UYesu “Wafunda Ukuthobela”

UYesu ebesoloko emthobela uYehova. (Yoh. 8:29) Kutheni ke iBhayibhile isithi “wafunda ukuthobela kwizinto ezibuhlungu ezamehlelayo”?​—Heb. 5:8.

Xa uYesu wayelapha emhlabeni waphila phantsi kweemeko ezazingekho ezulwini. Wakhuliswa ngabazali ababemthanda uYehova kodwa ababenesono. (Luka 2:51) Wanyamezela ukuphathwa kabuhlungu ngabafundisi bamaYuda ababesenza izinto ezimbi nangamagosa karhulumente. (Mat. 26:59; Marko 15:15) Ngapha koko, “wazithoba wade wafa,” esifa kabuhlungu.​—Fil. 2:8.

Ezi zinto zamehlelayo, zamfundisa ukuthobela ngendlela angazange wafunda ngayo xa wayesezulwini. Ngoko wayenokuba nguKumkani noMbingeleli Omkhulu ofanelekileyo onokuvelana nathi. (Heb. 4:15; 5:9) UYehova wamxabisa kakhulu uYesu emva kokuba efunde ukuthobela kwizinto ezibuhlungu ezamehlelayo. Nathi uYehova angasixabisa kakhulu, aze asisebenzise nangayiphi na indlela, ukuba sihlala sithobela naxa kunzima.​—Yak. 1:4.