Sebenzisa uPhila Ubomi Obumnandi Ngonaphakade! Xa Ushumayela

Kuyasivuyisa ukuba nencwadi nencwadana entsha yokuqhuba izifundo zeBhayibhile! Sithandazela ukuba uYehova asikelele zonke izinto esizizamayo ukuze senze abafundi abangakumbi. (Mat 28:18-20; 1Ko 3:6-9) Sinokuyisebenzisa njani le ncwadi nale ncwadana intsha?

Ekubeni uPhila Ubomi Obumnandi Ngonaphakade!, incoko ethetha ngeBhayibhile, esixelela indlela entsha yokufundisa, nazi iindlela onokuzisebenzisa ukuze ulungiselele uze uqhube izifundo zeBhayibhile.a

• Fundani iziqendu nize nincokole ngemibuzo

• Fundani izibhalo ezibhalwe “funda” uze uncede isifundo siqonde ukuba unokuzisebenzisa njani ezi zibhalo

• Dlala iividiyo nize nincokole ngazo, nisebenzise imibuzo eniyinikiweyo

• Qho xa nifunda zamani ukufunda isifundo esinye nisigqibe

Xa ushumayela, qala unike umntu incwadana ukuze ubone ukuba unomdla na. (Jonga ibhokisi ethi “Indlela Yokusebenzisa Incwadana Ethi Phila Ubomi Obumnandi Ngonaphakade! Kutyelelo Lokuqala”) Ukuba niyifunde nayigqiba incwadana ibe nesifundo sisafuna ukuqhubeka, mnike incwadi nize niqale kwisifundo 04. Kanti ukuba sele nifunda kwenye yeencwadi esifundisa ngazo, yiyekeni nize niqalise ukusebenzisa ethi Phila Ubomi Obumnandi Ngonaphakade! Nguwe oza kugqiba ukuba nimele niqale phi.

BUKELA IVIDIYO ETHI SIYAKWAMKELA KWISIFUNDO SAKHO SEBHAYIBHILE, UZE UPHENDULE LE MIBUZO:

• Izifundo ziza kufunda ntoni kule ncwadi intsha?

• Kutheni kufuneka ubabonise le vidiyo abantu osanda kuqala ukubafundela?

• Zeziphi izinto onokuqhubeka umkhuthaza ukuba azimisele ukuzenza umntu omfundelayo?—Jonga ibhokisi ethi “Izinto Ezifundiswayo Nezinto Onokuzimisela Ukuzenza Kwicandelo Ngalinye.”