გინაჯინალ კოშკიშ ონლაინ ბიბლიოთეკა
გინაჯინალ კოშკი
ონლაინ ბიბლიოთეკა
მარგალური
ჸჷ
  • ჸჷ
  • ბიბლია
  • პუბლიკაციეფ
  • შეხვალამეფ
  • w25 ივანობა გვ. 14-19
  • მოკრძალებურო აღიარით, ნამდა ირფელ ვაიჩქუნა

ვიდეო ვა რე ხეშა მალაფარი.

ვიდეოშ ჩართებაშ დროს მოხვად პრობლემაქ.

  • მოკრძალებურო აღიარით, ნამდა ირფელ ვაიჩქუნა
  • გინაჯინალ კოშკი აცხადენს ღორონთ იეჰოვაშ სამეფოშენ (ოგურაფალ) – 2025
  • ქვესათაურეფ
  • თეცალ მასალა
  • ᲕᲐ ᲛᲘᲩᲥᲣᲜᲐ, ᲛᲣᲟᲐᲛ ᲓᲝᲓᲘᲠᲗᲣ ᲗᲔ ᲥᲘᲐᲜᲐᲨ ᲑᲝᲚᲝ
  • ᲕᲐ ᲛᲘᲩᲥᲣᲜᲐ, ᲘᲔᲰᲝᲕᲐ ᲛᲣᲡ ᲛᲣᲭᲝ ᲒᲐᲙᲔᲗᲔᲜᲡ
  • ᲕᲐ ᲛᲘᲩᲥᲣᲜᲐ, ᲛᲣ ᲛᲝᲮᲕᲐᲓᲣ ᲭᲣᲛᲐᲜ
  • ᲑᲝᲚᲝᲨᲐ ᲕᲔᲜᲕᲐᲜᲭᲣᲗ, ᲛᲣᲡᲮᲘᲗ ᲯᲒᲘᲠᲝ ᲛᲘᲩᲘᲜᲔᲜᲐ ᲘᲔᲰᲝᲕᲐ
  • გადაწყვეტილებეფ, ნამუთ იეჰოვაშა მენდებას ოძირანს
    ჩქინ ქრისტიანულ ცხოვრება დო მსახურება — ომეცადინებელ ფურცელი — 2023
  • დღას ვაგგოჭყორდან, ნამდა იეჰოვა „ცოცხალ ღორონთ“ რე
    გინაჯინალ კოშკი აცხადენს ღორონთ იეჰოვაშ სამეფოშენ (ოგურაფალ) — 2024
  • მუჭო გასამართლენს იეჰოვა ადამიანეფს „დიდ გაჭირებას“?
    გინაჯინალ კოშკი აცხადენს ღორონთ იეჰოვაშ სამეფოშენ (ოგურაფალ) — 2024
  • მუშ გურაფა შემლებუნა ღორონთიშ ართგურ ქომოლკათაშ ბოლო სიტყვეფშე?
    გინაჯინალ კოშკი აცხადენს ღორონთ იეჰოვაშ სამეფოშენ (ოგურაფალ) — 2024
ქოძირით უმოს
გინაჯინალ კოშკი აცხადენს ღორონთ იეჰოვაშ სამეფოშენ (ოგურაფალ) – 2025
w25 ივანობა გვ. 14-19

ᲝᲒᲣᲠᲐᲤᲐᲚ ᲡᲢᲐᲢᲘᲐ 26

ᲝᲑᲘᲠᲔᲨ 123 ართგურო მივაჸუნათ ღორონთიშ მართველობას

მოკრძალებურო აღიარით, ნამდა ირფელ ვაიჩქუნა

„მითინს ვენანჭინე ირფელიშშემალებეშ შარეფშა“ (ᲘᲝᲑ. 37:23).

ᲛᲘᲖᲐᲜ

ქიგებგენთ, მუჭო მიმეხვარებუნა მოკრძალება, ვა ვოდინუათ სწორ განწყობა, მუჟამსით ირფელ ვა მიჩქუნა მომავალიშ გურშენ, მთელ ყურადღება თიშა გეგნიბღათ, მუთ მიჩქუნა დო მივენდათ იეჰოვას.

