Mambu mbi Bibila kitubidi mu diambu ditadidi kambu kuela ayi kuela?

Mu zitsi zinkaka, batu bankaka beta banzila ti, mutu muingi kaba mu mayangi, kafueti kuela kaka. Vayi, kuidi na batu bo bakuela balembo moni ziphasi ayi kuidi na batu bo bakambulu bakuela badi mu mayangi. Bukiedika, Bibila kitubidi ti kuela ayi kambu kuela madi makaba mabedi kuidi Nzambi.

1. Mamboti mbi madi mu kambu kuela?

Tueta tanga mu Bibia ti: “Woso mutu kuedidi vengi diambu dimboti, ayi woso mutu mengi kuandi kuela vengi diambu dilutidi mboti.” (Tanga 1 Kolinto 7:32, 33, 38.) Bila mbi Bibila kitubidi ti mutu nio kambulu kuela vengi diambu “dilutidi mboti”? Mu kifuani, mu kondo phasi kalenda kuandi kue samuna koso kuandi kuma katidi, voti yoso kuandi tsi katidi kuenda. Mu buela, wukala ayi thangu yiwombo yi yonzudila kikundi kiandi ayi Yehova.

2. Mamboti mbi madi mu kuela?

Banga kuandi kambu kuela, kuela phe kuidi na mamboti mandi. Bibila kitubidi ti “batu buadi balutidi wumosi.” (Mpovi 4:9) Nduka nduka buawu bukadila kuidi batu bo bakuelana, bo bansadila zitsikudukusu zi Bibila. Bakala ayi nketo bo beka nkuelana, beta vanasana tsila yi zolasana ayi yi kinzasana. Beta kimona ti badi mu lutanunu viokila bakala ayi nketo bo badi va kimosi vayi basi ko bakuelana. Diawu dikuela dikala buangu ki lutanunu mu diambu di bana.

3. Bue Yehova keta tadila dikuela?

Mu thangu Yehova kasakumuna dikuela ditheti, wutuba ti: “Bakala wela bika siandi ayi nguandi, ayi wela kangama kuidi nketo’andi.” (1 Mose 2:24) Yehova tidi bakala ayi nketo bazolasana ayi tidi batatamana zinga va kimosi mu luzingu luawu loso. Yehova kalenda kikinina dikuela difua, enati wumosi mu bawu tudidi kiphinga. Ti buawu buididi, Yehova veni nzila kuidi wumosi mu bawu nioni bavangidi diambu dimbimbi, kabaka nzengolo yi vonda dikuelaa voti nana. (Matayi 19:9) Yehova kazolanga ko bakristu bakuela baketo bawombo voti ba bakala bawombo.—1 Timote 3:2.

TUVISA MBOTI MBOTI

4. Yangalala mu dikaba diodi widi di kambu kuela

Kambu kuela kuidi Yesu, diba dikaba dimosi dimboti. (Matayi 19:11, 12) Tanga Matayi 4:23 ayi vana mvutu mu kiuvu kiaki:

• Bue Yesu kasadila dikaba diandi di kambu kuela mu diambu di sadila Siandi ayi vanga mamboti kuidi badiandi?

Banga Yesu, mukristu nio kasi ko wukuela lenda ba mu mayangi. Tala VIDEO ayi vana mvutu mu kiuvu kiaki kilandikini.

VIDEO: Minzemba ya sembo (3:11)

• Kisalu mbi kimfunu bakristu bo bakambu kuela balenda kivanina?

Wubedi buzabilanga?

Bibila kisi tubila ko mimvu mio mutu kafueti ba mosi kakuela. Kadiambu ko kisi tubila ko mimvu, vayi kieta vana zindongi ti mutu “kafueti teka viokisa mimvu mi buntueni mosi kakuela,” thangu yoyi yeta kuiza tula ti tsatu yi sangisa nitu yiba yiwombo, yawu yilenda tula ti mutu kasobula mutu nioni kankuela mu kondo yindula.—1 Kolinto 7:36.

