Iindaba Ezingokobuthixo

◼ AmaNgqina kaYehova abhaliswa ngokusemthethweni eBulgaria ngo-Oktobha 7, 1998. Sikunye nabavakalisi abalapho abangama-946 siyambulela uYehova ngesi siganeko.

◼ Ngo-Oktobha 12, 1998, urhulumente waseLatvia wabhalisa amabandla okuqala ama-2 kwangama-21 akwelo lizwe.

◼ Nangona kukho inkcaso, abazalwana eFransi bayazingisa ekushumayeleni ngoBukumkani. NgoNovemba nangoDisemba, iphulo lokutsalela ingqalelo yeli lizwe eBhayibhileni lalisekelwe ekusasazweni ngokukhethekileyo kwencwadana enemifanekiso ethi Incwadi Yabantu Bonke. Malunga nabasebenzi abangama-50 baseBheteli eFransi bafudukele eBritani ukuze baye kuncedisa kwelo sebe kumsebenzi wokushicilela nomsebenzi wokuthunyelwa kweencwadi, ngoxa amalungu aseleyo angama-250 entsapho yaseBheteli eFransi nabazalwana entsimini beqhubeka bekhonza ngovuyo ngaphantsi kweemeko eziqhelekileyo.

◼ EMzantsi Afrika ebudeni benyanga yokuqala yonyaka wenkonzo we-1999, iHolo yoBukumkani yaseTsumeb (eNamibia) yanikezelwa. Kwinyanga elandelayo kwanikezelwa iHolo yoBukumkani entsha yasePretoria North, yaye ngoNovemba, kwanikezelwa iiholo ezintandathu ezizezi: EyaseInanda Newtown West, eyaseMaphophoma, eyakwaNongoma, neyaseNyuswa (zonke zezaKwaZulu Natal), eyaseJwaneng (eBotswana), neyaseBloemfontein South. Siyavuyisana nala mabandla ngoku aneeHolo zoBukumkani ezintle zokunqulela uYehova.