1. მუჭო ვაფუთ იეჰოვას გოჭყაფილ დო მუშენ?

ᲘᲔᲰᲝᲕᲐᲡ სასწაულო ვაფუთ გოჭყაფილ. თიქ მუჩეს ფიქრიშ, ახალ მუდგარენეფიშ გურაფაშ დო ნაგურეფუშ პრაქტიკულო გიმორნაფაშ უნარ. მუშენ გუმოჭყეს ღორონთიქ თეშნერო? მუშენდა ოკო, მუშ გურშენ რჩქინა მიბღათ დო გააზრებულო ვემსახურათ (იგავ. 2:1–5; რომ. 12:1).

2. ა) მუ ოკო მარჩქილედან? (იობ. 37:23, 24; ქოძირით სურათ). ბ) მუშენ რე ჯგირ, მუჟამსით მარჩქილენა, ნამდა ირფელ ვა მარჩქვენუნა?

2 მართალ რე, ბრელ მუდგარენიშ გურაფა შემლებუნა, მარა ოკო მარჩქილედან, ნამდა გვალო ირფელ ვა მარჩქვენუნა (წეკითხით იობიშ 37:23, 24). დეფიფქრათ იობიშ მაგალითშე. იეჰოვაქ თის ართმაჟიაშ მეჸუნელო დუსვჷ კითხვეფ, სოვრეშეთ ქიძირ, ნამდა იობის ბრელ მუდგარენ ვა უჩქუდ. თე შემთხვევაქ თის თანდაბლობა ქუდაგურუ დო მეხვარ აზროვნებაშ გიშასწორებას (იობ. 42:3–6). ჩქი ხოლო ქუმომღანა ჯგირობუას თიშ თანდაბლურო აღიარება, ნამდა ირფელ ვა მიჩქუნა. თეცალ მოკრძალებურეფ ქიპჸით-და, თენა ქიმმეხვარებუნა, ბოლოშა მივენდათ იეჰოვას დო ბჯერდან, ნამდა თინა გამცხადენა თის, მუდგაშ რჩქინა მართალო მოსაჭირუნა სწორ გადაწყვეტილებეფიშ მიოღებელო (იგავ. 2:6).

იობ იეჰოვას ეჩიებ, მუდროსით მუნაფა სინთანს. ელიჰუ დო იობიშ სუმ ითამ მეგობარ გოხოლუას რენა დო ორწყენა თე ირფელს.

იობცალო ჩქი ხოლო ჯგირობუას მომღანა თიშ თანდაბლურო აღიარება, ნამდა ირფელ ვა მიჩქუნა (ქოძირით აბზაც 2)


3. მუს გუვარჩიენთ თე სტატიას?

3 თე სტატიას ჩიება მაღვენუნა ნამთინე საკითხშე, მუდგაშ გურშენ ირფელ ვა მიჩქუნა დო თიშე ხოლო, მუშენ შილებე თენა მინშა სირთულე რდასჷ ჩქინო. თეწკუმა ართო, გუვარჩიენთ, მუშენ რე ჯგირ, ნამდა მუდგარენეფ ვა მიჩქუნა. თე ირფელ მიმეხვარებუნა, უმოსო ბჯერდან, ნამდა იეჰოვა, მიდგას „სრულყოფილ რჩქინა უღჷ“, ირიათო მირაგადუნა თი ირფელს, მუდგაშ რჩქინა მართალო მოსაჭირუნა (იობ. 37:16).

ᲕᲐ ᲛᲘᲩᲥᲣᲜᲐ, ᲛᲣᲟᲐᲛ ᲓᲝᲓᲘᲠᲗᲣ ᲗᲔ ᲥᲘᲐᲜᲐᲨ ᲑᲝᲚᲝ

4. მათეშ 24:36-იშ თანახმას, მუ ვა მიჩქუნა?

