Oko Unokukuthetha Ngamaphephancwadi

IMboniselo Feb. 15

“Ngaba wakha wazibuza ngeyona ndlela isemagqabini yokulawula ubomi bakho neyokwenza izigqibo ezibalulekileyo? [Vumela impendulo.] Eminye yeyona migaqo isemagqabini, enjengoMthetho oMkhulu, ifumaneka eBhayibhileni. [Funda uMateyu 7:12.] Yiyiphi eminye imigaqo yobuthixo esinokungenelwa kuyo? Impendulo uza kuyifumana kweli phephancwadi.”

Vukani! Mat. 8

“Mhlawumbi uye waphawula ukuba iindawo zemisebenzi ezininzi ziya zisiba yingozi. Eli phephancwadi licebisa ngendlela ezinokwenziwa zikhuseleke ngayo. Likwabonisa nokuba ubomi bethu buxhomekeke ekubeni sibe nembono elungeleleneyo ngawo. Nceda ulifunde.”

IMboniselo Mat. 1

“Kuyo yonke lento iqhubekayo namhlanje, inkoliso yethu izibuza ngoko lisiphathele kona ikamva. Kumthandazo odumileyo, uYesu Kristu watyhila isizathu sokuba sinokukhangela phambili kwikamva ngentembelo. [Funda uMateyu 6:9, 10.] Uluntu luphindaphinda iimpazamo ezenziwa kwixesha elide eladlulayo. Kodwa ngaloo mihla, abo babekhonza uThixo babenekamva elonwabisayo. Eli phephancwadi libonisa indlela esinokwenza ngayo nathi.”

Vukani! Mat. 8

“IBhayibhile ibalaselisa ukubaluleka kwemfundo esemgangathweni. [Funda IMizekeliso 2:10, 11.] Inkoliso yethu iyayiqonda indlela ekubaluleke ngayo ukuba abantwana babe nootitshala abavunyiweyo. UVukani! ubonisa indima ebalulekileyo yootitshala, indlela esifanele sikuxabise ngayo ukuzincama kwabo, noko kunokwenziwa ngabazali ukuze bancedisane nabo kumsebenzi wabo olucelomngeni.”