Iintlanganiso Zenkonzo KaJanuwari
Iveki Eqala NgoJanuwari 2
5 imiz: Izaziso zasekuhlaleni neZaziso ezifanelekileyo kuBulungiseleli Bethu BoBukumkani. Unobhala nabaqhubi besifundo sencwadi bafanele baqinisekise ukuba zonke iingxelo zenkonzo yasentsimini ezingekafakwa zenyanga edluleyo zifakiwe. Khumbuza abavakalisi bafake ingxelo yenkonzo yasentsimini kaDisemba ngokukhawuleza.
10 imiz: “Indlela Yokulungelelanisa Ithala Leencwadi Zobuthixo.” Intetho esekelwe kwiMboniselo kaNovemba 1, 1994, iphepha 28-31.
15 imiz: “Ufundisiso Lobuqu—Umbandela Esifanele Siwuxhalabele.” Imibuzo neempendulo. Quka amagqabaza akhethiweyo asekelwe kwiMboniselo, kaJuni 15, 1985, iphepha 8-13.
15 imiz: “Ukuzisebenzisa Kakuhle Iincwadi Zethu.” Yixubushe nabaphulaphuli. Khuthaza ibandla lizifumanele isixa seencwadi ezihanjiswayo kwikhawuntara yeencwadi ukuze lizisebenzise entsimini. Lungiselela umboniso omnye okanye emibini engeentshumayelo ezicetyisiweyo.
Ingoma 188 nomthandazo wokuqukumbela.
Iveki Eqala NgoJanuwari 9
12 imiz: Izaziso zasekuhlaleni. Ingxelo yemali.
18 imiz: “Ukwalusa Okwakhayo.” Intetho enikelwa ngumdala esekelwe kwinkcazelo ekumxholwana okwiphepha 21-3 lenkupho yeMboniselo kaSeptemba 15, 1993. Balaselisa isiluleko seZibhalo esiluncedo ekuhlangabezaneni neengxaki.
15 imiz: Ngaba Ukulungele Ukujamelana Nemeko Yezonyango Elucelomngeni Elukholweni? Intetho enzulu kodwa eshukumisayo enikelwa ngumdala onobuchule ukuze kuncedwe abazalwana baqonde ukuxabiseka okukhuselayo kweqweqwe lethu eliyiAdvance Medical Directive/Release neIdentity Card. Phinda ucwangciso lukaJanuwari odluleyo ukuqinisekisa ukuba bonke abafanelekayo nabo bafuna oku kukhuseleka banokukufumana ngokuzalisa la maqweqwe. Bona uBulungiseleli Bethu BoBukumkani bukaJanuwari 1994, iphepha 2, phantsi ‘kweVeki Eqala NgoJanuwari 17’ ukuze ufumane iinkcukacha.
Ingoma 198 nomthandazo wokuqukumbela.
Iveki Eqala NgoJanuwari 16
10 imiz: Izaziso zasekuhlaleni. Xubusha iingongoma ekunokuthethwa ngazo kumaphephancwadi akutshanje. Khuthaza bonke babe nesabelo kwinkonzo yasentsimini kule mpela-veki.
15 imiz: Ekwenzeni Okulungileyo Masingethi Amandla. Intetho ngumdala. Ukutyhafa ngokomoya kunokuluphelisa uvuyo nenzondelelo yethu ngenkonzo kaYehova. Hlolisisa ezinye iindlela zokuhlaziya amandla ethu okomoya usebenzisa amacebiso anikelwe kwiMboniselo kaJanuwari 15, 1986, iphepha 19 (ibhokisi). Gxininisa ukuxhasa ngokupheleleyo imisebenzi yebandla.