4 წეკითხით მათეშ 24:36. ჩქი ვა მიჩქუნა, მუჟამ დოდირთუ თე ქიანაშ ბოლო. ჩქი ვარ, დედამიწას ცხოვრენდუნ თიმწკუმა, დიო იესოს ვა უჩქუდ „თი დღა დო საათ“.a შხვა დროს თიქ მოციქულეფს უწუ, ნამდა იეჰოვა, დროშ დიდებულ გამგებელ, გინოჭყვიდუნს, მუქ მუჟამ მოხვადას; თე ამბე „ზეციერ მუმაშ ხეს რე“ (საქ. 1:6, 7). თის მერჩქინელ აფჷ თე ქიანაშ განადგურებაშ დრო, მარა ჩქი ვეშემლებუნა ქიგებგათ, ზუსტას მუჟამ მოხვადუ თენა.

5. მუჭო შილებე ჩქინდა იმოქმედას თიქ, ნამდა ვა მიჩქუნა, მუჟამ დოდირთუ თე ქიანაშ ბოლო?

5 იესოშ სიტყვეფიშ თანახმას, ვა მიჩქუნა, მუზმა ხანს მაჸინა ოჯინე თე ქიანაშ ბოლოშახ. ათეშენ შილებე მოთვინებაქ გამჭირდან ვარდა ჯინაქ გურ გომტახან, განსაკუთრებულო თიმწკუმა, იეჰოვაშ დღას ბრელ ხან ქორე უჯინეთ-და. გურ შილებე ოჯახიშ წევრეფშე ვარდა შხვეფშე გეძიცაქ ხოლო გომტახან (2 პეტ. 3:3, 4). ათეშენ შილებე იფიფქრათ, ნამდა ზუსტ დღა ქუმორჩქინანინ, უმოს ადვილ მათვინებელ მაჸიდეს დო გეძიცას ხოლო უჯგუშო ქუგურზუდით.

6. მუშენ რე ჯგირ, ნამდა ვა მიჩქუნა, მუჟამ დოდირთუ თე ქიანაშ ბოლო?

6 იეჰოვაქ თე ქიანაშ ბოლო ზუსტას მუჟამ იჸინ თენა ვა მიწუესინ თეთ, საშვალება ქომუჩეს, დუვამტკიცათ, ნამდა თის ჸოროფათ ვომსახურუთ დო ბოლოშა ვონდუთ. ჩქი მარადიულო მილამუნა იეჰოვაშ მსახურება დო ვართ ხოლო კონკრეტულ თარიღშახ. თიშ მანგიორო, ნამდა ირო თიშე იფიფქრათ, მუჟამ დოდირთუ „იეჰოვაშ დღა“, უჯგუშ იჸუაფ, თიშე იფიფქრათ, მუ ჯგირ შედეგეფ მაჸუნუ თე დღას. თენა მიმეხვარებუნა, უმოს ართგურო გუვაგრძელათ იეჰოვაშ მსახურება დო ირფელ გუვაკეთათ თიშ გურიშ გახარებელო (2 პეტ. 3:11, 12).

7. მუ მიჩქუნა?

7 უჯგუშ იჸუაფ, ყურადღება თიშა გეგნიბღათ, მუთ მიჩქუნა. მაგალთო, ზუსტას მიჩქუნა, ნამდა 1914 წანაშე ბოლო დღალეფქ ქიდიჭყჷ, მუდგაშა თი წინასწარმეტყველებეფ მარწმუნენა, ნამუთ იეჰოვაქ ბიბლიას ინაჭარაფუ. თეწკუმა ართო, თე წინასწარმეტყველებეფ კილ-კილშა ეჭარუნს თი მოვლენეფს, ნამდგაქ თე წანაშე მოჸუნაფილ ოკო მოხვადუკო. თე ირფელიშ შესრულებას ვორწყეთინ თენა მარწმუნენა, ნამდა „ხოლოს რე იეჰოვაშ დიდ დღა“ (სოფ. 1:14). ხოლო ართ, მუთ ზუსტას მიჩქუნა, თინა რე, ნამდა იეჰოვას ოკო, მუთ შილებე მეტ ადამიანს ქუგვოგებაფუათ „სახიოლო ამბე სამეფოშ გურშენ“ (მათ. 24:14). თე საქმე სოდგარენ 240 ქიანას 1 000-შე უმოს ნინაშა მეურს. სინამდვილეს მუთუნშო ვა მოსაჭირუნა „დღა დო საათიშ“ რჩქინა, ნამდა მთელ მონდომათ იფქადაგათ.

