Ucwangciso Olutsha Lwendibano Ekhethekileyo Yosuku Olunye
1 Umxholo wocwangciso lwethu lwendibano ekhethekileyo yosuku olunye ukususela ngoSeptemba uya kube usithi “Qhubekani Niyingqinela Inyaniso.” Ucwangciso luphela luya kunikela ingqalelo kumzekelo esawushiyelwa nguYesu nendlela awayewaxhakamfula ngayo amathuba okwabelana nabanye ngenyaniso. Luya kugxininisa imbopheleleko yethu njengabafundi bakaKristu yokumxelisa ekungqineleni inyaniso.—1 Kor. 11:1.
2 Kuza kuxutyushwa ngendima ephunyezwa libandla ekuphakamiseni inyaniso. Kwakhona kuza kubethelelwa ukusebenzisa kakuhle amaphephancwadi ethu nezinye iimpapasho.
3 Isithethi esityeleleyo siya kunikela intetho ephambili enomxholo othi “Oko Kuphunyezwa Kukungqinela Inyaniso.” (Yoh. 8:32) Olu cwangciso lwendibano ekhethekileyo yosuku olunye ngokuqinisekileyo luya kwandisa uxabiso lwethu ngenyaniso luze lusincede sonke sihlale somelele yaye ‘siqinile enyanisweni.’—2 Pet. 1:12, NW; 1 Kor. 15:58.