20 imiz: Yomeleza Abantwana Bakho Balungele Isikolo. Intetho nodliwano-ndlebe nomboniso. Ulutsha olungamaKristu namhlanje lujamelana neembambano abaninzi ebandleni abangenakuzicinga. Abazali ngokukodwa bamele balwazi kakuhle olu celomngeni ukuze bomeleze abantwana babo balungele ukujamelana nokuvavanywa kwengqibelelo yabo. Dlan’ indlebe nabantu abaselula abathathu abakubudala obahlukeneyo. Ziziphi iingcinezelo abajamelana nazo esikolweni mihla le? Yintoni ebancedayo bahlale benolwalamano oluhle noYehova? Lungiselela umboniso wentsapho ixubusha kunye isiqendu 2 nesesi-3 kwiphepha 11 lencwadana enemifanekiso ethi Isikolo. Abantwana bachaza ukuba bayagculelwa yaye baziva bengamakheswa ngenxa yokugcina imilinganiselo ephakamileyo yokuziphatha yeBhayibhile. Intloko-ntsapho ikhuthaza abantwana ngokuchaza indlela evuyiswa ngayo ngumzekelo wabo ize ibakhumbuze ukuba uYehova uyakholiswa yihambo yabo. (IMize. 27:11) Umzalwana osingatha le nxalenye uqukumbela ngokuncoma abaselula ebandleni ngemisebenzi yabo emihle aze ababongoze ukuba banxibelelane nabazali babo ukuze babomeleze ngokomoya ebudeni balo nyaka wabo wesikolo. Khumbuza abazali bacele ukuba abantwana babo bangafakwa kwizifundo zonqulo.
Ingoma 196 nomthandazo wokuqukumbela.
Iveki Eqala NgoJanuwari 23
5 imiz: Izaziso zasekuhlaleni.
15 imiz: “Bonisa Ukuba Unenkathalo Ngokubuyela.” Abavakalisi abathathu okanye abane baxubusha injongo nokubaluleka kokubuyela. Bethelela usukelo lokuqalisa izifundo. Hlolisisa amacebiso anikelweyo eentshumayelo. Yiba nomboniso omnye okanye emibini, eli qela lincoma yaye licebisa apho kumele kuphuculwe khona.
10 imiz: Iimfuno zasekuhlaleni. Okanye nikela intetho kwinqaku elithi “Ngaba Imiqathango Iyakudimaza?” elikwiMboniselo kaSeptemba 1, 1994, iphepha 27-8.
15 imiz: “Bonisa Ulwazelelelo Ngabanye—Icandelo 1.” Imibuzo neempendulo. Khumbuza ngemfuneko yokuba abadala basebenzisane ngokupheleleyo ekuqinisekiseni ukuba uphahla, imibhobho yamanzi, izinto zokupholisa, ezokufudumalisa, umbane, nezinto zokunqabisa iHolo yoBukumkani zilungiswa kakuhle.—Bona UBulungiseleli Bethu BoBukumkani bukaFebruwari 1985, iphepha 3, noBulungiseleli Bethu BoBukumkani bukaMatshi 1987, iphepha 5.
Ingoma 116 nomthandazo wokuqukumbela.
Iveki Eqala NgoJanuwari 30
10 imiz: Izaziso zasekuhlaleni. Khumbuza abavakalisi bafake ingxelo yabo yenkonzo yasentsimini kaJanuwari ngokukhawuleza.
17 imiz: “Hlala Unokuninzi Omele Ukwenze.” Imibuzo neempendulo. Ngokufutshane lungiselela ukudlan’ indlebe nabavakalisi ababini okanye abathathu abaxakekileyo, njengomdala, umama wekhaya ongaphangeliyo, okanye uvulindlela; ubacele bachaze indlela abakwazi ngayo ukuhlala bexakekile kodwa sekunjalo bahlale bevuya.
18 imiz: Hambisa incwadi ethi Unokuphila Ngonaphakade ngoFebruwari. Chaza isizathu sokuba abantu kufuneka beyifumene inkcazelo ekule ncwadi. (Bona IMboniselo, ka-Aprili 1, 1988, iphepha 25-6, isiqendu 17, 18.) Nikela amacebiso athile abonisa indlela esisenokuziqalisa ngayo izifundo zeBhayibhile nabantu abanomdla esibahambisele incwadi ethi Unokuphila Ngonaphakade. Yiba nomvakalisi onobuchule esenza umboniso ngokufutshane ngentshumayelo yesibini phantsi komxholo othi “Ubomi/Ulonwabo” kwincwadi ethi Ukuqiqa, iphepha 10.
Ingoma 199 nomthandazo wokuqukumbela.