Ucwangciso Lwentlanganiso Yenkonzo
Iveki Eqala NgoMatshi 10
10 imiz.: Izaziso zebandla lasekuhlaleni. Khetha kwiZaziso ezikuBulungiseleli Bethu BoBukumkani. Usebenzisa amacebiso akwiphepha 8, bonisa indlela yokuhambisa IMboniselo kaMatshi 15 noVukani! ka-Aprili 8. Kumboniso ngamnye, la maphephancwadi afanele ahanjiswe omabini, nangona kuthethwa ngephephancwadi elinye.
15 imiz.: Indlela Yokuqiqa NgeZibhalo. Ingxubusho nabaphulaphuli. Sinokubuhlakulela njani ubuchule bokuqiqa ngendlela ephumelelayo nabantu entsimini? (1) Yiba nolwazi lweZibhalo olwaneleyo ngokwenza ufundisiso lobuqu nokuya ezintlanganisweni ngokuthe rhoqo. (2) Camngca ngoko ukufundayo, uhlalutye inyaniso ngokweembono ezahlukeneyo. (3) Funa kungekuphela nje iingcaciso zeZibhalo kodwa nezizathu zokuba zicaciswe ngaloo ndlela. (4) Cinga ngendlela onokuzicacisa ngayo izibhalo kubantu abahlukahlukeneyo. (5) Cinga ngendlela onokuzizekelisa ngayo iingongoma ezithile.
20 imiz.: “Yenza Okulungileyo!”a (Iziqendu 1-12) Emva kokuxubusha isiqendu 6, yenza umboniso omfutshane womvakalisi ememela eSikhumbuzweni isalamane, ummelwane, ofunda kunye naye, okanye osebenza naye, esebenzisa isimemo esishicilelweyo. Ukuba izimemo zeSikhumbuzo azikafumaneki, ibandla lifanele lizifumane kwiintlanganiso ezilandelayo.
Ingoma 19 nomthandazo wokuqukumbela.
Iveki Eqala NgoMatshi 17
10 imiz.: Izaziso zebandla lasekuhlaleni. Ingxelo yemali. Iindaba Zobuthixo.
15 imiz.: Zikhethe Ngobulumko Izinxulumani. Intetho enikelwa ngumdala esekelwe kuVukani! kaMatshi 8, 1997, iphepha 24, nombandela ophantsi komxholo othi “Izinxulumani Ezibi” okwiphepha 424 kwincwadi ethi Ukuqiqa. Bonisa indlela le migaqo esebenza ngayo kulutsha nakwabakhulileyo. Balaselisa iingenelo zokukhetha abahlobo abathanda uYehova nababonisa ukuba bazabalazela ukunamathela kwimilinganiselo yakhe.
20 imiz.: “Yenza Okulungileyo!”b (Isiqendu 13-26) Imele isingathwe ngumveleli owongamelayo. Xa ukwisiqendu 14, yiba nomboniso omfutshane womdala etyelela umzalwana onesiphene ngenjongo yokumkhuthaza, apho achazela lo mzalwana ngobubele indlela anokuba nesabelo ngayo kumsebenzi owandisiweyo wexesha leSikhumbuzo.
Ingoma 53 nomthandazo wokuqukumbela.
Iveki Eqala NgoMatshi 24
10 imiz.: Izaziso zebandla lasekuhlaleni. Usebenzisa amacebiso akwiphepha 8, bonisa indlela yokuhambisa IMboniselo ka-Aprili 1 noVukani! ka-Aprili 8.
15 imiz.: Iimfuno zebandla lasekuhlaleni.
20 imiz.: AmaNgqina kaYehova—Anempembelelo Entle Ekuhlaleni. Intetho nengxubusho nabaphulaphuli. Maxa wambi siba nethuba lokuchaza indlela ubulungiseleli bethu nokuba ngumzekelo kwethu okuyingenelo ngayo kubantu basekuhlaleni. Cela abaphulaphuli bagqabaze kwezi ngongoma zilandelayo: (1) Sifundisa abantu ukuba baphile ngemilinganiselo yeBhayibhile yokuziphatha. (2) Sifundisa ukunyaniseka nokuhlonela amagunya. (3) Sifundisa imvisiswano phakathi kweentlanga, izizwe, namaqela abantu. (4) Sinceda abanye baphucule ubomi babo bentsapho ngokubakhuthaza ukuba basebenzise imigaqo yeBhayibhile. (5) Siye safundisa amawaka abantu indlela yokufunda nokubhala. (6) Sinceda abanye ngamaxesha entlekele. (7) Siye saba sisixhobo sokukhusela inkululeko yonqulo enanditshwa ngabo bonke.—Bona incwadi ethi Abavakalisi BoBukumkani, iphepha 699.
