Iintshayelelo Zamaphephancwadi

IMboniselo Januwari 1

Funda iGenesis 2:16, 17. Emva koko uthi: “Bambi abantu bathi uThixo wayesazi kwangaphambili ukuba uAdam uza kona. Ukanti abanye bavakalelwa ukuba uThixo wayeya kuba akanyanisekanga ukuba wayebalumkisa esazi ukuba kuza kwenzeka ntoni kubo. Ucinga ntoni? [Mlinde aphendule.] Inqaku elikwiphepha 13 lichaza indlela uThixo awasebenzisa ngayo amandla akhe okwazi ikamva.”

Vukani! Januwari

“Abanye bakholelwa ukuba unqulo lusekelwe kwiimvakalelo nje akukho zizathu zivakalayo zokuba nokholo. Ucinga ntoni? [Mlinde aphendule.] Ngokutsho kweBhayibhile abantu abafanele basuke nje bakholelwe kuThixo ngaphandle kwezizathu. [Funda eyoku-1 kuYohane 4:1.] Inqaku elikwiphepha 28 licacisa indlela esifanele siqiniseke ngayo ukuba ukholo lwethu lusekelwe kubungqina obucacileyo.”

IMboniselo Februwari 1

“Luthande ukuxhaphaka gqitha uqhawulo-mtshato namhlanje. Ucinga ukuba yintoni unobangela? [Mlinde aphendule.] Qwalasela eli cebiso liye lanceda abantu abaninzi abatshatileyo. [Funda eyoku-1 kwabaseKorinte 10:24.] Eli phephancwadi lithetha ngezinto ezintandathu ezidla ngokukhalazelwa ngamadoda nabafazi lize libonise indlela ekuluncedo ngayo ukusebenzisa imigaqo yeBhayibhile.”

Vukani! Februwari

“Baninzi abantu ababonakala benomdla kubugqi nobugqwirha. Ngaba ucinga ukuba akuyongozi ukusebenzisa ubugqi? [Mlinde aphendule.] Qwalasela esi silumkiso uThixo awasinika uSirayeli wamandulo. [Funda iDuteronomi 18:10-12.] Eli phephancwadi lichaza oko kuthethwa yiBhayibhile ngobugqi.”