Iintshayelelo Zamaphephancwadi

IMboniselo Meyi 15

“Mihla le ugonyamelo lusezindabeni. Ngaba ucinga ukuba lwalukhe lwakho ngaphambili? [Mlinde aphendule.] Yiva oko kuthethwa yiBhayibhile. [Funda uMateyu 24:37.] Ngendlela ekwakukubi ngayo ngemihla kaNowa, uThixo watshabalalisa lonke uluntu ngaphandle kukaNowa nentsapho yakhe. Eli phephancwadi libonisa oko kuthethwa zezo ziganeko kwimihla yethu.”

IMboniselo Juni 1

“Iingxelo zokurhwaphilizwa kwemali enikelwa ngabantu ziye zenza abanye bamadolw’ anzima ukufak’ isandla kwimibutho exhaswa ngeminikelo. Sekunjalo, baninzi abantu abasweleyo. Wena ucinga ukuba yintoni enokwenziwa? [Mlinde aphendule. Emva koko funda amaHebhere 13:16.] Eli phephancwadi lithetha ngohlobo lokupha olumkholisayo uThixo.”

Vukani! Juni 8

“Namhlanje, isifo esisasazwa zizinambuzane sesinye sezifo eziyingozi kwimpilo yethu. Ngaba ubusazi ukuba ikho indlela esinokuzikhusela ngayo? [Mlinde aphendule.] Eli phephancwadi lixubusha ngendlela esinokuzikhusela ngayo, nangesithembiso esisuka eBhayibhileni sexesha ekungasayi kubakho kugula ngalo.” Qukumbela ngokufunda uIsaya 33:24.

“Kubonakala ngathi namhlanje abantu abasayikhathalele imilinganiselo yokuziphatha yaye abasenasimilo njengokuba babenjalo ngaphambili. Ngaba nawe uyiphawule loo nto? [Mlinde aphendule.] Kubangel’ umdla ukwazi ukuba iBhayibhile yakha yathetha ngale nto. [Funda eyesi-2 kuTimoti 3:1-5.] Lo Vukani! uthetha ngesizathu sokuba imilinganiselo yabantu itshintshe kwanoko sikuphathelwe likamva.”