DILONGI 41
Bibila mbi kitubidi mu mambu matadidi sangisa nitu?
Batu bawombo beta mona tsoni tubila mambu matadidi tsangusulu nitu. Bibila, kieta kumatubila bumboti mboti ayi mu phila yifuana. Mambu mo kitubidi mu diambu ditadidi tsangusulu nitu, madi mu diambu di mamboti meto. Bukiedika Yehova niandi mvangi’eto, ayi zebi mambu malutidi mboti mu diambu di betu. Tadila diambu ditadidi tsangusulu nitu banga niandi phila keta ditadila, mayitusadisa tun’zitisa ayi matu ba vuvu kizinga mvu ka mvu.
1. Bue Yehova keta muena diambu ditadidi sangisa nitu?
Sangisa nitu didi dikaba diodi Yehova kavana kuidi batu bakuela. Dikaba beni dieta tula ti bakala ayi nketo babuta bana, vayi phe mu diambu di bamonasana luzolo ayi nguizani yo yidi mu bawu. Diawu mbembo Nzambi yitubidi ti “Yangalala ayi nketo wu buntueni buaku.” (Zingana 5:18, 19) Yehova tidi ti, bakala ayi nketo bamosananga kuikama ayi bamanga tula kiphinga kintindu woso.—Tanga Ebelewo 13:4.
2. Kitsuza muna mbi?
Bibila kitubidi ti “batu bobo bantulanga kitsuza [. . .] balendi baka ko buangu mu kimfumu ki Nzambi.” (1 Kolinto 6:9, 10) Kitsuza ‘kidi kuma kibangulu mu Kingeleki pornéïa.’ Kuma beni kinsundula 1) Tsangusulu nitua yi batu bakondo kuelana, 2) Tsangusulu nitu yi babakala na babakala voti baketo na baketo 3) Tsangusulu nitu ayi bibulu. Mutu nio weta manga kitsuza weta baka mamboti ayi Yehova weta kunkikinina.—1 Tesalonika 4:3.
TUVISA MBOTI MBOTI
Tutala bue tulenda bela bavedila mu diambu ditedi tsangusulu nitu ayi mamboti mo dilenda kutunatina.
3. Tina ntindu woso wu kitsuza
Yozefi, ntueni mosi wuba wukuikama kuidi Nzambi, wunuana mu diambu di kaba na bumutu bukhati buvedila. Tanga 1 Mose 39:1-12 ayi vana mimvutu mu biuvu biabi:
Bila mbi Yozefi katinina?—Tala verse 9.
Bue wum’banzila, Yozefi nzengolo mboti kabaka? Bila mbi?Why?
Bue bantueni balenda sokudila Yozefi ayi tina ntindu woso wu kitsuza? Tala VIDEO.
Yehova weta lomba kuidi bisadi biandi bioso biba bivedila. Tanga 1 Kolinto 6:18 ayi vana mimvutu mu biuvu biabi:
Mambu mbi malenda tuma mutu katula kitsuza?
Bue wulenda tinina ntindu woso wu kitsuza?
4. Wulenda kuaku nunga nzomono
Yeta tomba tula zingolo ziwombo mu diambu di nunga nzomono yi manga tula kitsuza. Diambu mbi dilenda tula ti yiba phasi mu nunga nzomono beni? Tala VIDEO ayi vana mvutu mu kiuvu kiaki kilandikini.
Diambu mbi khomba beni kavanga bo kamona ti, phil’andi yivangila mambu yilenda kunnata mu kambu kuikama kuidi nketo’andi?
Buba mutu nio wukuikama kuidi Nzambi, kafueti tula ngolo mu diambu di kuka mayindu mambimbi mu mabanza mandi. Mbi tufueti tula mu diambu di mabanza ma kitsuza mabika kota mu mayindu meto? Tanga Filipi 4:8 ayi vana mimvutu mu biuvu biabi:
Ntindu mbi yi mambu mafueti ba mu mayindu meto?
