UYesu Uza Kubasusa Abantu Abophula Umthetho

UYesu uyazi kakuhle indlela ekubuhlungu ngayo ukwehlelwa zizinto ezimbi ngenxa yabantu abophula umthetho nabangalunganga. Watyholwa, wabethwa ngaphandle kwesizathu, waxoxiswa ityala elingekhoyo, wanikwa isigwebo esingamfanelanga, waza wabulawa kabuhlungu. Nangona wayengenatyala, wazincama waza wanikela “ngobomi bakhe ukuze kuhlawulelwe abaninzi.” (Mateyu 20:28; Yohane 15:13) Ngoku, njengokuba enguKumkani woBukumkani bukaThixo, uza kwenza kubekho ubulungisa emhlabeni wonke ngokususa bonke abantu abophula umthetho ngonaphakade.—Isaya 42:3.

IBhayibhile iyachaza ukuba kuza kuba njani emva kokuba uYesu elungise umhlaba:

• “Sekusele ithutyana, bangabikho abenzi-bubi; xa ujonga apho bebekho, baza kube bengasekho. Kodwa umhlaba uza kuba ngowabalulamileyo, ibe baza kuphila kamnandi kukho uxolo oluninzi.”—INdumiso 37:10, 11.

Singabonisa njani ukuba siyayixabisa into esayenzelwa nguYesu, naleyo aza kusenzela yona? Enye indlela onokuyenza ngayo loo nto kukufunda “iindaba ezilungileyo ezingoBukumkani bukaThixo” awayeshumayela ngazo. (Luka 4:43) Funda inqaku elithi “Yintoni UBukumkani BukaThixo?”