Opisa Nrima

Etthu Aapanke iye Yeesu

EVIIDIYU: Yeesu Onninkhalihera Nhima-ye Moopisa Nrima

1. Moone EVIIDIYU, aahiidho munsome Yohani 7:3-5 ni 1 aKorinto 15:3, 4, 7. Nuuvinya mwaakhule makoho anttharelana:

1. Woopacerani ahima a Yeesu yoonenle dhai nhupi aalaleya iye?

2. Eseeni enoonihera wiira Yeesu khannyanyanle nhima-ye Yakobo?

Etthu Ninhudha nhu ni Ntakihero na Yeesu

2. Nihaana okhala oopisa nrima okhala wiira atthu akina pooti oviriha okathi wawaatta wiira yaakhulele ihapari dhooreera waaxira akina.

Muntakihe Yeesu

3. Nrumeele inamuna dhoovirikana. Akhala wiira ntthu khanaakhulela osomihiwa Biibiliya woopacerani, nhinkhanyerere. Masi akhala wiira onnireerela, nrumeele iviidiyu aahiidho miyaha dhikhanle onkhalihera owo odhuwela moopora enipakiwa awa yoosoma ya Biibiliya ni moopora yoosoma elo en’ya awa onkhalihera mweekumini-mwe.

4. Nxake waalikanyiha atthu. Okhalawene atthu toovirikana. Tivondho akhala wiira mmudhi nnyu aahiidho ntthu nkina nninsekurya nnyu khanaakhulela yoosoma ya Biibiliya aahiidho yoohudhiha emodha ya mBiibiliyani, mwaadhye odhuwela nthowa nimmwiiriha okhootta. Niire etthu entepa ondhivela yeene yoohudhiha ya etiini-ye? Niire yeene onkhanyereriwa ni amudhi aahiidho atthu aattamanneiyena? Munvahe okathi wiira uupuwelele etthu mmuleenle nnyu ni otthuneya-wa odhuwela ele Biibiliya onhudhiha iye.

5. Munvekelele ntthu oonihenre odhiveliwa. Munvekele Yehova wiira ookhalihereni ohihiya okhalana moonelo wooloka ni woonihera nttittimiho. Nitho munvekele Yehova wiira ookhalihereni odhuwela okathi wooreerela ohiya onsekurya ntthu oonihenre odhiveliwa vakhaani.—1 aKor. 9:26.