Kongolela Katende Ketu ka Undumetume​—Alinjelinjeje Kumlalicila Jwalijose Mumkuli Wawo

LIGONGO LYAKWE KULI KWAKUSOSEKWA: Sekaliya jwalocesye kuti ŵandu ŵakutyocela m’yiŵeceto yosope ya ŵandu cacipikanila ngani syambone. (Zek. 8:23) Nambo ana ŵani ŵampaka ŵajiganye? (Alo. 10:13-15) Tukwete upile soni ukumu wakulalicila ngani syambone kwa mundu jwalijose mu mkuli wetu.—od 86 ¶10-11.

MWAMPAKA TUTENDELE:

• Tukoseceleje. Ana akusasimana ni ŵandu ŵakusaŵeceta ciŵeceto cakulekangana ni cawo? Mpaka akamulicisye masengo pologalamu ja JW Language app kuti alijiganye yampaka akaŵecete mwakata pakulalicila. Kapena pakamulicisya masengo foni soni tabuleti, mpaka amlosye mundu mwampaka apatile yindu yejinji m’ciŵeceto cakwe pa jw.org

• Tukoloje lung’wanu ni ŵandu. Naga akulalicila ku nyumba ni nyumba, akaliŵalila kuti akusosekwa kwalalicilasoni ŵandu ŵakupita mumsewu kapena ŵakwembeceya kwela galimoto. Naga akulalicila nawo kumalo kwakusimanikwa ŵandu ŵajinji, aŵiceje nganisyo syawo syosope pakulalicila

• Tuŵeje ŵamtawu. Tulinjejelinjeje kwalalicila wosope ŵangasimanikwa pamlango. Komboleka kwajawulilasoni ndaŵi jine lisiku lilyolyo kapena lisiku line cijuma cicoco. Mpaka ŵalalicile ŵandu ŵane kupitila mu yikalata, pafoni, kapena patukulalicila mumsewu

• Tuwujilejeko. Tuwujileje mwacitema kwa ŵandu ŵaŵalosisye lung’wanu. Naga mundujo akusaŵeceta ciŵeceto cine, alinjeje kupata mundu jwakusamanyilila cenene ciŵecetoco kuti akamkamucisye mundujo. Akusosekwa kwendelecela kumjimbila mundujo mpaka ali asimene ni jwakulalicila jwakusamanyilila ciŵeceto cakweco.—od 96 ¶39-40

ALOLELE FIDIYO JAKUTI KULALICILA MPAKA “KUMBESI KWA CILAMBO CAPASI,” KANEKO ATAGULILANE YIWUSYO YAKUYICISYAYI:

• 

  Ana abale ni alongo ŵakosecele camtuli kuti akamlalicile jwalijose mu mkuli wa kwakutalika? (1 Akoli. 9: 22, 23)

• 

  Ana ŵasosekwaga kupilila yakusawusya yamtuli?

• 

  Ana ŵapatile majali gamtuli?

• Ana mpaka atende wuli kuti ŵalalicileje ŵandu ŵajinji mu mkuli mwawo?