5. Sobula bumboti mutu nioni tidi kuela

Sobula mutu nioni tidi kuela, yidi mu khati zinzengolo ziozi zilutidi mfunu mu luzingu. Tanga Matayi 19:4-6, 9 ayi vana mvutu mu kiuvu kiaki:

• Bila mbi mukristu kafueti bakila thangu yi yindudila bumboti tuamina kakuela?

Bibila kieta tubila bikadulu bimboti biobi wufueti tomba kuidi mutu nioni wun’zola kuela. Kadulu kimfunu kioki wufueti luta tomba kuidi mutu beni, kazola Yehova.b Tanga 1 Kolinto 7:39 ayi 2 Kolinto 6:14 ayi vana mimvutu mu biuvu biabi:

• Bila mbi wufueti kuela kaka mutu nioni weti sadila Yehova?

• Enati mutu beki nzengolo yikuelana ayi mutu nio ka kasadilanga ko Yehova, bue Yehova kafueti muena?

6. Tadila dikuela phila Yehova keta ditadila

Mu thangu bana ba Iseli, batu beba vondanga makuela mu landakana mamboti mawu veka ayi mu mambu ma phamba phamba. Tanga Malaki 2:13, 14, 16 ayi vana mvutu mu kiuvu kiaki:

• Bila mbi Yehova keta mangina batu bo bamvondanga makuela mu mambu makambulu kuandi mfunu?

Tala VIDEO ayi vana mvutu mu kiuvu kiaki kilandikini.

VIDEO: Kangamá na molongani na yo (4:30)

• Enati nnuni’aku voti nketo’aku kasadilanga ko Yehova, mbi wulenda tula mu diambu di dikuela dieno diba dimboti?

7. Tumukina minsiku mi Yehova mu diambu ditadidi dikuela

VIDEO: Tosá mibeko ya Yehova oyo etali libala (4:14)

Tanga Ebelewo 13:4 ayi vana mimvutu mu biuvu biabi:

• Minsiku mi Yehova mu diambu ditadidi makuela, midi mifuana? Bila mbi wubutubila?

Mu zitsi ziwombo, mu kala ayi minsiku mu diambu ditadidi sonikisa dikuela kuidi leta ayi minsiku mitadidi vonda dikuela. Yehova wulembo lombi kuidi bakristu bakiedika batumukina minsiku beni. Tanga Tito 3:1 ayi vana mvutu mu kiuvu kiaki:

• Enati widi wukuela, a bue, dikuela dieno disonama mu buku Leta?

MU BUKHUFI

Kambu kuela ayi kuela madi makaba mo mabedi kuidi Yehova. Wukuela, wukambu kuela, mambu beni ma mammuadi meta nata zikhini enati tulandikini zitsikudukusu zi Yehova.

Phutukulu

• Bue mutu nioni wukambu kuela kalenda bakila mamboti mu diambu beni?

• Bila mbi Bibila kitubidi ti wufueti kaka kuela mutu nioni weta sadila Yehova?

• Diambu mbi Bibila kimonisini dilenda vonda dikuela?

TALA MAMBU MANKAKA

“Kuedila mu mfumu” mbi yinsundula?

“Mituna ya batángi” (Linɔ́ngi ya Mosɛnzɛli ya 01/07/2004)

Zindongi zimboti kuidi bo badi lukanu lukuela ayi bo bame kuela, mu video yi bitini bitatu.

Komibongisa mpo na libala (11:53)

Mamboti mbi Yehova kavana kuidi khomba mosi nioni wubaka zinzengolo mu kibakala.

Nazalaki kokanisa ete akoyekola solo (1:56)

Mambu mbi wufueti teka fiongunina ayi tadila, tuamina wubaka nzengolo yi vonda dikuela?

“Kumisá libala, ebongiseli oyo Nzambe atyá” (Linɔ́ngi ya Mosɛnzɛli ya 12/2018)