ᲕᲐ ᲛᲘᲩᲥᲣᲜᲐ, ᲘᲔᲰᲝᲕᲐ ᲛᲣᲡ ᲛᲣᲭᲝ ᲒᲐᲙᲔᲗᲔᲜᲡ

8. მუ იგულისხმებ ეკლესიასტეშ 11:5-ის მოშინაფილ „ღორონთიშ საქმეეფს“?

8 მუჭოთ ბიბლიაშე ბგებულენთ, ჩქი ირო ვა მიჩქუნა „ღორონთიშ საქმეეფ“ (წეკითხით ეკლესიასტეშ 11:5). სიტყვეფს „ღორონთიშ საქმეეფ“ იგულისხმებ ირფელ, მუდგას იეჰოვა ორთჷ ვარდა მუდგას უშვენს მუშ ნებაშ შეიოსრულებერო. ჩქი ზუსტას ვა მიჩქუნა, მუშენ უშვენს იეჰოვა მუდგარენეფს ვარდა კონკრეტულო მუს გაკეთენს ჩქინ მახვარებელო (ფსალმ. 37:5). ღორონთიშ საქმეეფს ვენვანჭუთ, ზუსტას თეშ, მუჭოთ ვენვანჭუთ, მუჭო ხვადუ დიდაშ ქვარას ბაღანაშ ჩამოყალიბება, მუთ დიო ბოლოშა მეცნიერეფს ხოლო ვა აფუნა გაგებულ.

9. მუ სირთულეეფს შილებე შეფხვადათ თიშ გურშენ, ნამდა ვა მიჩქუნა, მუს გაკეთენს იეჰოვა ჩქინ მახვარებელო?

9 იეჰოვა ზუსტას მუჭო მიმეხვარებუნან თენა ვა მიჩქუნან თექ, მუჭო შილებე მეცილან ნამთინე გადაწყვეტილებაშ მეღებას? შილებე გამჭირდან მსხვერპლშა ულაქ, ნამდა უმოს გუვაკეთათ მსახურებას, მაგალთო, ცხოვრებაშ გამარტივებაქ ვარდა თექ გინულაქ, სოდეთ მაქადაგებელეფიშ უმოს საჭიროება რე. თეს გეძინელ, შილებე იფიფქრათ, ნამდა იეჰოვაშ მოწონა ვა მიღუნა დო თინა ვა მოხვარუნა, მუშენდა ვემმაჭირინუეს მუდგაინ თეოკრატიულ მიზანშა, მსახურებას ბრელს ფხანდენთ, მარა ვა ვორწყეთ მუთუნ განსაკუთრებულ შედეგეფს ვარდა ორგანიზაციაშ მუდგარენ საქმეს ბმონაწილენთ დო სერიოზულ სირთულეს ქეშეფხვადით.

10. მუშენ რე ჯგირ თინა, ნამდა ვა მიჩქუნა, მუს გაკეთენს იეჰოვა ჩქინ მახვარებელო?

10 ვა მიჩქუნა იეჰოვა მუჭო მიქციებუნ თენა, სინამდვილეს მოხვარუნა თიცალ ჯგირ თვისებეფიშ გავითარებას, მუნერით რე თანდაბლობა დო მოკრძალება. თე დროს ფხვადუთ, ნამდა იეჰოვაშ აზროვნება დო თიშ შარეფ ბრელით უმოს მაღალ რე ჩქინშე (ეს. 55:8, 9). თეწკუმა ართო, ბგურაფლენთ, უმოსო ქიმვენდათ იეჰოვას დო ბჯერდან, ნამდა თინა არძაშ უჯგუშო მიდეჸუნანს საქმეს. ათეშენ, მუჟამსით მსახურებას ვარდა შხვა თეოკრატიულ საქმეეფს ჯგირ შედეგეფს მივოჭირინუანთ, დიდებას იეჰოვას უძღვინენთ, მუშენდა მარჩქილენა, ნამდა თის ოკუთვნ თენა (ფსალმ. 127:1; 1 კორ. 3:7). ირფელქ ფიფქრენდითინ თეშ ვეჸუ-და, ოკო ფშუდან, ნამდა იეჰოვა ირფელს ორწყე, თინა აკონტროლენს სიტუაციას დო ქიმმეხვარებუნა, ვა ვოდინუათ სიმშვიდე (ეს. 26:12). თე დროს ჩქინ წილ ოკო გუვაკეთათ დო ბჯერდან, ნამდა იეჰოვა მუშის აუცილებერო გაკეთენს. შილებე იეჰოვაქ ჯვეშო სასწაულებრივო ორთუდუნ თეშ ვა მუჩან მითითებეფ, მარა შემლებუნა ბჯერდან, ნამდა თინა აუცილებერო ქომხელმძღვანელენა (საქ. 16:6–10).