Ingoma 121 nomthandazo wokuqukumbela.
Iveki Eqala NgoMatshi 31
12 imiz.: Izaziso zebandla lasekuhlaleni. Chaza amalungiselelo Osuku Lwamaphephancwadi olukhethekileyo ngoMgqibelo, Aprili 5. Bakhumbuze bonke ukuba badlulisele ingxelo yasentsimini kaMatshi kubaveleli bezifundo zencwadi abakuzo. Chaza incwadi eza kuhanjiswa ngoAprili, uchaze umgudu okhethekileyo ekufuneka wenziwe wokuqalisa izifundo zeBhayibhile kwincwadi ethi Nqula UThixo nabo sele befunde ethi Ulwazi kunye nencwadana enemifanekiso ethi Okufunwa NguThixo. Xubusha iingongoma eziziintloko phantsi kothi “Okumele Kukhunjulwe NgeSikhumbuzo.”
13 imiz.: Amava asekuhlaleni. Cela ibandla ukuba libalise amava eliwanandiphileyo ngexesha lomsebenzi owandisiweyo obusenziwa ngoMatshi. Bancome ngemigudu abayenzileyo, uze ubakhuthaze bonke ukuba babe nesabelo ngokuzeleyo ngokweemeko zabo ebudeni buka-Aprili.
20 imiz.: “UYehova Ngowokudunyiswa Kakhulu.”c Balaselisa indlela esibaluleke ngayo iSikhumbuzo. Bonisa indlela bonke abanokubanceda ngayo abanye ukuba babekho. Chaza oko kunokwenziwa ukuze kuyiwe kwabo bapholileyo ngenjongo yokuba kuvuselelwe umdla wabo.
Ingoma 173 nomthandazo wokuqukumbela.
Iveki Eqala NgoAprili 7
10 imiz.: Izaziso zebandla lasekuhlaleni.
15 imiz.: Ukungenelwa KwiNcwadi Yonyaka Yowama-2003. Intetho nengxubusho nabaphulaphuli. Xubusha iimbalasane ezikumbandela othi “Ileta Evela KwiQumrhu Elilawulayo,” kwiphepha 3-5. Kusengaphambili lungiselela abambalwa ukuba babalise iingxelo namava abawafumanise ekhuthaza yaye esomeleza ukholo. Khankanya iimbalasane ezikwingxelo yehlabathi lonke. Khuthaza iintsapho ukuba ziyifunde ngokuthe ngcembe yonke le ncwadi ebudeni balo nyaka. Cebisa ngeendlela esinokuyisebenzisa ngayo le ncwadi ukuze salathisele abatsha kwintlangano kaYehova size sibakhuthaze ukuba beze kwiintlanganiso. (Amabandla angekabi nayo iNcwadi Yonyaka Yowama-2003, ngeli thuba anokuxubusha iimfuno zebandla lasekuhlaleni)
20 imiz.: “Indlela Inyaniso Esikhulula Ngayo.”d Quka amagqabaza akwibhokisi ekwiphepha 6 leMboniselo kaOktobha 1, 1998. Cela abaphulaphuli bagqabaze ngendlela eye yabakhulula ngayo inyaniso ekwiLizwi likaThixo.
Ingoma 217 nomthandazo wokuqukumbela.
[Imibhalo esemazantsi]
a Intshayelelo yakho mayibe ngaphantsi komzuzu omnye, wandule ke ukubuza imibuzo.
b Intshayelelo yakho mayibe ngaphantsi komzuzu omnye, wandule ke ukubuza imibuzo.
c Intshayelelo yakho mayibe ngaphantsi komzuzu omnye, wandule ke ukubuza imibuzo.
d Intshayelelo yakho mayibe ngaphantsi komzuzu omnye, wandule ke ukubuza imibuzo.