Ucwangciso Lwentlanganiso Yenkonzo

Iveki Eqala NgoAprili 11

Ingoma 4

15 imiz: Izaziso zebandla lasekuhlaleni. IZaziso Ezikhethiweyo ezikuBulungiseleli Bethu BoBukumkani. Sebenzisa amacebiso akwiphepha 8 (ukuba ayasebenza kwintsimi yenu) ukuze ubonise indlela yokuhambisa IMboniselo ka-Aprili 15 noVukani! kaMeyi 8. Kusenokusetyenziswa nezinye iindlela ezifanelekileyo. Komnye wale miboniso, yiba nomvakalisi ekumsebenzi wamaphephancwadi.

15 imiz: “Zingisani Ekushumayeleni.”a Xa ixesha lisavuma, cela abaphulaphuli bagqabaze ngezibhalo ezicatshuliweyo.

15 imiz: “Yenzani Okulungileyo Nize Nabelane Nabanye.”b Chaza indlela le nkcazelo enokusebenza ngayo ekuhlaleni kwaneendlela ezisebenzisekayo esinokubanceda ngazo abanye.

Ingoma 47 nomthandazo wokuqukumbela.

Iveki Eqala NgoAprili 18

Ingoma 76

10 imiz: Izaziso zebandla lasekuhlaleni. Iindaba Zobuthixo.

20 imiz: “Ukuqhuba Izifundo ZeBhayibhile Ezinenkqubela—Icandelo 8.”c Quka umboniso omfutshane, umvakalisi enika umfundi omtsha weBhayibhile incwadana enemifanekiso ethi AmaNgqina KaYehova—Angoobani? Yintoni Ayikholelwayo? Lo mvakalisi ufanele abhekisele kumfanekiso okwiphepha 20 wale ncwadana aze ngamafutshane achaze iNtlanganiso Yesidlangalala. Uchaza umxholo wentetho yesidlangalala elandelayo aze ameme esi sifundo ukuba sibekho.

15 imiz: Amava ebandla lasekuhlaleni. Balisa ngamava abanye abaye baba nawo ebudeni bephulo elikhethekileyo lokuhambisa incwadana enemifanekiso entsha. Ukuba kukho amava abangel’ umdla, kunokwenziwa umboniso wendlela enzeke ngayo. Bethelela oko kuye kwafezwa, uze ubancome bonke ngemigudu abayenzileyo. Abanye basenokufuna ukuthetha ngamava abaye banawo ngokuphathelele iSikhumbuzo nentetho ekhethekileyo.

Ingoma 169 nomthandazo wokuqukumbela.

Iveki Eqala NgoAprili 25

Ingoma 111

15 imiz: Izaziso zebandla lasekuhlaleni. Funda ingxelo yemali neeleta ezibulela iminikelo. Khumbuza abavakalisi bafake iingxelo zabo zenkonzo ka-Aprili. Usebenzisa amacebiso akwiphepha 8 (ukuba ayasebenza kwintsimi yenu), yiba nemiboniso ngendlela enokuhanjiswa ngayo IMboniselo kaMeyi 1 noVukani! kaMeyi 8. Kunokusetyenziswa nezinye iintshumayelo ezifanelekileyo. Kwenye yezi ntshumayelo, bonisa indlela yokuhlangabezana nezinto ezithintela incoko xa umntu esithi “Andinamdla.” (Bona incwadi Ukuqiqa kwiphe. 16.) Khankanya amanqaku anokubangela umdla kubantu abakwintsimi yenu.

10 imiz: “Bancede Bafumane Ubungqina Obungakumbi.” Intetho nengxubusho nabaphulaphuli. Chaza indlela okunokusebenza ngayo oku ekuhlaleni. Bakhuthaze bonke bazalise ifomu ethi Nceda Ubuyele (S-43) ngokukhawuleza xa kukho imfuneko.

20 imiz: “Hambisa Amaphephancwadi Entsimini.”d Xa nixubusha isiqendu sesi-3 nesesi-4, chaza indlela okunokusebenza ngayo oku ekuhlaleni. Ngamafutshane yiba nodliwano-ndlebe nomvakalisi omnye okanye ababini abaphumelelayo ekuhambiseni amaphephancwadi kwiindawo zoshishino, kumsebenzi wasesitratweni, kwiindawo zikawonke-wonke okanye xa beshumayela ngokungacwangciswanga. Bacele bachaze indlela abahambisa ngayo amaphephancwadi xa bephantsi kwezi meko. Yiba nomboniso omfutshane wentshumayelo okanye woko kuye kwenzeka ngokoqobo.

Ingoma 8 nomthandazo wokuqukumbela.

Iveki Eqala NgoMeyi 2

Ingoma 148

10 imiz: Izaziso zebandla lasekuhlaleni. Ngamafutshane xubusha inqaku elithi “Ukufunda Incwadana Enemifanekiso Ethi Hlalani Nilindile!” kwiphepha 6. Chaza ukuba le nkcazelo ibonisa ucwangciso oluza kulandelwa xa kufundwa le ncwadana. Bakhuthaze bonke ukuba balungiselele kakuhle baze babe nenxaxheba veki nganye kwesi sifundo, ukususela ngeveki kaMeyi 23.

15 imiz: Iimfuno zebandla lasekuhlaleni.

20 imiz: “Zonke Iintlobo Zabantu Ziya Kusindiswa.”e Chaza indlela oko kubhaliweyo okusebenza ngayo kwintsimi yasekuhlaleni.

Ingoma 112 nomthandazo wokuqukumbela.

[Imibhalo esemazantsi]