11. მუ მიჩქუნა?

11 ოკო დეფიფქრათ თიშე, მუთ მიჩქუნა. მაგალთო, მიჩქუნა, ნამდა იეჰოვა მოჸოროფე, სამართლიან დო ბრძენ ღორონთ რე. მიჩქუნა თინა ხოლო, ნამდა იეჰოვა აფასენს ირფელს, მუდგას თიშო დო და დო ჯიმალეფშო ვორთუთ. თეწკუმა ართო, თინა ირო აჯილდოვენს თინეფს, მით ართგურო ომსახურუნა თის (ებრ. 11:6).

ᲕᲐ ᲛᲘᲩᲥᲣᲜᲐ, ᲛᲣ ᲛᲝᲮᲕᲐᲓᲣ ᲭᲣᲛᲐᲜ

12. იაკობიშ 4:13, 14-იშ თანახმას, მუ ვა მიჩქუნა?

12 წეკითხით იაკობიშ 4:13, 14. მითინს ვა მიჩქუნა, ჭუმან მუ მოხვადუ. თე ქვეყნიერებას არძაშა „დრო დო შემთხვევა“ მოქმედენს (ეკლ. 9:11). ათეშენ ვა მიჩქუნა, გამართლენს დო ვარ ჩქინ გეგმეფ ვარდა შურო ქიპჸით დო ვარ ცოცხალ თიშ ბოლოშა მიმაჸუნაფალო.

13. მუჭო შილებე იმოქმედას ჩქინდა თიქ, ნამდა ვა მიჩქუნა, მომავალს მუ მოხვადუ?

13 ხშირას ვეველუთინ თეშ სიტუაცია ითირუ ვარდა მუდგაინ უბედრობა გიმოტირხუნა, მუდგაქ შილებე გუმანადგურან დო მდგომარეობაშე გეგშამიჸუნან. ვარდა ხოლო, მანგარო ველუდითინ ფერ მუდგარენქ ვა მოხვად-და, შილებე გურქ გომტირხან დო ირფელშა გემიოლან გურქ (იგავ. 13:12). თეცალ შემთხვევეფქ შილებე ირიათო თიშ ნერვიანობას ქიმმორჩქვანუან, მუ მოხვადუ ანწ. თენა ხიოლს მიდამღანა დო მეცილებუნა, მოთვინებათ გუვაგრძელათ იეჰოვაშ მსახურება.

14. მუს მოუღ ჩქინდა ნამდვილ ბედნერობა? (ქოძირით სურათეფ).

14 მუდგა სირთულეს ვა ვობრძოლუდათინ, თინეფშა გარზებათ შემლებუნა დუვამტკიცათ, ნამდა იეჰოვას ჸოროფათ ვომსახურუთ დო ვართ ხოლო ეგოისტურ მიზნეფიშ გურშენ. მუჭოთ ბიბლიაშე ბგებულენთ, იეჰოვა ვართ ირნერ სირთულეშე ფთხილანა დო ვართ წინასწარ აგეგმენს, მუ მოხვადუ ჩქინ ცხოვრებას. თის უჩქჷ, ნამდა ნამდვილ ბედნერობას მომავალს მუ მუჭო იჸუაფუნ თიშ რჩქინა ვარინ, თიშა ხელმძღვანელობაშ თხუალა დო თიშ მეჸუნა მომღანა (იერ. 10:23). თაშ ნამდა, მუჟამსით მუდგარენ გადაწყვეტილებას ბღებულენთ, ნაბეტანს ვა მნერვიანენთ, მუ მოხვადუ ჭუმან. თეშ მანგიორო, თიცალ დამოკიდებულება მიღუნა, მუნერით მოციქულ იაკობიშ სიტყვეფშე იძირე. თიქ ჭარჷ: „ოკო იჩიებუდათ, იეჰოვაშ ნებაქ ქიჸუ დო ცოცხალ ქიპჸუაფუთ-და, ათე დო ათეს გუვაკეთენთია“ (იაკ. 4:15).

