IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 2/09 iphe. 2
  • “Yenza Zonke Izinto Ngenxa Yeendaba Ezilungileyo”

No video available for this selection.

Sorry, there was an error loading the video.

  • “Yenza Zonke Izinto Ngenxa Yeendaba Ezilungileyo”
  • Ubulungiseleli Bethu BoBukumkani—2009
  • Amanqaku Afanayo
  • Ngaba Ukulungele Ukutshintsha?
    Ubulungiseleli Bethu BoBukumkani—2013
  • Ngaba Unokuluhlengahlengisa Ucwangciso Lwakho?
    Ubulungiseleli Bethu BoBukumkani—2006
  • Iindlela Zokuphucula Ukushumayela Kwethu NgoBukumkani
    Ubulungiseleli Bethu BoBukumkani—1994
  • Ukufikelela Abaninzi Kangangoko Kunokwenzeka
    Ubulungiseleli Bethu BoBukumkani—2005
Khangela Okunye
Ubulungiseleli Bethu BoBukumkani—2009
km 2/09 iphe. 2

“Yenza Zonke Izinto Ngenxa Yeendaba Ezilungileyo”

1. Yintoni akulungeleyo ukuyenzela abanye abantu umvakalisi woBukumkani, yaye ngoba?

1 Umpostile uPawulos wavakalelwa ukuba wayenyanzelekile ukuba avakalise iindaba ezilungileyo kwabanye. (1 Kor. 9:16, 19, 23) Ngokufanayo, inkxalabo esinayo ngabanye isishukumisela ekubeni senze konke okusemandleni ethu ukuba sizishumayele kwabanye abantu iindaba ezilungileyo.

2. Xa sishumayela, luluphi uhlengahlengiso esikulungeleyo ukulwenza, yaye ngoba?

2 Shumayela Apho Abantu Bafumaneka Khona Nangexesha Abafumaneka Ngalo: Umlobi onobuchule akawuphosi umnatha kwindawo nangexesha afuna angalo kunoko uwuphosa ngexesha nakwindawo ezifumaneka kuyo iintlanzi. Nathi ‘njengabalobi babantu’ kusenokufuneka sihlengahlengise iimeko zethu ukuze sikwazi ukubafumana abantu abakwintsimini yethu size silivuyele ilungelo esinalo ‘lokuhlanganisa lonke uhlobo lweentlanzi.’ (Mat. 4:19; 13:47) Ngaba singakwazi ukusebenzisa amarhatya ukuze sityelele abantu kumakhaya abo okanye sivuke ngenj’ ixukuxa ukuze sinikele ubungqina esitratweni? UPawulos wayenosukelo ‘lokunikela ubungqina obucokisekileyo’ yaye wawaxhakamfula amathuba okwenjenjalo.—IZe. 17:17; 20:20, 24.

3, 4. Xa sisentsimini, ziziphi iindlela esinokwenza intshumayelo yethu ifanele iimeko, yaye unokuba yintoni umphumo?

3 Yenza Intshumayelo Yakho Ilungele Imeko: Abalobi baye batshintshe indlela abaloba ngayo ukuze bakwazi ukufumana uhlobo oluthile lwentlanzi. Sinokukwazi njani ukunikela isigidimi seendaba ezilungileyo zoBukumkani ngendlela enomtsalane kubantu abakwintsimi yethu? Simele sibe nolwazelelo xa sitshayelela umbandela oxhalabisa uninzi lwabantu size siphulaphule ngenyameko xa bechaza iimvakalelo zabo ngalo mba. (Yak. 1:19) Sinokubabuza uluvo lwabo ukuze sifumane oko kusezintliziyweni zabo. (IMize. 20:5) Ngale ndlela sinokukwazi ukwenza intshumayelo yethu yeendaba ezilungileyo ichukumise ubomi babo. UPawulos waba “zizinto zonke kubantu bazo zonke iintlobo.” (1 Kor. 9:22) Ukuba bhetyebhetye kuyanceda xa sifuna ukufikelela iintliziyo zabantu.

4 Olunjani lona uvuyo esiba nalo xa sishumayela “iindaba ezilungileyo zento elunge ngakumbi” ebantwini! (Isa. 52:7) Ngamana ‘singenza zonke izinto ngenxa yeendaba ezilungileyo’ ukuze sifikelele kubantu abaninzi kangangoko.—1 Kor. 9:23.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share