IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • g00 11/8 iphe. 18
  • Uhlangulo Olubangela Imincili

No video available for this selection.

Sorry, there was an error loading the video.

  • Uhlangulo Olubangela Imincili
  • Vukani!—2000
  • Imixholwana
  • Amanqaku Afanayo
  • Ukuhlangulwa
  • Unokulufumana Phi Unqabiseko?
    IMboniselo Evakalisa UBukumkani BukaYehova—2002
  • Inyikima YaseHaiti—Indlela Ukholo Nothando Olwabonakaliswa Ngayo
    Vukani!—2010
  • Sasikelelwa Ngenxa Yokubeka UThixo Kuqala
    Vukani!—2009
  • Umntu Unokukwazi Ukwenza Imisebenzi Emihle NgeSabatha?
    UYesu—Indlela, Inyaniso, Ubomi
Khangela Okunye
Vukani!—2000
g00 11/8 iphe. 18

Uhlangulo Olubangela Imincili

Ngokubaliswa nguVukani! EBENIN

“LOO madoda mathathu ayaphila ngenxa nje yokuba amaNgqina kaYehova ewasindisile!” Ezo yayiziindaba ezasasazeka njengomlilo wedobo kuso sonke isixeko saseCalavi, kwilizwe laseNtshona Afrika iBenin, ngoLwesithathu, ngoAprili 19, 2000. Yayingoobani la madoda mathathu, yaye amaNgqina kaYehova abandakanyeka njani ekuwahlanguleni?

Nge-6:30 ekuseni, uPhilippe Elegbe noRoger Kounougbe babezilungiselela ukusebenza kwibala lendibano lamaNgqina kaYehova elikufuphi neofisi yesebe yeWatch Tower Society yaseBenin. Ngobo busuku kwakuza kuhlanganisana amakhulu ukuze enze iSikhumbuzo sokufa kukaYesu Kristu.a Ngesiquphe, ingxolo enkulu yokungqubana kwezinto yayiphelisa inzolo eyayikho ngaloo ntsasa. Ngoko nangoko, uPhilippe noRoger baqonda ukuba kukho ingozi eyenzekileyo kuhola wendlela.

Kwimizuzu nje embalwa kamva beva indoda ikhala: “Abantu abathathu endisebenza nabo baphantsi kwezi ngxowa zesamente!” UPhilippe noRoger babaleka besiya kuhola wendlela. Apho babona ilori eziitoni ezingama-20 ilele ngecala. Iingxowa ezininzi ezizele isamente ziwe elorini.

UJosué Didolanvi, naye ongumsebenzi kwibala lendibano, wayelapho, yaye wayesele etsala indoda phakathi komphambili welori neengxowa zesamente. Umqhubi owayeziphumele kumphambili welori, wayesothukile. Kodwa, wakwazi ukukhwaza esithi: “Kusasele abantu ababini phantsi kweengxowa zesamente!” Abanye abantu ababebukele baqalisa ukususa ezo ngxowa, kodwa kungekudala banikezela ngenxa yendlela ezazitshisa ngayo. Le samente yayisandul’ ukuphuma kwionti yomenzi wayo!

Ukuhlangulwa

UPhilippe, uRoger noJosué baqalisa ukumba kwezi ngxowa zesamente, bezisusa nganye nganye. Izandla zabo zaba buhlungu ngenxa yobushushu nobunzima beengxowa eziziikhilogram ezingama-50 inye. Okwenza iimeko zambi nangakumbi kukuba, isamente yayiphuma kwiingxowa ezikrazukileyo, ibangela amadyungu-dyungu kwiminwe yabo yaye yenza ukuba kube nzima ukuphefumla. Kamva uJosué wathi: “Izandla zam zazitshisa, ingakumbi iminwe yam. Kodwa ndandicinga ukuba kusenokwenzeka ukuba kukho ithuba lokusindisa nabani na owayengaphantsi.”

Emva kokususa iingxowa ezinokuba ngama-40, la madoda mathathu abona ukhuko. Othuka, xa afumana amadoda amabini apho—kanye phantsi kolo khuko. Ayephilile! Ukwenzeka kwale ngozi, la madoda ayesemva elorini elele kukhuko olwalogqume iingxowa zesamente. Xa ebhukuqeka elorini, ukhuko lwawela phezu kwawo, luwakhusela kubushushu beengxowa zesamente ezaziwagqumelele.

Ebudeni nasemva kolu hlangulo, kwakukho iqela labantu elalibukele. Bonke bamangaliswa kukuba uPhilippe, uRoger noJosué bekwazile ukususa iitoni ezimbini zeengxowa zesamente ngokukhawuleza kangaka phantsi kweemeko ezazinzima ngolwa hlobo. Kwakhona bamangaliswa kukubona la madoda mathathu esenza konke okusemandleni awo ukunceda abantu angabazi nokubazi. Kungekudala wonk’ umntu eCalavi wabonakala esazi ngemigudu yabo yobuqhawe.

[Umbhalo osemazantsi]

a Ethobela umyalelo kaYesu, amaNgqina kaYehova enza esi sikhumbuzo singcwele nyaka ngamnye.—Luka 22:19.

[Umfanekiso okwiphepha 18]

URoger ephethe ukhuko emva kokuhlangula

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share