კოლაჟ: 1) მუმა დო სქუა ონტებელ სუმკას ინანწყუნა. თინეფ ინოდვანა ბიბლიას დო აუცილებერ მუდგარენეფს. 2) ჭვენსჷ დო მუმა, დიდა დო ბაღანა ბრიზენტიშ თუდო გითოხენა. თინეფ ირინუანა თი ირფელს, მუთ სუმკას ინანწყუეს.

იეჰოვას ქოფთხინთ ხელმძღვანელობას დო თის ქიმვაჸუნუთ-და, თხილერ იპჸით (ქოძირით აბზაცეფ 14, 15)b


15. მუ მიჩქუნა მომავალიშ გურშენ?

15 მართალ რე, ვა მიჩქუნა, ირდღას კონკრეტულო მუ მოხვადუ, მარა მიჩქუნა, ნამდა იეჰოვა მარადიულ ცხოვრებას მოპირუნა, ნამთინეს ზეცას დო ნამთინეს – დედამიწას. მიჩქუნა, ნამდა იეჰოვა დღას ვეჩიებ ტყურას დო ვართ მუთუნს აცილებე თიშა, ნამდა სიტყვა შეასრულას (ტიტ. 1:2). ხვალე თის შეულებ „გაცხადას ბოლო დო ჯვეშ დროშე თინა, მუთ დიო ვა მოხვალამე“. იეჰოვას მუთ ულირს აფუდ რაგადებულ, ირფელქ შისრულ დო მომავალშო მუთ აფჷ რაგადებულინ, თინა ხოლო აუცილებერო შისრულებ (ეს. 46:10). თინა ხოლო ზუსტას მიჩქუნა, ნამდა იეჰოვას მანგარო უჸორთ დო თენა დღას ვეთირუ (რომ. 8:35–39). თინა გურშა გემქექუანა დო ქომუჩანა სიბრძნე დო ძალას, მუთ მოსაჭირუნა ირნერ სირთულეშ გინაღალარო. შემლებუნა ბოლოშა ბჯერდან, ნამდა იეჰოვა ქიმმეხვარებუნა დო მაკურთხენა (იერ. 17:7, 8).

ᲑᲝᲚᲝᲨᲐ ᲕᲔᲜᲕᲐᲜᲭᲣᲗ, ᲛᲣᲡᲮᲘᲗ ᲯᲒᲘᲠᲝ ᲛᲘᲩᲘᲜᲔᲜᲐ ᲘᲔᲰᲝᲕᲐ

16. მუჭოთ ფსალმუნეფიშ 139:1–6 მუხლეფს იძირე, მუ უჩქჷ იეჰოვას დო მუს ვენვანჭუთ ბოლოშა?

16 წეკითხით ფსალმუნეფიშ 139:1–6. ჩქინ გუმაჭყაფალს, იეჰოვას, ირფელ უჩქჷ ჩქინ გურშენ. თის უჩქჷ, მუს ფიფქრენთ დო მუშენ ფიფქრენთ, მუს იფჩიებუთ დო მუშენ იფჩიებუთ, მუს ვორთუთ დო მუშენ ვორთუთ. მუჭოთ მეფე დავითიქ თქუ, იეჰოვა ირო მზათ რე ჩქინ მახვარებელო დო თიშ ძალიერ კილე ირო დო ირდიხას მანჭუ ჩქინდა. სასწაულ ვა რენო, ნამდა სამყაროშ უზენაეს მმართველ, ირფელიშშემალებე დო ცა დო დიხაშ გუმაჭყაფალ ღორონთ თეცალ ყურადღებას მაქციენა?! დავით იჩიებ: „თეცალ რჩქინაშა ვენმანჭინე, თიცალ დიდებულ რე, ვეშემლებ ქინვანჭე“ (ფსალმ. 139:6).

