ჯუმაშხა, 29 ოქტომბერ
ვადიდენქ იეჰოვას! მთელ შურ დო გურით განვადიდენქ თიშ სახელს! (ფსალმ. 103:1).
ღორონთიშ ჸოროფა გინაჭყვიდირაფუანს მუშ მსახურეფს, განადიდან ზეციერ მუმაშ სახელ. დავითის არჩქილედ, ნამდა იეჰოვაშ სახელიშ განდიდება თიშ განდიდებას ნიშნენდჷ. მუჟამსით სახელ იეჰოვას გებგონენთ, ჩქინ გონებაშა მოურს პიროვნება, მით თე სახელიშ უკახალე გერე, თიშ ძვირფას თვისებეფ დო დიდებულ საქმეეფ. დავითშო ზეციერ მუმა წმინდა რდჷ დო ოკოდ, შურ დო გურით განადიდუკო თინა. ლევიანეფ ხოლო, მიდგას ცხოვრება იეჰოვაშ განდიდებაშა აფუდეს მეძღვინელ, თანდაბლურო აღიარენდეს, ნამდა სიტყვეფ ვა უბაღუდეს, იეჰოვაშ სახელ თეშ განადიდესკო, მუჭოთ იმსახურენდჷ (ნეემ. 9:5). დარწმუნებულ ვორეთ, თეცალ თანდაბლურო დო შურ დო გურით რაგადებულ განსადიდებელ სიტყვეფ გურს უხარენდჷ იეჰოვას. w24.02 9 ¶6
ცააშხა, 30 ოქტომბერ
კინ გუაგრძელათ გივორეთინ თი შარაშ გეჸუნა, თიშ უმკუჯინუო, მის მუშა აფჷ მეჭირნაფილ (ფილ. 3:16).
იეჰოვაშ თოლს დამარცხებულ რეთ, მუჟამსით თი მიზანშა ვემგაჭირინეს, ნამუთ თქვანო არარეალურ რდჷ (2 კორ. 8:12). იფიქრით თიშე, მუდგას უკვე მიოჭირინეთ. ბიბლია იჩიებ: „ღორონთ უსამართლო ვა რე, ნამდა გიჭყოლიდუას . . . თქვან ხანდა“ (ებრ. 6:10). ათეშენ, თქვა ხოლო ვეგიჭყოლიდუათ თინა, მუდგას მიოჭირინეთ. დეფიქრით, თქვა შეგალებეს იეჰოვაწკუმა მეგობრულ ურთიერთობაშ გავითარებაქ, თიშ გურშენ შხვეფწკუმა ჩიებაქ დო ნათუაქ. მუჭოთ ულირს შეგალებეს თქვან სულიერ მიზნეფიშ მენჭირნაფაქ, თეშ ანწ ხოლო შეგალებენა თეშ კეთება. თეშნერო, ჩქინდა ხიოლ ხვალე მიზანიშ მენჭირნაფას ვარინ, თის ხოლო მოუღ, მუჭო მოხვარნა დო მაკურთხენა იეჰოვა ონდო თე მიზანშა იმჭუაფუთ (2 კორ. 4:7). სულიერ მიზნეფიშ მიოჭირნაფალო ირფელს გაკეთენთ-და, ხოლო უმოს კურთხევეფს მიღენთ (გალ. 6:9). w23.05 31 ¶16-18
ობიშხა, 31 ოქტომბერ
მუმას უჸორთ, მუშენდა მა მიჸოროფეთ დო ირწმუნით, ნამდა ღორონთშე ვორექ მოშქუმალირ (იოან. 16:27).
იეჰოვას უჸორს გრძნობეფიშ გიმოხანტუა დო ოგინაფუანს მუშ ხალხის, ნამდა გურს უხარენა თის. ბიბლიას ჟირ შემთხვევა რე მოჩამილ, სოდეთ იეჰოვა იესოს ურაგად, ნამდა თინა რე მუშ საჸოროფო სქუა, ნამუთ მიწონუ (მათ. 3:17; 17:5). თქვა ხოლო გოკონანო, პირადო იეჰოვაშე „ქიმირჩქილუათ“, ნამდა გიწონუანა? მართალ რე, იეჰოვა ზეცაშე ვეგთქგოძახანა, მარა თიშ ხონარიშ გაგება ბიბლიაშე შეილებუნა. თეშ საშვალება მიღუნა, მუჟამსით სახარებეფს ენოჭარილ იესოშ სიტყვეფს ბკითხულენთ. იესო სრულყოფილო გიმირჩქინანდჷ მუამუშიშ თვისებეფს. ათეშენ, მუჟამსით ბკითხულენთ, მუჭო იწონუანდჷ იესო მუშ ართგურ მიმაჸუნალეფს, მით არასრულყოფილეფ რდესჷ, შემლებუნა წერმიბდგინათ, ნამდა იეჰოვა თე სიტყვეფს ჩქი მირაგადუნა (იოან. 15:9, 15). სირთულეეფ მიღუნან ენა ვა ნიშნენს, ნამდა იეჰოვაშ მოწონა მივოდინეთ. სინამდვილეს, სირთულეეფიშ დროს საშვალება მერზიებუნა, ქუვოძირუათ იეჰოვას, მუჭო მიჸორა დო ვონდუთ (იაკ. 1:12). w24.03 28 ¶10, 11