DILONGI 14
Phila mbi Nzambi katidi tunsambidila?
Phila kuandi tumemuena mu dilongi diviokidi, Nzambi kakikininanga ko mabundu moso. Vayi diluaku didi disambila mvangi’etu mu phila yimboti. “Tsambudulu mbi [voti dibundu mbi]” dieta kunyangidika? (Zaki 1:27, noti) Tutala diambu dio Bibila kitubidi mu diambu beni.
1. Mbi bifueti simba tsambudulu’eto?
Bibila kiawu kifueti simba tsambudulu’eto. Mu lusambulu lumosi, Yesu wukamba Nzambi ti: “Phov’aku yidi yikiedika.” (Yowani 17:17) Mabundu mawombo mamana balula kiedika kidi mu phova yi Nzambi Bibila, mu malongi ma batu ayi mu bikhulu bi batu. Vayi Yehova kayangalalanga ko ‘bo ka bazitisanga ko minsiku miandi.’ (Tanga Malako 7:9.) Mu disuasanu, thangu tuntanga Bibila ayi tulembu sadila zindongi ziandi, tueta yangidika ntim’andi.
2. Bue tufueti sambidila Yehova?
Yehova bo kadi mvangi’eto niandi kaka fueni tambula tsambudulu’eto. (Tsongolo 4:11) Yinsundula niandi kaka tufueti sambila, mu kambu sadila bima binkaka dede bitumba, zipfikula voti bidimbu.—Tanga Yesaya 42:8.
Mu diambu di Yehova “kakikinina” tsambudulu’eto, yifueti ba ‘yivedila.’ (Loma 12:1) Yinsundula, tufueti landakana minsiku miandi mu luzingu lueto. Mu kifuani thangu tuzodidi Yehova, matun’zola ayi matukinzika mbueno’andi mu mambu matadidi makuela. Tueta loza phe mambu makambulu mavedila dede nua zitsunga buba zio zingolo ayi kolo malavu.a
3. Bila mbi tufueti sambidila Yehova va kimosi ayi bakristu bankaka?
Kadika sabala, zikhutukunu zieta tuvana diluaku di ‘kembisa Yehova mu kimvuka.’ (Minkunga 111:1, 2) Tueta butudila phe thangu tukunyimbidila maluimbu mo ma kunkembisa. (Tanga Minkunga 104:33.) Yehova weta tuzola ayi katidi tuzinga mvu ka mvu. Zebi ti mo tububela, zikhutukunu mfunu zidi. Weta tulomba tukutakananga mu zikhutukunu. Mu zikhutukunu tueta kindasana.
TUVISA MBOTI MBOTI
Tutadila bi bila biobi Yehova kayangalalanga ko tusadila zipfikula mu tsambudulu’andi. Ayi tutala phila ziwadi zikembisila Nzambi.
4. Tuedi sadila ko bima bo tulembu sambila Nzambi
Bue tuzabidi ti phila beni yo yinyangidikanga ko? Tala VIDEO ayi vana mvutu mu kiuvu kiaki kilandikini.
Mu thangu thama mambu mbi masalama bo bisadi bi Nzambi bedi kansambidila mu sadila tumba?
Bankaka beta tuba ti sadila kima mu sambila Nzambi yeta luta bafikika kuidi niandi. A buabu, enati diawu dintula ti di batatula kuidi niandi? Tanga 2 Mose 20:4-6 ayi Minkunga 106:35, 36, ayi vana mimvutu mu biuvu biabi:
Thangu zinkaka bima mbi mabunndu meta sadila mu sambila Nzambi?
Yehova bue keta muena tsadulu yi bima beni?
A ngeyo bue wum’banzila?
5. Sambila kaka Yehova kueta tukula mu luvunu lu mabundu
Bue sambila kaka Yehova kulenda tukudila? Tala VIDEO.
Tanga Minkunga 91:14 ayi vana mvutu mu kiuvu kiaki:
Ti tumonisini zola kueto kuidi Yehova mu kunsambidila kaka niandi, tsila mbi katuveni?
6. Tueta baka diluaku di sambila Yehova mu zikhutukunu zi kimvuka
Mu zikhutukunu tukala ayi diluaku divana mimvutu ayi diyimbila minkunga. Buawu tueta kembisila Yehova ayi tueta kindisinina beto na beto. Tanga Minkunga 22:22 ayi vana mimvutu mu biuvu biabi:
Weta yangalala wa mimvutu mio beta vana kuidi batu bankaka mu zikhutukunu zieto?
Mawu yangalala kubika mvutu mosi mu zikhutukunu?
7. Yehova weta mona khini bo keta mona tulembu tubila mambu mo tueta longuka
Tuidi na diluaku ditubila kiedika kuidi bo bakedi yeto. Tanga Minkunga 9:1 ayi 34:1, vana mvutu mu kiuvu kiaki:
Mu mambu moso mo me longuka mu Bibila, diambu mbi mawu yangalala tubila kuidi mutu nioso?
BATU BANKAKA BETA TUBA TI: “Mabundu moso meta longa kuandi mambu mamboti.”
Bue wum’banzila?
MU BUKHUFI
Mu diambu di tsambudulu’eto yi yangidika Nzambi, niandi kaka tufueti sambila, kunkembisa mu zikhutukunu zi kimvuka ayi tubila kuidi bankaka mambu mo tueta longuka.
Phutukulu
Mu nzila mbi Nzambi kalembu tulongila phila yimboti yi kunsambidila?
Bila mbi tufueti sambila kaka Yehova?
Bila mbi tufueti kutikininanga ayi batu bankaka mu sambila Nzambi?
TALA MAMBU MANKAKA
Kimbangi kinketo mosi wuyiza lembu tsambudulu yi bitumba (disolo di luzingu “ndisiala ko mvika bitumba.”)
“Nazali lisusu te moombo ya bikeko” (Linɔ́ngi ya Mosɛnzɛli ya 01/07/2011)
Zindongi zilenda kusadisa wuvana mimvutu mu zikhutukunu zi kimvuka.
“Sanzolá Yehova na lisangá” (Linɔ́ngi ya Mosɛnzɛli ya 01/2019)
Ntueni mosi wu bakala wunuana muingi kakutakana mu zikhutukunu zi kimvuka.
Dikuluzi dieta sadulu mu zitsambudulu zi bukristu. Buangu didi mu tsambudulu yi kiedika?
“Mpo na nini Batatoli ya Yehova basalelaka ekulusu te na losambo?” (Lisolo oyo ezali na internet)
a Mambu beni momo mela luta tubulu mu malongi mankuiza kuntuala.