ezikumaphephancwadi ngamaxesha onke.
Ingoma 87 nomthandazo wokuqukumbela.