Ovilela

Nlakihero: ‘Awo yaanihudhiha ni olaleya voohihiyerera ihapari dhooreera.’—Miteko 5:42.

Etthu Aapanke iye Paaulu

Nrummwa Paaulu alaleeryaka ihapari dhooreera ekhurupu ya atthu eri eskola ya Tiraanu.

EVIIDIYU: Paaulu Onnivilela wEefeso

1. Moone EVIIDIYU, aahiidho nsome Miteko 19:8-10. Nuuvinya mwaakhule makoho anttharelana:

Nindhuwela dhai wiira Paaulu aahivilela vaavo aalaleerya iye ihapari dhooreera?
Ivaara vakavi Paaulu aatthikela iye waasekurya atthu yoonihera odhiveliwa? Ndho okathi mikavi aavirinhe iye apakaka elo?

Etthu Ninhudha nhu ni Ntakihero na Paaulu

2. Nihaana oleva okathi ni ikuru dhihu wiira niwerye otthikela waasekurya atthu ni opaceriha dhoosoma dha Biibiliya.

Muntakihe Paaulu

3. Mwiilipihere onsekurya ntthu ewoora onoona iye oreerela. Mwiikohe wiira: ‘Liini ni opuro seeni kinreerelaka onsekurya? Nihiku seeni owo aaya iye okhalana okathi wooreerela wiira nivaanele?’ Noomala odhuwela, nkhale olikaneene wiira munsekurye ntthu owo, hata ekhalaka ewoora ehinoodhivelani.

4. Mwiiwanane ni ntthu nikihu mun’ya nnyu otthikela onsekurya. Noomala ovaanela ni ntthu mwaha mmodha, nhinatthi onlaiha mwiiwanane nuuwo nihiku ni ewoora mun’ya nnyu otthikela ovaanelana. Noomala opaka elo, mpake itthu dhootheene munwerya nnyu wiira mwaakhwanihere ele mwiiwananne nnyu nuuwo.

5. Nhihiye okhalana nlipelelo. Nhupuwele wiira ntthu khanoonihera odhiveliwa okhala wiira mwarowaka owanye khannimphwanya vaate aahiidho onnaatteliwa miteko. (1 aKor. 13:4, 7) Nhihiye ovilela, masi okathi omodharu ndhuwele ophimelela itthu wiira nwerye orumeela saana okathi nnyu.—1 aKor. 9:26.

NITHO MMOONE

Miteko 10:42; 1 aKor. 9:22, 23; 2 aKor. 4:1; aGa. 6:9