Ukuvuyela Ulwando Olubangelwa NguThixo

¹ AmaKristu enkulungwane yokuqala ayengabavakalisi boBukumkani abanenzondelelo. Avuya xa ‘amabandla athi anda ngenani imihla ngemihla.’ (IZe. 16:5) Ukushumayela kwawo ngenkalipho kwafikelela naseAsiya, eYurophu naseAfrika, nto leyo eyaphumela kwisivuno esikhulu samakholwa.

² UYesu waxela kwangaphambili ukuba ngemihla yokugqibela, umsebenzi wokushumayela wawuza kufikelela kuwo ‘wonke umhlaba omiweyo nakuzo zonke iintlanga’! (Mat. 24:14) Ebudeni bonyaka wenkonzo we-1996, siye saqhubeka sifumana iingxelo ezingolwando olumangalisayo nezingeencopho ezintsha zabavakalisi eziphuma kumazwe akuwo wonke umhlaba. Kuye kwayilwa amabandla amaninzi. Olu lwando lukhawuleza kangaka luye lwenza kwafuneka kwakhiwe amakhulukhulu eeHolo zoBukumkani ezintsha neeHolo zeeNdibano ndawonye nokwandiswa kwezakhiwo zamasebe aliqela.

³ UBulungiseleli Bethu BoBukumkani buka-Agasti 1996 bunikele ingxelo yomsebenzi omkhulu wokwakha owenziwa eAfrika. Nakuwo wonke uMzantsi noMbindi Merika kwenziwa kwaloo msebenzi. Kunyaka wenkonzo we-1996, iMexico inikele incopho esemagqabini yabavakalisi abangama-470 098 nomlinganiselo wezifundo zeBhayibhile ezingama-600 751, nto leyo eyenze kwafuneka kuyilwe amabandla amatsha angama-466! Ukwandiswa kwesakhiwo sesebe lalapho kucwangciselwe ukugqitywa ngasekupheleni kowe-1999. Ulwando olufanayo olukwamanye amazwe amaninzi lwenza kuhlalwe kuxakekiwe ekwenzeni imisebenzi eyahlukeneyo yolwakhiwo lobuthixo.

⁴ Iindleko zokwakha zixhomile kuzo zonke iindawo, yaye abazalwana bethu kumazwe amaninzi banokuncinane abanokunikela ngako ngokwemali. Noko ke, ngenxa yenzondelelo enzulu abanayo ngenkonzo kaYehova, ngokuqinisekileyo bayakhula ngokomoya yaye banda ngamandla ngokwamanani. IMizekeliso 28:27 iyasiqinisekisa isithi “opha ihlwempu akasweli.” Ukunceda kwethu ngokuzithandela ukuze kuhlawulwe ezi ndleko zokwakha kwenza kubekho ‘ukulingana’ kwezinto eziphathekayo, nto leyo eyenza bonke babe noyolo olubangelwa kukupha novuyo olubangelwa kukubona ulwando olubangelwa nguYehova!—2 Kor. 8:14, 15; IZe. 20:35.

[Picture on page 4, 5]

Isebe LaseParaguay

[Picture on page 4]

Isebe Lase-Ecuador

[Picture on page 4, 5]

ElaseMexico Liyandiswa

[Picture on page 4, 5]

Isebe LeDominican Republic

[Picture on page 4]

Isebe LaseBrazil Nokwandiswa Kwalo

[Picture on page 4, 5]

Isebe laseUruguay Liyakhiwa

[Pictures on page 5]

IiHolo zoBukumkani eziqhelekileyo ezingabizi mali eninzi KuMzantsi NoMbindi Merika

1. Brazil

2. Nicaragua

3. Chile

4. Colombia

5. Mexico

6. Brazil

7. Peru

8. Venezuela

9. Mexico