Ileta Evela KwiSebe
Mvakalisi WoBukumkani Othandekayo:
Njengokuba siqalisa unyaka wenkonzo omtsha, kuye kwayilwa isiphaluka esitsha kwintsimi ephantsi kwesebe laseMzantsi Afrika, ibe kule minyaka mithandathu idluleyo siye saseka iziphaluka ezili-14 ezitsha. Ngoku intsimi yesebe laseMzantsi Afrika ineziphaluka ezingama-84 nezithili ezi-6.
Mkhulu umsebenzi owenziwayo ukuze kusasazwe iindaba ezilungileyo kwintsimi yentetho yezandla. Kuye kwasekwa amabandla amabini entetho yezandla, elinye ePitoli nelinye eKapa. Ukongezelela kumabandla amathathu asele ekho, ngoku kukho amaqela angama-30 entetho yezandla anxulumana namabandla ahlukahlukeneyo eMzantsi Afrika nakumazwe aselumelwaneni aphantsi kwesebe lethu. Ngaba akungethandi ukufunda intetho yezandla ukuze uncede kule ntsimi ilucelomngeni?
Abantu bayathontelana ukuza kubona oomatshini abatsha bokushicilela kwisebe lethu. Ukususela oko umatshini wokushicilela iMAN uthe waqala ukusebenza ngoJuni 2004 nomatshini wokudibanisa iincwadi uye waqalisa ukusebenza ngoSeptemba 2004, siye satyelelwa ngabantu abangaphezu kwamawaka alishumi. Ngenye iholide kawonkewonke kwasivuyisa ukubona iindwendwe ezingama-2 519. Ukuba akukayiboni iBheteli kutshanje, siyakumema ukuba wenjenjalo. Ukhumbule ke ukuba alikho ilungiselelo lokuba abantu babone isebe ngeMigqibelo. Oomatshini bokushicilela, umatshini wokudibanisa iincwadi kunye namanye amasebe aliqela akasebenzi ngeMigqibelo.
NgoAgasti 2005 kuye kwaqalisa ukwakhiwa kwesakhiwo sokuhlala esitsha nowokwandisa indawo yokutyela. Lo msebenzi wenziwa ziikontraka eziqeshiweyo. Kukho abazalwana abafanelekayo abahlola lo msebenzi ukuze baqiniseke ukuba wenziwe kakuhle. Sicinga ukuba uza kuthabatha iinyanga ezimalunga ne-15.
NgoJuni 4, 2005, iye yaqukunjelwa iklasi yesine neyeyokugqibela yesikolo sabaveleli abahambahambayo. Loo nto ithetha ukuba abaveleli besithili nabesiphaluka abangama-91 abaphantsi kwesebe laseMzantsi Afrika baye bafumana olu qeqesho lukhethekileyo lweeveki ezisibhozo kwaye baya kukulungela nangakumbi ukukhonza iimfuno zentsimi.
Uwonke lo msebenzi wenziwayo wokuhambisela phambili izilangazelelo zoBukumkani umele uqhwatyelwe izandla! Ixatyiswa kakhulu inkxaso yenu yemali. (IMize. 3:9, 10) Ngamana uYehova angayisikelela imizamo esiyenza ngomanyano yokuba “sidumise uzuko lwakhe.”—Efe. 1:12.
Abazalwana benu,
IOfisi Yesebe YaseMzantsi Afrika