Bila mbi tanga Bibila ayi kukivana buwombo mu kisalu ki Nzambi bilenda kutusadisila tununga nzomono?
5. Yehova wutula minsiku mu diambu di mamboti meto
Yehova niandi zebi mambu mafueni mu diambu di betu. Weta tusudikisa mambu momo tufueti vanga mu diambu di tuba bumutu bukhati buvedila ayi mamboti mo tulenda baka. Tanga Zingana 7:7-27 voti tala VIDEO ayi vana mimvutu mu biuvu biabi bilandikini.
Bila mbi ntueni wu bakala beni kaye kitudila mu nzomono?—Tala Zingana 7:8, 9.
Mu tadila Zingana 7:23, 26, kitsuza kilenda kunatina mambu mawombo maphasi. Mambu mbi mambimbi katuedi builukulu ko enati tutatimini ba batu bavedila?
Nguizani mbi yidi mu ba bumutu bukhati buvedila ayi zinga mvu ka mvu?
Batu bankaka beta banzila ti Bibila bo kikandikidi sangisa nitu babakala na babakala voti baketo na baketo, yidi kambu ku luzolu. Vayi Yehova widi Nzambi yi luzolu ayi tidi batu bazinga mvu ka mvu. Diawu, ti batu batidi baka luzingu lu mvu ka mvu bafueti landakana minsiku miandi. Tanga 1 Kolinto 6:9-11 ayi vana mvutu mu kiuvu kiaki:
Tsangusulu nitu yi babakala na babakala voti baketo na baketo, yawu kuandi Nzambi keta manga?
Mu diambu di Nzambi katukikinina, betu boso tufueti balula mavanga meto. Diambu beni difueni kuandi tuditudila zingolo? Tanga Minkunga 19:8, 11 ayi vana mimvutu mu biuvu biabi:
Ngeyo bue wummuena, minsiku mi Yehova mifuana kuandi midi? Mbi bitumini wubutubila?
Banga kuandi phila kasadisila batu bankaka, Yehova kalenda kusadisa phe wubaluka
BATU BANKAKA BETA TUBA TI: “Mu thangu bakala ayi nketo bame zolana, kadiambu ko basi kuelana ko, yisi kuandi mbimbi ko bawu sangisa nitu.”
Bue wum’banzila?
MU BUKHUFI
Sangisa nitu didi dikaba diodi Yehova kavana kuidi bakala ayi nketo bo bakuelana.
Phutukulu
Mintindu mbi mi tsangusulu nitu midi mimbimbi?
Mbi bilenda kutusadisa tumanga ntindu woso wu kitsuza?
Landakana minsiku mi Yehova mamboti mbi yilenda kutunatina?
TALA MAMBU MANKAKA
Tutala bila mbi yididi mbimbi va ntuala Nzambi ti batu bo bakondo kuelana bazinga va kimosi.
“Biblia elobi nini mpo na libala ya makango?” (Lisolo oyo ezali na Internet)
Bila mbi mbueno yi Bibila mu diambu ditedi sangisa nitu baketo na baketo voti babakala na babakala yikadi tutuma tulenda batu beni.
“Kosangisa nzoto mibali na mibali to basi na basi ezali mabe?” (Lisolo oyo ezali na Internet)
Bila mbi minsiku mi Nzambi mitadidi sangisa nitu mididi lutanunu?
Mambu mo matuma bakala dimosi nioni weba nsangisanga nitu ayi babakala yandi kabalula luzingu luandi. (Disolo di luzingu “Baphana luzitu.”)
“Biblia ebongolaka bato” (Linɔ́ngi ya Mosɛnzɛli ya 01/04/2011)
a Sangisa nitu mu munu, mu mataku, voti bueta bueta binnama bi butila bi mutu nkaka, yidi phila yi tsangusulu nitu.