Yesu nani kadi?

Masolo ma thama mamonisini ti Yesu widi mutu wuzabakana. Yinsundula ti batu bawombo bazebi dizina diandi vayi bawombo basizaba ko bumutu buandi ayi batu bawombo bankaka badi mabanza maviakana mu niandi. Bibila mbi kitubidi mu diambu di Yesu?

1. Yesu nani kadi?

Yesu widi pheve yingolo yo yeta zingila ku diyilu. Yehova niandi katuamina vanga diawu beta kuntedila ‘vangu kitheti mu bivangu bioso.’ (Kolosayi 1:15) Bibila kintedidi ‘muana wumosi kaka wu Yehova’ bila niandi kaka Yehova kavanga khumbu mosi mu mioko miandi. (Yowani 3:16) Yesu wusadisa Siandi Yehova, mu thangu kavanga bima bioso. (Tanga Zingana 8:30.) Yesu wukala thangu zioso wufikama kuidi Yehova. Niandi mbembo, bila widi n’nati mbembo wukuikama, weta nata minsamu ayi zithumu zi Yehova kuidi batu bankaka.—Yowani 1:14.

2. Bila mbi Yesu kayizila va mbata ntoto?

Va mevioka nduka nduka 2 000 yi mimvu, mu mangitukulu Yehova wutula luzingu lu Yesu mu vumu ki ntueni Maliya nioni kasiteka zaba ko babakala. Buawu bo Yesu kabutukila mutu va mbata ntoto. (Tanga Luka 1:34, 35.) Yesu wuyiza va mbata ntoto mosi kaba Mesiya voti Kristu mosi kakula batu.a Zimbikudulu zioso zitadidi Mesiya ziyiza lungana kuidi Yesu. Ziawu zisadisa batu bazaba ti wuba ‘Kristu, muana Nzambi yi moyo.’—Matayi 16:16.

3. Yesu kue kadi lumbu kiaki?

Ku manima ma luzingu luandi va ntoto, Yesu wufulukusu banga pheve ayi wuvutuka ku diyilu. Kuna diyilu, kuawu “Nzambi kannangikila va buangu kizangama.” (Filipi 2:9) Lumbu kiaki Yesu kimfumu kinneni kadi, ku manima ma Yehova niandi mutu lutuditi zangama mu luyalanganu loso.

4. Yesu kasi ko Nzambi yinkua ngolo yoso

Bibila kieta longa ti, ka diambu ko Yesu kadi pheve yingolo ku diyilu, weta tumukina Siandi Yehova. Bila mbi tulenda butubila? Tala VIDEO mu diambu di wumona mambu mo Bibila kieta longa mu diambu di buangu ki Yesu va ntuala Nzambi nio widi nkua ngolo yoso.

VIDEO: Yesu Kristo azali Nzambe? (3:22)

Ziverse zi Bibila zio zilandikini, zilembu tusadisa mu mona nguizani yo Yehova kadi ayi Yesu.

Tanga Luka 1:30-32.

• Banga butubidi Mbasi, nguizani mbi yidi Yesu ayi Yehova Nzambi nioni lutidi “Zangama”?

Tanga Matayi 3:16, 17.

• Mu thangu mbotama yi Yesu, mbembo yo yitotuka ku diyilu mbi yituba?

• Mu ngeyo, nani weba tuba?

Tanga Yowani 14:28.

• Ngeyo bonga muana ayi disa, na nkulutu ayi na lutidi kimfumu?

• Yesu wutedilla Yehova “Tata.” Mbi dikutulonga?

Tanga Yowani 12:49.

• Yesu weta banzila ti phila mosi badi ayi Siandi? A ngeyo, bue wum’banzila?

5. Bidimbu bio bimmonisa ti Yesu niandi Mesiya

VIDEO: Yesu akokisi bisakweli (3:03)

Tanga zimbikudulu beni ayi vana mimvutu mu biuvu biabi bilandikini.

Tanga Mika 5:2 mo wuzaba kue Yesu kafueti butukila.b

• Mbikudulu beni yilungana?—Matayi 2:1.

Tanga Minkunga 34:20 ayi Zekalia 12:10 mu diambu di wumona zimbikudulu ziwadi zitadidi lufua lu Mesiya.

• Zimbikudulu beni zilungana?—Yowani 19:33-37.

• Wum’banzila ti Yesu lenda kuandi vanga moso kuandi mambu kakeni vanga mu diambu di zimbikudulu beni zilungana?

• Mbi mammonisa mu diambu di Yesu?

MU BUKHUFI

Yesu widi pheve. Niandi muana Nzambi ayi Mesiya.

Phutukulu

• Bila mbi Yesu katedulu vangu “kitheti mu bivangu bioso”?

• Mbi Yesu keba salanga tuamina kiza va ntoto?

• Bue tuzabidi ti Yesu niandi Mesiya?

TALA MAMBU MANKAKA

Longuka diaka mambu mawombo matadidi kisalu ki Yesu dede Mesiya.

“Bisakweli oyo elobeli Masiya emonisaki ete Yesu azalaki Masiya?” (Lisolo oyo ezali na Internet)

Bibila kisi longa ko ti Nzambi widi disa di Yesu dede phila mutu keta butila muana.

“Mpo na nini Yesu abengami Mwana ya Nzambe?” (Lisolo oyo ezali na Internet)

Bila mbi tulenda tubila ti Bibila kilonganga ko dilongi di Butatu bu Nzambi?

“Yesu azali Nzambe?” (Linɔ́ngi ya Mosɛnzɛli ya 01/04/2009)

Luzingu lu nketo mosi luyiza baluka mu thangu kalonguka mu Bibila mambu matadidi Yesu.

“Mwasi moko Moyuda amonisi ntina oyo atalelaki lisusu mateya ya lingomba na ye” (Lamuká!, 05/2013)