Umsebenzi WamaNgqina KaYehova Kula Maxesha

INorway

Khawube nomfanekiso-ngqondweni wakho ushumayela iindaba ezilungileyo kwilizwe elinamachweba, iintaba, umkhenkce, ikhephu neenyamakazi—ilizwe apho izibane zendalo ezibengezelayo zikhanyisa isibhakabhaka ebusika. Elo lizwe ke yiNorway. Funda ngabazalwana bethu ababehamba ngezikhephe nasemkhenkceni ukuze bafikelele kubantu abahlala kwiindawo ezisemaphandleni nangomzalwana owayesiya kwiintlanganiso enganxibanga zihlangu. Funda nangendlela amaKristu abonisa ukholo nenkalipho ngayo phantsi kwedyokhwe yamaNazi.

IRwanda

Uthando lokuzincama awathi uYesu lwaluya kuphawula abafundi bakhe lubonakala kwimbali yeli lizwe laseAfrika. Nakubeni eli lizwe lalizaliswe yintiyo yobuhlanga ebangela ukubulawa kwabantu okumanyumnyezi, abantu bakaYehova babeka ubomi babo esichengeni yaye maxa wambi bada bafa ngenxa yokukhusela abazalwana babo. Eli libali elingalibalekiyo lokunyamezela intshutshiso nokuvalwa komsebenzi nengxelo yokugcina ingqibelelo phezu kwabo nje ubunzima, iimvavanyo noloyiko.