17. მუშენ შილებე გამჭირდან თიშ დაჯერებაქ, ნამდა იეჰოვას არჩქილე ჩქინ?

17 შილებე თიცალ ოჯახის ვარდა კულტურას მიბრდით ვარდა თიცალ რელიგიას ვორდით, ნამდა ამდღა მიჭირდან, იეჰოვას უჯინათ, მუჭოთ მოჸოროფე ზეციერ მუმას, ნამუთ თიცალო რე დაინტერესებულ ჩქინით, ნამდა არძაშ უჯგუშო მიჩინენა. ვარდა შილებე ულირს თიცალ გლახა მუდგარენეფ მაფუდან ნაკეთებ, მინშა მეფე დავითცალო ბგინაფლენდათ დუდის დო ფიფქრენდათ, ნამდა იეჰოვა მანგარ შორს რე ჩქინდე დო ჩქინცალ ადამიანწკუმა დაახლოება დღას ვაკოდას იჸი (ფსალმ. 38:18, 21). ვარდა ხოლო პიროვნება, ნამუთ მთელ გურით ოცად, დოთირუას ცხოვრებაშ წეს დო ღორონთიშ ნორმეფით იცხოვრას, შილებე ფიქრენდას: „ღორონთ მართალო თაშ ქომჩინენს-და, მუშენ ითხინს ჩქიმდე თირუას დო მუშენ ვა ბღებულენს თიცალს, მუნერით ვორექ?“.

18. მუ ჯგირობუას მომღანა თიშ რჩქინა, ნამდა იეჰოვა თიშე ბრელით უჯგუშო მიჩინენა, ვინემ ჩქი იფჩინენთ ჩქინ დუდის? (ქოძირით სურათეფ).

18 ოკო მარჩქილედან, ნამდა ჩქი ხოლო ვეფჩინენთ ჩქინ დუდის თეშ, მუჭოთ იეჰოვა მიჩინენა დო ვა ვორწყეთ ჩქინ თი ჯგირ თვისებეფს, ნამდგას თინა ორწყე. მართალ რე, თინა ჩქინ შეცდომეფს ხოლო ორწყე, მარა თინა ხოლო უჩქჷ, მუშენ მოჭირუნა თენა დო მუს მეპჸუნთ თეიშახ. ათეშენ იშენით უჸორთ (რომ. 7:15). იეჰოვა ორწყე, მუნერ ჯგირ ადამიანქ შილებე იპჸუათ დო ყურადღება თეშა აფჷ გინოღალირ. თეშე დაფიქრება ქომუჩანა ძალას, ართგურო დო ხიოლით გუვაგრძელათ თიშ მსახურება.

კოლაჟ: 1) ჭვემა დღა რე. მოწყინაფილ ჯიმა სარკეშე გითიჯინე. 2) სამოთხეს თე ჯიმა მეგობრეფწკუმა ართო გვალაშა ეკურს დო გახარებულო ათვალიერენს სქვამ ბუნებას.

მომავალიშ დიდებულ იმენდით იეჰოვა რწმენას მიმანგარენა დო მოხვარუნა, ქუგურზათ ვეველუთინ ფერ სირთულეეფს (ქოძირით აბზაცეფ 18, 19)c


19. მუ მიჩქუნა ზუსტას იეჰოვაშ გურშენ?

