Sebenzisa I-jw.org Xa Ushumayela

IWebhsayithi yethu iluncedo ekusasazeni iindaba ezilungileyo “nakwezona nxalenye zikude zomhlaba.” (IZe. 1:8) Abaninimzi abaninzi abaveli bazingenele kwi-jw.org. Kunoko, bangena kuyo emva kokuboniswa ngumvakalisi. Sekunjalo, ngaphambi kokuba usebenzise ifowuni entsimini, cinga ngokhuseleko lokwenza oko. Lumka kwiindawo ezinolwaphulo-mthetho oluninzi. Ukuba awunayo ifowuni, unokucela kakuhle kumninimzi ukuba umbonise i-jw.org kweyakhe.

Omnye umveleli ohambahambayo uye wadawunlowuda ividiyo ethi, Kutheni Ufanele Ufunde IBhayibhile? kwifowuni yakhe, ibe ubonisa abantu nanini na ithuba livela. Ngokomzekelo, xa ekwindlu ngendlu, uye athi: “Ndityelele abantu ukuze ndibancede bafumane iimpendulo zale mibuzo mithathu ibalulekileyo: Kutheni ihlabathi lizaliswe ziingxaki? UThixo uza kuzilungisa njani? Sinokumelana njani nazo okwangoku? Le vidiyo imfutshane iyayiphendula le mibuzo.” Uyayidlala aze ajonge indlela aza kusabela ngayo. Le vidiyo ibangel’ umdla kakhulu kangangokuba abantu abaninzi abayeki ukuyibukela de iphele. Emva koko lo mveleli uye athi: “Uvile ukuba ungacela isifundo seBhayibhile kwi-intanethi. Kuba sele ndilapha, ndingakubonisa indlela esiqhutywa ngayo.” Ukuba umninimzi uyavuma, umbonisa indlela yokuqhuba isifundo esebenzisa incwadana ethi, Iindaba Ezilungileyo. Ukuba umninimzi akanaxesha, wenza amalungiselelo okumbonisa xa ephinda ebuya. Xa esevenkileni, uye athethe okufanayo kumntu okufuphi naye emva kokuqalisa incoko. Ngaba wena uyayisebenzisa i-jw.org xa ushumayela?