Mwiirihe Muloko Okhala Wawiiraana

Vaavo ninkhala nhu vamodha ni anna ni arokora, ninnoona nkhama Mwene Davidi yoowo olontte wiira: “Mòne: Ti yorera ni ti yosivela tthiri wiira amusi ekhaleke vamosá!” (Esalimo 133:1) Wiiraana wihu khonkhumelela meekhaya. Masi khuta ntthu mmulokoni ohaana opaka etthu wiira iirihe muloko okhala wawiiraana

1. Eseeni enooneya eriyari ya atthu a Yehova?

Akhala wiira nnoorowa woona nthukumano wa mmulokoni elapo ekina, hata nhidhuwelaka saana elottelo ya elapo elo, mun’ya woona nkhama nri owaani. Mwaha wa seeni? Okhala wiira Biibiliya nininsoma nhu mmodharu ni ninrumeela iliivuru imodharu olumwinku wootheene. Nitho ninniilipihera wooniherana ophetana nkina ni nkhwe. Moohixikha elapo nhu, ootheene nhu ‘ninnilaleya ndhina na Yehova ni ninnikokhorela ni nrima mmodharu aahiidho mwa wiiraana.’—Sofoniya 3:9.

2. Eseeni munreerela nnyu opaka wiira nkhumihere wiiraaana?

‘Mphetane vawaatta ni nrima wootheene.’ (1 Pedru 1:22) Mun’ya owerya dhai opaka elo? Muhilipele dhoovonya dha atthu akina, masi moone mikhalelo-dha dhooreera. Ohiya-vo, muhaataane pahi ni atthu munlikanannyuna makhalelo, masi mwiimananihe waadhuwela anna ni arokora oovirikana. Nitho nihaana wiilipihera ophola ntataari na nthalu nirinhuna.—Munsome 1 Pedru 2:17.aMoone enoota

3. Eseeni nkhalennyu opaka akhala wiira khanniiwanana ni munna mmodha aahiidho nrokora?

Hiyo na atthu awiiraana, masi hata eri dhiidho na atthu ohimalela. Ndho, ivaara dhikina pooti onyoonyihana nkina ni nkhwe. Tivondho, Biibiliya onlotta iye wiira ‘nilevelelane nkina ni nkhwe’. Nitho owo onnaacerera airaka: ‘Nkhama dhiidhale Yehova olevelenle iye, ni nyuwo-tho mpake etthu emodharu.’ (Munsome aKolosi 3:13.) Hiyo khaninwerya okontari ivaara ninintthekela nhu Yehova. Masi hata eri dhiidho, owo onninilevelela. Tivondho, Yehova ontthuna wiira naalevelele annihu. Ndho akhala wiira nnoona wiiira montthekela ntthu, nkhale oopacera aahiidho nraaci opaka nrettele.—Munsome Matheyo 5:23, 24.Moone enootab

NHUDHE ITTHU DHIKINA

4. Nhikhalena nthalu

Hiyo nintthuna waapheta anna ootheene. Masi pooti onixankiha ompheta munna aahiidho nrokora akhala wiira ookhalana makhalelo oovirikana ni makhalelo nhu. Ndho eseeni en’ya onikhalihera? Nsome Miteko 10:34, 35, nuuvinya mwaakhule makoho anttharelana:

• Yehova khaana nthalu, ndho owo onnimwaakhulela khuta ntthu ontthuna onkokhorela. Mun’ya ontakiha dhai Yehova moopora nniwoonela nnyu atthu akina arina makhalelo oovirikana ni nyuwo?

• Enamuna seeni ya nthalu yunlanne opuro munkhala nnyu? Ndho eseeni munreerela nnyu oxaka?

Munsome 2 aKorinto 6:11-13, nuuvinya mwaakhule nikoho ninttharelana:

• Mun’ya owerya dhai waataana ni anna ni arokora arina makhalelo oovirikana ni nyuwo?

5. Nlevelele ni nrima wootheene ni mpake nrettele

Hiyo khaninkhala-khala ninlevelelaka Yehova okhala wiira owo khananitthekele. Masi hata nintthekelaka, owo onninilevelela. Nsome Esalimo 86:5, nuuvinya mwaakhule makoho anttharelana:

• Yehova onlevelela ivaara vakavi?

• Seeni nyuwo munxukhurela nnyu olevelela wa Yehova?

• Hiyo nintthuna okhalihana saana ni atthu ootheene. Eseeni yaaya wooceliha wiireya elo?

Nin’ya ontakiha dhai Yehova nihihiyaka okhala awiiraana vamodha ni anna ni arokora? Munsome Miruku 19:11, nuuvinya mwaakhule nikoho ninttharelana:

• Akhala wiira ookhala ntthu onyoonyinheni aahiidho olodhowenleni. Eseeni mun’ya nnyu opaka wiira mmalihe nxankiho owo?

Ivaara dhikina pooti waalodhowela atthu akina. Ndho, akhala wiira elo enawiiraneya, eseeni ninreerela nhu opaka? Moone EVIIDIYU, nuuvinya mwaakhule nikoho ninnttharelana.

EVIIDIYU: Yehova Onninreeliha Ole Ompaka Nrettele (6:01)

• Nkhama moonne nnyu eviidiyu, nrokora ole opanke dhai nrettele?

6. Moone mikhalelo dhooreera dha anna ni arokora

Vaavo ninaadhuwela nhu saana anna ni arokora ninnoowerya odhuwela mikhalelo-dha dhooreera ni itthu dhinaaxankiha. Nin’ya owerya dhai woona mikhalelo dhooreera dha anna ni arokora? Moone EVIIDIYU, nuuvinya mwaakhule nikoho ninttharelana.

EVIIDIYU: Moone Mikhalelo Dhooreera dha Anna ni Arokora! (5:10)

• Eseeni en’ya wookhaliherani woona mikhalelo dhooreera dha anna ni arokora?

Yehova onnoona mikhalelo dhihu dhooreera. Munsome 2 Wahala 16:9a, nuuvinya mwaakhule nikoho ninttharelana:

• Nyuwo nnoonela dhai odhuwela wiira Yehova onnoona mikhalelo dhihu dhooreera?

WUULUULA

Nyuwo nnoowerya okhalihera muloko okhala wawiiraana nkhalaka ntthu oolevelela ni mooniheraka waapheta anna ni arokora ootheene.

Ipontu dhuulupale

• Mun’ya owerya dhai oxaka okhalana anthalu?

• Eseeni mun’ya nnyu opaka akhala wiira onookhumelela ohiiwanana ni munna aahiidho nrokora?

• Seeni muntthuna nnyu ontakiha Yehova mwaalevelelaka atthu akinaku?

NTHOKODHE ITTHU DHIKINA

Moone moopora nlikanyiho na Yesu ninnikhalihera awa ohaaphukela atthu akina.

Nveihemo Nttaikho Mmaithoni Mwinyu 6:56

Niire nihaana onveka nswammaha hata noonaka wiira khanitthenke?

“Onveka Nswammaha Onikhalihera Opaka Nrettele” (A Sentinela, 1.º de Novembro de 2002)

Moone moopora atthu akina axinra awa nthalu ni ahundha awa wathokorerya saana atthu akina.

Nhaphukele Atthu Akina Nttharaka Itthu Dhinooneya 5:06

Moone moopora nkhale nnyu ophuka nxankiho ni munna aahiidho nrokora ohinatthi nxankiho owo ohonona nrettele mmulokoni.

“Mphuke Mixankiho Moopheta” (A Sentinela, Maio de 2016)