19 ჩქი ართ წუთის ხოლო ვა მოეჭვუნა, ნამდა ღორონთ ჸოროფა რე (1 იოან. 4:8). მიჩქუნა, ნამდა მუდგას ფთხულენა, უჸორთინ თიშენ ფთხულენა დო თის ირიათო ჯგირ ოკო ჩქინო. თინა ხოლო მიჩქუნა, ნამდა იეჰოვას ოკო, მარადიულ სიცოცხლე მიბღათ. თექ ქეშმალებუესკონ თიშენ, თიქ მუშ სქუა შეწირ. რახანს იესოქ დოღურ ჩქინო, არასრულყოფილებაშ დო შეცდომეფიშ უმკუჯინუო, იშენით შემლებუნა იეჰოვაშ გურიშ გახარება (რომ. 7:24, 25). თეწკუმა ართო მიჩქუნა, ნამდა „ღორონთ ჩქინ გურეფშე დიდ რე დო თის ირფელ უჩქჷ“ (1 იოან. 3:19, 20). იეჰოვა ჩქინ გურს ორწყე დო ჯერსჷ, ნამდა ირფელს გუვაკეთენთ, მუთ თის ოკო.

20. მუ მიმეხვარებუნა, ნაბეტან ვემნერვიანათ თიშე, მუთ ვა მიჩქუნა?

20 იეჰოვა ვამფულუნა თიცალ მუთუნს, მუდგაშ რჩქინა მართალო მოსაჭირუნა. მოკრძალებას ქიგმიბრჩქინანთ დო თენა ქუმარჩქილენან-და, ნაბეტანს ვა პწუხენდათ იჸი თიშე, მუთ ვა მიჩქუნა, დო მთელ ყურადღებას თიშა გეგნიბღანთ, მუთ მართალო მნიშვნელოვან რე. თეშნერო ქუვოძირანთ, ნამდა ბოლოშა ვონდუთ იეჰოვას, მიდგას „სრულყოფილ რჩქინა უღჷ“ (იობ. 36:4). მართალ რე, ამდღა ბრელ მუდგარენს ვენვანჭუთ, მარა მივახიოლანთ თი დროს, მუჟამსით იეჰოვა მარადიულო მოგურუანდან იჸი ახალ მუდგარენეფს. მთელ გურით მოხიოლუნა თინა ხოლო, ნამდა ირიათო უჯგუშო იფჩინებაფუანდათ იჸი ჩქინ დიდებულ გუმაჭყაფალს (ეკლ. 3:11).

ᲛᲣᲭᲝ ᲣᲞᲐᲡᲣᲮᲔᲜᲗ?

  • მუშენ რე ჯგირ, ნამდა ვა მიჩქუნა, მუჟამ დოდირთუ თე ქიანაშ ბოლო?

  • ნამდვილ ბედნერობაშო მუშენ ვა მოსაჭირუნა თიშ რჩქინა, მუ მოხვადუ ჭუმან?

  • მუ ჯგირ შედეგეფ მოუღ ჩქინდა თიშ რჩქინას, ნამდა იეჰოვა არძაშ უჯგუშო მიჩინენა?

ᲝᲑᲘᲠᲔᲨ 104 ღორონთიშ ძღვინ — წმინდა შურ

a იესო უხელმძღვანელენს ომს სატანაშ ქვეყნიერებაშ წინააღმდეგ, ათეშენ ლოგიკურ რე იფიფქრათ, ნამდა თის უკვე უჩქჷ, მუჟამ დოდირთუ არმაგედონ დო მუჟამ გიორჯგინანს ნტერეფს (გამოცხ. 6:2; 19:11–16).

b ᲡᲣᲠᲐᲗᲘᲨ ᲔᲭᲐᲠᲣᲐ: მუმა დო სქუა ართო ინანწყუნა ონტებელ ჩანთას, ნამდა უცფას ონტებელქ ქაჸუანინ, მზათ ქორდან.

c ᲡᲣᲠᲐᲗᲘᲨ ᲔᲭᲐᲠᲣᲐ: ჯიმა, ნამდგას სირთულეეფ უღჷ, ფიქრენს თი ხიოლშე, ნამუთ ახალ ქვეყნიერებას ელჷ.

    მარგალურ პუბლიკაციეფ (2013-2025)
    გიშულა
    მიშულა
    • მარგალური
    • გაზიარება
    • პარამეტრეფ
    • Copyright © 2025 Watch Tower Bible and Tract Society of Pennsylvania
    • ვებგვერდიშ გიმორინაფაშ წესეფი
    • კონფიდენციალურობა
    • უსაფრთხოების პარამეტრები
    • JW.ORG
    • მიშულა
    გაზიარება