Iindaba Ezilungileyo Kwi-Internet

Kwesi sizukulwana sethu sihambele phambili kwezobugcisa, bambi abantu bafumana inkcazelo ethile kwizinto ze-elektroniki, kuquka i-Internet. NoMbutho uye wafaka inkcazelo echanileyo ephathelele iinkolelo nemisebenzi yamaNgqina kaYehova kwi-Internet.

I-Internet Web site yethu ithi http://www.watchtower.org yaye inamaphecana, iincwadana ezinemifanekiso namanqaku athile eMboniselo noVukani! esiNgesi, isiTshayina (Esilula), isiJamani, isiRashiya neSpanish, nezinye iilwimi. Iimpapasho ezikule Web site sele zikho emabandleni njengoko sizisebenzisa entsimini. Injongo yeWeb site, asikokukhulula iimpapasho ezintsha, kodwa kukukhupha inkcazelo nge-elektroniki ukwenzela uwonke wonke. Akuyomfuneko ngaye nabani na ukuba afake umbandela ongamaNgqina kaYehova, imisebenzi yethu, okanye iinkolelo zethu kwi-Internet. Isite yethu esemthethweni inenkcazelo echanileyo enokufunyanwa nguye nabani na oyifunayo.

Nangona le site yethu ingenalungiselelo lakuthumela imiyalezo nge-elektroniki (E-mail), inazo iikhelingi zamasebe akuwo wonke umhlaba. Ngaloo ndlela abantu banokubhala ukuze bafumane inkcazelo engakumbi okanye ukuze bafumane uncedo kumaNgqina asekuhlaleni. Zive ukhululekile ukuchazela abanye abasengathanda ukuqalisa ukufunda inyaniso yeBhayibhile ngale ndlela banokuyifumana ngayo inkcazelo yethu ekwi-Internet.