Kongolela Katende Ketu ka Undumetume—Kumlalicila Mundu Jwaciŵeceto Cine

Ligongo Cici Yili Yakusosekwa?: Yehofa akusasaka kuti ŵandu ŵa “mtundu wuliwose” yindu yajendeleje cenene mwausimu. (Mase. 10:34, 35) Ni ligongo lyakwe Yesu ŵasasile kuti utenga wambone tiwucilacikwa “pacilambo cosope capasi” soni “kwa ŵandu ŵa mitundu josope.” (Mat. 24:14) Mwakamulana ni yeleyi, Sakaliya ŵalocesye kuti ŵandu “ŵakutyocela muyiŵeceto ya mitundu josope” cacipikana utengawu. (Zek. 8:23) Yeleyi yikukamulanasoni ni yaŵayiweni Yohane, yakuti ŵandu ŵacacipuluka yisawusyo yakogoya caciŵa “ŵakutyocela ku cilambo cilicose, lukosyo lulilyose, mtundu wuliwose, soni ciŵeceto cilicose.” (Ciu. 7:9, 13, 14) M’yoyo, patukulacila naga tusimene ni mundu jwaciŵeceto cine, tukusosekwa kulingalinga kumlalicila.